تاۋەلسىز ەلىم قازاقستان!
اتىراۋ قالاسى
№9 ش.ءۋاليحانوۆ اتىنداعى ورتا
مەكتەپتىڭ باستاۋىش سىنىپ ءمۇعالىمى
داۋلەتياروۆا سايرانگۇل عابيت قىزى
تاربيە ساعاتىنىڭ ماقساتى: وقۋشىلاردى ەلىمىزدىڭ تاۋەلسىزدىك العان جىلدار ىشىندەگى جەتكەن جەڭىستىكتەرىمەن تانىستىرۋ، الەم تانىعان ەل ەكەنىن دالەلدەۋ، بىلىمدەرىن كەڭەيتۋ.
بولاشاق ۇرپاقتىڭ رۋحاني تۇلعالىق جانە ادامگەرشىلىك قۇندىلىقتارىن دامىتۋ.
وتانىن سۇيۋگە،ەل تاريحىن بىلۋگە،ەلىمىزدىڭ مەملەكەتتىك رامىزدەرىن قاستەرلەۋگە،وتانىمىزدىڭ بايلىعىن قورعاۋعا،ەلىمىزدى وركەندەتۋگە ءبىلىمدى ۇرپاق بولۋعا تاربيەلەۋ.
تاربيە ساعاتىنىڭ كورنەكىلىگى: قازاق ەلى سۋرەتتەرى، قزاقستان رەسپۋبليكاسىنىڭ رامىزدەرى: تۋى، ەلتاڭباسى، ءانۇرانى. ن.ءا نازاربايەۆتىڭ سۋرەتى.
ناقىل سوزدەر، قازاقستان تۋرالى اندەر.
تاربيە ساعاتىنىڭ بارىسى:
قازاقستان تۋرالى نە بىلەمىز؟ مەن قازاقستاندا تۇرامىن. مەن قازاقستاندا ءبىلىم الىپ جاتىرمىن. مەن ەلىممەن ماقتانامىن. ەلىمنىڭ گۇلدەنە بەرگەنىن قالايمىن.
ءمۇعالىم ءسوزى. مىنە وقۋشىلار بىزدەر ەلىمىزبەن ماقتانامىز. بۇل ەركىندىك وڭايلىقپەن كەلگەن جوق. قازاق ەلى ەركىندىككە جەتۋ ءۇشىن قانشاما قيىن-قىستاۋ كەزەڭدەردى باستان كەشىردى. مىڭداعان جىلدىق تاريحى بار. قازاقستان تاۋەلسىزدىك الدى.
ال، 1986 جىلعى وقيعا حالىقتىڭ ەسىندە ماڭگى ساقتالادى.
وقۋشى:16 جەلتوقساندا قازاق جاستارى ورتالىق الاڭعا شىعىپ، قازاقستان تاۋەلسىزدىگىن تالاپ ەتتى.
وقۋشى: وسىنىڭ ناتيجەسىندە 1991 جىلى 16 جەلتوقساندا قازاقستان رەسپۋبليكاسى تاۋەلسىزدىگى تۋرالى زاڭ قابىلداندى.
وقۋشى: اتىڭنان اينالايىن ەگەمەن ەل، «تۋعان ەل» سۋرەتى
تاۋەلسىز كۇنىڭ تۋدى كەنەلە بەر.
مەرەيىڭ قۇتتى بولسىن قازاقستان!
عاسىرلار تويى بولشى كەلە بەرەر!
وقۋشى: مەرەكەڭ قۇتتى بولسىن ەگەمەن ەل،
تەرەزەڭ بارلىق ەلمەن تەڭ ەرەن ەل.
بابالار ماڭگى باقي ارمان ەتكەن،
تەڭدىكتى،بوستاندىقتى يەلەنگەندەر.
وقۋشى: بوستاندىق قۇتتى بولسىنەرىكتى ەل،
ايدىن كول، كوك مايسالى كورىكتى جەر
بوستاندىقتى اڭساعان باتىرلاردىڭ
ءارۋاعىنا باس ۇرىپ، ءتاۋ ەتكەن جەر.
ءان «وتانىم - قازاقستان»
وقۋشى: ەگەمەن ەلىمنىڭ ەرتەڭى دەپ،
ەلباسى باعا بەردى جاستارىما
وقۋ وقى، ءبىلىم ال، ەلىڭ ءۇشىن
ەڭبەك ەت تىنىم تاپپاي، جان اياما.
وقۋشى: حالقىمنىڭ ماقتانىشى - الىپ تۇلعا. «بايتەرەك» سۋرەتى
الەمنىڭ نازارى اۋدى اق ورداعا
بايتەرەك – كوككە قولىن سوزىپ تۇرعان،
ۇقسايدى مەنىڭ اسقاق ارمانىما.
