5 مىڭ قازاقستاندىق وقۋشى وقۋ ساۋاتتىلىعى زەرتتەۋىنە قاتىسادى
قازاقستان مەكتەپتەرىنىڭ 5 مىڭ وقۋشىسى ءماتىندى وقۋ جانە ءتۇسىنۋ قابىلەتىنە تەكسەرىلەدى. بۇل تۋرالى «اقپاراتتىق-تالداۋ ورتالىعى» اق-دان حابارلاندى.
«قازاقستاننان حالىقارالىق ىرىكتەۋمەن 5008 ءتورتىنشى سىنىپ وقۋشىلارى وقۋ ساۋاتتىلىعى زەرتتەۋىنە قاتىسۋ ءۇشىن تاڭدالدى. اتالمىش زەرتتەۋگە الەمنىڭ 250 000 باستاۋىش سىنىپ وقۋشىلارى قاتىسادى. بارلىق ەلدەر ءۇشىن ءبىرىڭعاي تەستىلەۋ ۋاقىتى بەلگىلەنگەن، ياعني، تەستىلەۋ 80 مينۋت 10 مينۋتتىق ۇزىلىسپەن جۇرگىزىلەدى. ءاربىر قاتىسۋشىعا ەكى ءتۇرلى ءماتىن ۇسىنىلادى. ادەبي ءماتىن - بۇل قىزىقتى وقيعا نەمەسە ەرتەگى رەتىندە ۇسىنىلادى، ال ەكىنشىسى - عىلىمي-اقپاراتتىق باعىتتاعى ماتىندەر بولادى. وندا جانۋارلار تۋرالى اڭگىمەلەر قامتىلماق»، - دەلىنگەن حابارلامادا.
وقۋ ساۋاتتىلىعى ناتيجەسى ەكى پوزيسيا بويىنشا باعالانادى - ادەبي وقۋ تاجىريبەسى جانە اقپاراتتى يگەرۋى مەن پايدالانا ءبىلۋى. سونداي-اق ساۋالناماعا ءتورتىنشى سىنىپ وقۋشىلارىنىڭ اتا-انالارى، سىنىپ جەتەكشىلەرى جانە مەكتەپ ديرەكتورلارى قاتىسادى.
PIRLS زەرتتەۋىنىڭ ۇيلەستىرۋشىسى بولىپ تابىلاتىن وقۋ جەتىستىكتەرىن باعالاۋ جونىندەگى حالىقارالىق قاۋىمداستىق (IEA) باستاۋىش سىنىپ وقۋشىلارىنىڭ وقۋ ساۋاتتىلىعى دەڭگەيىنە اسەر ەتەتىن سىرتقى فاكتورلاردىڭ دارەجەسى بويىنشا تالداۋىن ۇسىنادى. زەرتتەۋ 2016 جىلعى 4-30 ءساۋىر ارالىعىندا وتەدى. زەرتتەۋ ناتيجەسى 2017 جىلعى جەلتوقساندا جاريالانادى.
زەرتتەۋ بەس جىلدا ءبىر رەت وتكىزىلەدى. جوبا العاش رەت الەمنىڭ 35 ەلىنىڭ قاتىسۋىمەن 2001 جىلى ىسكە اسىرىلدى. PIRLS زەرتتەۋىنىڭ 3 كەزەڭى بويىنشا (2001، 2006، 2011) كوشباسشى ەلدەر قاتارىندا گونكونگ، رەسەي فەدەراسياسى، فينليانديا جانە سينگاپۋر تۇر.
اۆتور: رۋسلان عابباسوۆ
You Might Also Like
-
سەيسەن ءمۇعالىمنىڭ ساباق ايتىپ تۇرعان بالانى ونشا تىڭداي بەرمەيتىنىن بايقاپ قالدى. ەندەشە، ساباققا دايىندالىپ كەلمەسە دە بولادى. ءمۇعالىم بۇگىن ونى تاقتاعا شىعاردى. سەيسەن قۋلىققا كوشتى. اعايدىڭ ا...
-
ۇلكەن جەتىستىكتەر ءتارتىپ پەن كۇش جىگەردى تالاپ ەتەدى. ولارسىز ءبىزدىڭ ءار تالپىنىسىمىز ەموسيالار، جاعدايلار مەن وزگە ادامداردىڭ ىقپالىنا ۇرىنادى. بۇل جاعدايدان جالىقتىڭىز با؟ ۇسىنىپ وتىرعان كەڭەستەرى...
