InfoHub Logo

2016 جىلدىڭ 1 تامىزى مەن 30 قىركۇيەگى ارالىعىندا «مەكتەپكە جول» اكسياسى اياسىندا 320 مىڭنان استام بالاعا كومەك كورسەتىلدى.

ماتەريالدىق جانە قارجىلىق كومەكتىڭ جالپى قۇنى 2،5 ملرد.-قا جۋىق تەڭگەنى قۇرادى، دەپ حابارلايدى primeminister.kz سايتى.

«اكسيا قورىتىندىسى بويىنشا از قامتىلعان جانە كوپ بالالى وتباسىلاردان شىققان 321 424 بالا جالپى سوماسى 2 ملرد 468 ملن تەڭگەگە (2015 ج. - 318 026 بالا 2،2 ملرد تەڭگەگە) ماتەريالدىق جانە قارجىلىق كومەك الدى، سونىڭ ىشىندە دەمەۋشىلەر مەن مەسەناتتاردىڭ اتىنان 223 948 بالاعا 1 ملرد 801 ملن تەڭگەگە كومەك كورسەتىلدى (2015 ج. - 200 مىڭ بالاعا 1،5 ملرد تەڭگەگە كومەك بەرىلدى)»، - دەپ حابارلادى ق ر بعم-نان.

سونىمەن قاتار، مينيسترلىكتىڭ مالىمەتى بويىنشا، ماتەريالدىق كومەكپەن قامتىلعان بالالاردىڭ سانى جاعىنان جامبىل وبلىسى (30 057 بالا)، قاراعاندى وبلىسى (29 590 بالا)، قىزىلوردا وبلىسى (28 137 بالا)، اقتوبە وبلىسى (27 004 بالا) كوش باستاپ تۇر.

«جينالعان قاراجات كولەمى بويىنشا رەيتينگتە الماتى وبلىسى (427 ملن-نان استام تەڭگە)، قاراعاندى وبلىسى (281 ملن.-نان استام تەڭگە)، وڭتۇستىك قازاقستان (197 ملن-نان استام تەڭگە)، جامبىل وبلىسى (188 ملن.-نان استام تەڭگە)، قىزىلوردا وبلىسى (184 ملن.-نان استام تەڭگە) جانە ت.ب. وبلىستاردى ەرەكشە اتاپ وتۋگە بولادى»، - دەپ مالىمدەلدى ۆەدومستۆودا.

ايتا كەتۋ كەرەك، اكسيا شەڭبەرىندە بالالار ءتيىستى مەكتەپ قۇرالدارىمەن، كيىم-كەشەكتەرمەن (مەكتەپ فورماسى، سپورت كيىمدەرى، اياق كيىمدەر جانە ت.ب.) قامتاماسىز ەتىلدى.

ەسكە سالا كەتەيىك، «مەكتەپكە جول» رەسپۋبليكالىق اكسياسى وسىمەن توعىز جىل قاتارىنان وتكىزىلىپ كەلەدى، مۇندا از قامتىلعان جانە كوپ بالالى وتباسىلاردان شىققان بالالار جاڭا وقۋ جىلىنا دايىندىق كەزىندە قايتارىمسىز كومەككە يە بولادى.

اكسيا وتكىزىلگەن توعىز جىل ىشىندە 2 ملن 345 مىڭ 812 بالا جالپى سوماسى 15 ملرد 79 ملن 842 مىڭ تەڭگە كولەمىندە ماتەريالدىق كومەك الدى.

---