ءبىلىم مينيسترلىگى التى جوو-دان بۇزۋشىلىقتار انىقتادى
ق ر ءبىلىم جانە عىلىم مينيسترلىگى ەلىمىزدىڭ 6 جوعارى وقۋ ورنىندا تەكسەرۋ جۇرگىزدى.
«2019 جىلعى 16-30 قىركۇيەك ارالىعىندا ق ر ءبىلىم جانە عىلىم مينيسترلىگى تاراپىنان ەلىمىزدىڭ 6 جوعارى وقۋ ورنىندا پروفيلاكتيكالىق باقىلاۋ جۇرگىزىلدى: ءو.ا.بايقوڭىروۆ اتىنداعى جەزقازعان ۋنيۆەرسيتەتى، اكادەميك ق.ساتبايەۆ اتىنداعى ەكىباستۇز ينجەنەرلىك-تەحنيكالىق ينستيتۋت، م.تىنىشپايەۆ اتىنداعى قازاق كولىك جانە كوممۋنيكاسيالار اكادەمياسى، د.قونايەۆ اتىنداعى ەۋرازيا زاڭ اكادەمياسى، «تۇران» ۋنيۆەرسيتەتى، قازاق ەڭبەك جانە الەۋمەتتىك قاتىناستار اكادەمياسى. ناتيجەسىندە اتالعان جوعارى وقۋ ورىندارىنىڭ ءبىلىم بەرۋ قىزمەتىندە ءارتۇرلى دارەجەدەگى بۇزۋشىلىقتار انىقتالدى. پروفيلاكتيكالىق باقىلاۋ قورىتىندىسى بويىنشا بەلگىلى بولعان سايكەسسىزدىكتەردى جويۋ جانە ءبىلىم بەرۋ قىزمەتىن زاڭناما نورمالارىنا سايكەس كەلتىرۋ بويىنشا جوو-عا ۇسىنىمدار بەرىلدى، ءبىراق اكىمشىلىك سيپاتتاعى شارالار قولدانىلعان جوق»، - دەلىنگەن حابارلامادا.
جوو قىزمەتىن تالداۋ قولدانىستاعى نورماتيۆتىك قۇقىقتىق اكتىلەرگە سايكەس جۇرگىزىلگەن. پروفيلاكتيكالىق باقىلاۋ بارىسىندا ءبىلىم بەرۋ ۇيىمدارىنىڭ قىزمەتى مەن وقۋعا قابىلداۋدىڭ ۇلگىلىك ەرەجەلەرى، بىلىكتىلىك تالاپتارى ءجىتى تەكسەرىلدى.
«انىقتالعان بۇزۋشىلىقتاردى جويۋعا بەرىلگەن مەرزىم ءوز شەگىنە جەتكەننەن كەيىن، مينيسترلىكپەن سايكەسسىزدىكتەردى جويۋدى باقىلاۋ بويىنشا قايتا تەكسەرۋ جۇرگىزىلەتىن بولادى. ءبىلىم بەرۋ سالاسىنداعى زاڭناما تالاپتارىنىڭ بۇزىلۋ فاكتىسى قايتا انىقتالسا، جوو-نى ءبىلىم بەرۋ قىزمەتىن جۇرگىزۋگە ليسەنزيادان ايىرۋ بويىنشا ماتەريالدار سوت قاراۋىنا جىبەرىلەتىن بولادى»- دەپ حابارلادى باسپا ءسوز قىزمەتى.
You Might Also Like
-
ءبىز سوعىستى كورگەن جوقپىز... الايدا تاريح قويناۋىنا كەتكەن سول زۇلامات جىلدار جايلى ەل دەگەندە ەزىلىپ، جۇرت دەگەندە جۇمىلىپ، جەرگە تەر توگىپ، حالىققا قان توگىپ قىزمەت ەتكەن، وتان الدىنداعى بورىشىن ...
-
دۇنيەدەگى ماماندىق اتاۋلىنىڭ اناسى–ۇستازدىق. سەبەبى ۇلى تۇلعالارىمىزدىڭ بارلىعى ۇستازدان ءتالىم العان، ۇستازدىڭ سالىپ بەرگەن سارا جولىنان وتكەن. ولەڭ ءسوزدى ورنەكتەگەن اقىن دا، قالامى قار...