وقۋشى: ەل بولدىق ەگەمەندى، تەڭدىك الىپ،
بار الەم قازاق ەلىن بولدى تانىپ
قايناۋى كەنگە تولى قازاق ەلى،
جىل سايىن كەلەدى ءوسىپ قانات جايىپ.
«قازاقستان رەسپۋبليكاسىنىڭ پرەزيدەنتى ن.ءا نازاربايەۆ» سۋرەتى.
وقۋشى: ەل بولدىق ەرىك الدىق استانالى
ەندى كىمنەن قازاعىم جاسقانادى؟
تاۋەلسىز مەملەكەتتىڭ شەجىرەسى،
نۇرسۇلتاننىڭ اتىمەن باستالادى.
وقۋشى: جارالدىق مولشىلىقتان تولى اعىستان
جولىڭ بار جاقسىلىقتى قالاپ ۇشقان
عاسىردىڭ بيىگىنە شىقتىڭ تۋ بوپ،
كوركەيگەن ەلىم مەنىڭ – قازاقستان!
حور «ەلىم مەنىڭ» ءسوزى: ن. نازاربايەۆ ءانى: ب.تىلەۋحانوۆ
«استاناعا ساياحات» سۋرەتتەر كورسەتىلەدى.
وقۋشى: كوز قۋانىپ كۇن سايىن كوركەمىنە،
كوڭىلىمىز سەنەدى ەرتەڭىنە «استانا» سۋرەتى
قازاقستان – الىپ ەل، ءتورى استانا،
تاڭىم عانا لايىق ەل تورىنە.
وقۋشى: كەڭ دالالى، كەڭ پەيىلدى قازاقپىز،
قۇل ەمەسپىز، ەركى جانبىز، ازاتپىز
ەل نامىسىن ەشبىر جانعا بەرمەييىز،
ءومىردى العا باستىرامىز ورلەيمىز.
وتان تۋرالى ماقال-ماتەل بىلەمىز بە؟
ويىن «ماقال-ماتەل» جالعاسىن تاپ.
وقۋشى: وتانىم – قازاقستان تۋعان جەرىم،
مۇناي مەن گاز بولادى اسىل كەنىم
كوركەيتىپ ءبىر ءوزىڭدى كەلە جاتقان،
ارتامىز ەلباسىنا ۇلكەن سەنىم.
وقۋشى: ۇلتتىق ورنەك مۇرامىز
اداستىرماس مۇراتتاي
نىق كوتەرىپ تۇرامىز
جالاۋدى ءبىز قۇلاتپاي.
وقۋشى: بۇگىن ءاربىر مەملەكەتتىڭ عاسىرلىق تاريحىنا بايلانىستى رامىزدەرى بار.
مەملەكەتتىك رامىزدەر – تۋ، ەلتاڭبا، ءانۇران. بۇل حالىق بىرلىگىنىڭ بەلگىلەرى.قازاقستان رەسپۋبليكاسىنىڭ دا ءوز رامىزدەرى بار. مەملەكەتتىك رامىزدەردى قۇرمەتتەۋ - ءاربىر ازاماتتىڭ مىندەتى.
وقۋشى: بۇلت باسپاسىن كۇنىمدى «تۋ» سۋرەتى
تارىلماسىن ءورىسىم.
بيىك ۇستاۋ تۋىمدى-
قاسيەتتى بورىشىم.
وقۋشى: قازاقستان رەسپۋبليكاسىنىڭ مەملەكەتتىك تۋى ورتاسىندا شۇعىلالى كۇن، ونىڭ استىندا قادىقتاپ ۇشقان قىران بەينەلەنگەن تىك بۇرsشتى كوگىلدىر ءتۇستى ماتا. بۇل ءتۇس - اشىق اسپاننىڭ، تىنىشتىقتىڭ بەلگىسىن كورسەتەدى. تۋدىڭ ورتاسىنداعى التىن كۇن – بارشاعا ورتاق، بارىنە نۇرىن شاشىپ، ساۋلەسىن توگەدى. ونىڭ جىلۋى جەر بەتىندەگى بۇكىل تىرشىلىك تىرشىلىك اتاۋلىعا ورتاق. التىن كۇندى قاناتىمەن جەبەپ، ورگە كوتەرىپ» ۇشىپ بارا جاتقان قىران قۇس – ەرلىك بەلگىسى. ماتانىڭ سول جاعىندا ويۋ - ءور نەگى بار تىك جولاق ورنالاسقان. بۇل قازاق ەلىنىڭ اشەكەيى. التىن كۇن، قىران جانە ويۋ- ورنەك ءبىزدىڭ حالقىمىزدىڭ اشىق كەلەشەگى مەن باي – بەرەكەسى، تىنىشتىق پەن بايلىقتىڭ بەلگىسى.
وقۋشى: جەلبىرەيدى شالىقتاپ
قازاقستان جالاۋى
كوككە قىران قالىقتاپ،
قانات قاعىپ بارادى.
