InfoHub Logo

عالىمداردىڭ مالىمدەۋىنشە، بالالاردىڭ دەنساۋلىعى ءۇشىن 3 جاستان كىشىلەرگە مۇلدەم تەلەديدار كورسەتپەۋ، ال 3 جاستان ۇلكەندەرگە شەكتەۋ قويىلۋى ابزال.

انگليانىڭ الدىڭعى قاتارلى پسيحولوگتارىنان در. اريك سيگمان، ءار وتكەن كۇن، ادامداردىڭ ويىن پريستاۆكالارى، پلانشەتتەر، كومپيۋتەرلەر، تەلەديدارلار، سمارتفوندار مەن نوۋتبۋكتاردىڭ الدىندا كوپ ۋاقىت وتكىزەتىنىن ايتىپ، مۇنىڭ سەمىزدىككە، جۇرەك قان تامىرلارى اۋرۋلارىنا جانە 2-تيپتەگى ديابەت اۋرۋىنا شالدىعۋ ءقاۋىپىن ارتتىراتىنىن ايتادى. انگلياداعى «Archives Of Disease In Childhood» اتتى مەديسينالىق جۋرنالدا ماقالاسى باسىلىپ شىققان سيگمان، كوگىلدىر ەكراننىڭ الدىندا كوپ ۋاقىت وتكىزۋدىڭ پسيحولوگيالىق پروبلەمالارعا دا جول اشاتىنىن ايتىپ ەسكەرتتى.

سيگمان: «ەكران الدىندا وتىرۋ جاسىنىڭ كەشىگۋى جانە كۇندەلىكتى ەكراننىڭ باسىندا وتكىزىلەتىن ۋاقىتتىڭ ازايۋى، بالالاردىڭ دەنساۋلىعىنا جانە جاقسى ءومىر سۇرۋىنە ۇلكەن پايدالارى بار» دەيدى. سونىمەن قاتار، بالا دەنساۋلىعىنىڭ مامانى اتاقتى پسيحولوگ، ەكران الدىندا وتىرىپ وتكىزىلەتىن ۋاقىتتىڭ بالانىڭ الەۋمەتتىك قاتىناسىنا دا اسەر ەتەتىنىن ايتتى.

اتا-انالاردىڭ، تىنىش وتىرسىن، مازامدى الماسىن دەپ بالالاردى ەكراننىڭ الدىنا وتىرعىزىپ قويۋىنىڭ دا بارعان سايىن كەڭ تاراپ كەلە جاتقانىن اتاپ، بۇل ادەتتەن ۇزاق تۇرۋ كەرەكتىگىن مالىمدەدى. سيگمان، 3 جاستان كىشكەنتايلارعا مۇلدەم تەلەديدار كورسەتپەۋ كەرەكتىگىن، ەكران الدىندا وتكىزىلەتىن ۋاقىتتىڭ 3 پەن 7 جاس اراسىنداعى بالالارعا كۇنىنە جارتى ساعات پەن ءبىر ساعات، 7 جاس پەن 12 جاس ارالىعىنداعىلارعا تەك ءبىر ساعات، 12 مەن 15 جاس اراسىنداعىلارعا كۇنىنە 1،5 ساعات، 16 جاستان جوعارى جاستاعىلارعا دا ەڭ كوپ 2 ساعاتپەن شەكتەلۋ كەرەكتىگىن ايتتى.

وقۋعا كەڭەس بەرەمىز:

12 جاسقا دەيىنگى بالالاردى نە ءۇشىن گادجەتتەردەن الشاق ۇستاۋ كەرەك؟

تەلەديداردىڭ كوزگە زياندارى

تەلەديدار جانە وتباسى

تەلەديدار جانە بالالار

جاستار جانە تەلەديدار

تەلەديداردىڭ زەيىنگە ىقپالى

---