2024 جىلدىڭ اقپان ايىنداعى اۋا رايى بولجامى
2024 جىلدىڭ اقپان ايىنداعى اۋا رايى بولجامى
كونسۋلتاتيۆتى سينوپتيكالىق اۋا رايى بولجامىنا سايكەس 2024 جىلدىڭ اقپان ايىندا رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2° جوعارى، شىعىس قازاقستان وبلىسىندا، الماتى مەن جەتىسۋ وبلىستارىنىڭ وڭتۇستىك-شىعىس جارتىسىندا، تۇركىستان، جامبىل جانە اباي وبلىستارىنىڭ تاۋ جانە تاۋ بوكتەرىندەگى اۋداندارىندا نورما شاماسىندا بولادى دەپ كۇتىلۋدە.
اقپان ايىندا جاۋىن-شاشىن مولشەرى رەسپۋبليكانىڭ باسىم بولىگىندە كليماتتىق نورما شاماسىندا، اتىراۋ وبلىسىندا، قوستاناي وبلىسىنىڭ سولتۇستىك جارتىسىندا، ەلىمىزدىڭ وڭتۇستىك جانە وڭتۇستىك-شىعىس وڭىرلەرىنىڭ تاۋ جانە تاۋ بوكتەرىندەگى اۋداندارىندا نورمادان كوپ بولادى دەپ بولجانۋدا. رەسپۋبليكانىڭ سولتۇستىك جارتىسىندا جاۋىن-شاشىن كوبىنەسە قار تۇرىندە، ءوڭتۇستىك جارتىسىندا جاڭبىر، قار تۇرىندە جاۋادى دەپ كۇتىلۋدە. تۇمان، كوكتايعاق، جەلدىڭ كۇشەيۋى، ەلدىڭ سولتۇستىك جارتىسىندا جاياۋ بۇرقاسىنمەن كۇتىلەدى.
بولجام بويىنشا اقپاننىڭ ءبىرىنشى ونكۇندىگىنىڭ باسىندا ق ر باسىم بولىگىندە قار، بۇرقاسىن، كەزەڭنىڭ ورتاسىندا جانە سوڭىندا جاۋىن - شاشىن (جاڭبىر، قار) كۇتىلەدى. اقپان ايىنىڭ باسىندا وڭتۇستىك وبلىستاردىڭ تاۋلى ايماقتارىندا كەيدە قاتتى قار جاۋادى دەپ بولجانۋدا. تۇراقسىز اۋا-رايى تۇمان، كوكتايعاق جانە جەلدىڭ 15-28 م/س دەيىن كۇشەيۋىمەن كۇتىلەدى. رەسپۋبليكانىڭ باتىسىندا اقپان ايىنىڭ باسىندا، ءبىرىنشى ونكۇندىكتىڭ ورتاسىنا قاراي باسىم بولىگىندە اۋا تەمپەراتۋراسى جوعارىلايدى، كۇندىز وڭ ماندەرگە دەيىن كوتەرىلۋى كۇتىلەدى: سولتۇستىك جارتىسىندا -3+2°س دەيىن، وڭتۇستىگىندە +5+15°س دەيىن. اقپاننىڭ ءبىرىنشى ونكۇندىگىنىڭ سوڭىندا تەمپەراتۋرالىق فوننىڭ كەزەكتى تومەندەۋى سولتۇستىك-باتىس جارتىسىندا، سودان كەيىن ق ر قالعان اۋماعىندا بولجانادى.
You Might Also Like
-
قازاقستان تاريحى - بۇل كوپتەگەن عاسىرلار بويى وربىگەن، ءار ءتۇرلى مادەنيەتتەر مەن وركەنيەتتەردىڭ قيىلىسقان جەرى.
-
الماتى قالاسى، قازاقستاننىڭ ەڭ ءىرى قالالارىنىڭ ءبىرى بولىپ تابىلادى جانە ونىڭ كوپتەگەن كورىكتى جەرلەرى بار. تۋريستەر ءۇشىن الماتىنىڭ كەلەسى جەرلەرىن بارۋعا كەڭەس بەرۋگە بولادى