وقۋشى: مەن قازاقپىن، ۇلانىمىن قازاقتىڭ
تاۋەلسىزبىن، ەگەمەنمىن ازاتپىن
كوك بايراعىم تۇر كوگىمدە جەلبىرەپ
الاتاۋداي كوككە ورلەگەن ازاتپەن
وقۋشى: بابام تۇلپار جاراتتى «ەلتاڭبا» سۋرەتى
قۇلىنىن دا تانىپ اق
تۇلپار باردا قاناتتى
شايقالماسىن شاڭىراق.
وقۋشى: تاۋەلسىزدىك كوركى ول دا،
وركە نيەت ورىندە
نۇر توگەدى ەلتاڭبا
اق وردانىڭ تورىندە.
وقۋشى: قازاقستان رەسپۋبليكاسىنىڭ مەملەكەتتىك ەلتاڭباسىندا كوگىلدىر ءتۇس اياسىندا شاڭىراق بەينەلەگەن. شاڭىراقتى اينالا كۇن ساۋلەسىندەي تاراپ، ۋىقتار شانشىلعان.جارىق جۇلدىز – وتانىمىزدىڭ جۇلدىزى بيىكتەپ، باقىت جۇلدىزىنان نۇر شاشىپ تۇرعانىن بەينەلەيدى. قاناتتى تۇلپاردىڭ بالامالىق ءمانى قازاقتىڭ اڭىز ەرتەگىسىنەن الىنعان. اڭىز بويىنشا قاناتتى تۇلپارعا مىنگەن الىپ باتىر التى قانات اسپانعا ۇشىپ، جەتى قات جەر استىندا ءتۇسىپ حالىقتى قاسىرەتتەردەن ازات ەتكەن، ەلىمىزدىڭ ازاتتىعى مەن جەڭىمپازدىعىنىڭ بەلگىسى. بيداي ساباقتارى توقشىلىقتى، مولشىلىقتى بىلدىرەدى. ال تومەنگى جاعىنداعى «قازاقستان» دەگەن جازۋ ەلىمىزدىڭ ەجەلدەن الەمگە تانىمال ەكەنىن كورسەتەدى.
وقۋششى: باس بىلگىزىپ جەر تارپىعان تارپاڭعا
جاسى تۇرماق، شىعادى ەكەن قارتى اڭعا
قالاي ونىڭ ەلتاڭباسى بولمايدى
تۇلەگىنە دەيىن سالسا ەن – تاڭبا؟!
وقۋشى: ەندى بۇگىن ولگەن تۋىم ءتىرىلدى
ءانۇرانىم جالعاپ الدى عۇمىردى
بوساعادا قالىپ كەلگەن ەلتاڭبام
باياعىشا تورىمە كەپ ءىلىندى.
وقۋشى: باتىرلىققا ۋىزىنان جارىعان
ەر تۇركىنى بايراعىنان تانىعان
ءوزى اقىن، ءوزى ءانشى حالىقتا
كىم ايتا الار
بولماعان،- دەپ - ءانۇران؟!
وقۋشى: كەز كەلگەن مەملەكەتتىك ءرامىزدىڭ ەڭ ماڭىزدىسى - ءانۇران. ءانۇران مەملەكەتتىك سالتاناتتى ءان. ول حالىقتى ايگىلى ەتەدى. ونىڭ سوزدەرىندە حالىقتىڭ مىڭداعان جىلعى تاريحى، بۇگىنگى ءومىرى مەن كەلەشەك ارمانى ايتىلعان.
حور «ءانۇران» ءبارىمىز ءانۇراندى ايتىپ بەرەيىك.
وقۋشى: باقتىڭ قۇسى ءار ادامعا قونىپ ءبىر
و، ءتاڭىرىم، ءبىزدى باققا جولىقتىر...
بۇگىن مىنە، تاۋەلسىزدىك اعايىن،
ءار قازاقتىڭ جۇرەگى بوپ سوعىپ تۇر!
وقۋشى: كوك اسپاندا ن ۇلى كۇن
كۇلىمدەيدى دالاما
باقىت تىلەپ تۇر بۇگىن
ول بارلىق پاك بالاعا.
«ءسوزجۇمباق» شەشۋ.
وقۋشى: كوك جۇزىندە قالىقتاعان قىرانمىن،
بەيبىتشىلىك پەن بوستاندىق جىر ءانىم
سامعاپ جۇرسەك بوستاندىقتا، بيىكتە
شارىقتايدى كەڭ كولەمدە بۇل ءانىم.
حور «قازاقستان»
You Might Also Like
-
قوستاناي اۋدانى ميچۋرين ورتا مەكتەبىنىڭ 6–سىنىپ وقۋشىسى قۋان داريعا
-
2016 جىلدىڭ 1 تامىزى مەن 30 قىركۇيەگى ارالىعىندا «مەكتەپكە جول» اكسياسى اياسىندا 320 مىڭنان استام بالاعا كومەك كورسەتىلدى.
