قۋلىق
سەيسەن ءمۇعالىمنىڭ ساباق ايتىپ تۇرعان بالانى ونشا تىڭداي بەرمەيتىنىن بايقاپ قالدى. ەندەشە، ساباققا دايىندالىپ كەلمەسە دە بولادى.
ءمۇعالىم بۇگىن ونى تاقتاعا شىعاردى. سەيسەن قۋلىققا كوشتى. اعايدىڭ ايتىلعان ساباققا اسا نازار اۋدارمايتىنىن پايدالانىپ: "باياعىدا پوپ بولىپتى، - دەدى سەيسەن. - پوپتىڭ ءيتى كوپ بولىپتى".
اعاي بۇل كەزدە سىنىپتىڭ ارت جاعىندا ءجۇر ەدى. سەيسەن وسىنى پايدالانىپ، الگى ءسوزدى قايتالاي بەردى:
"باياعىدا پوپ بولىپتى، پوپتىڭ ءيتى كوپ بولىپتى".
ءمۇعالىم سەيسەنگە ريزا بولدى. "5"-تىك باعا قويدى. كەزەك سەيسەننىڭ پارتالاسى ءانۋارعا كەلدى. ءانۋار دا سەيسەننىڭ قۋلىعىن قايتالاپ كورمەك بولدى:
"باياعىدا پوپ بولىپتى. پوپتىڭ ءيتى كوپ بولىپتى".
ءمۇعالىم بۇل كەزدە سىنىپتىڭ الدىڭعى جاعىنا كەلىپ قالعان ەدى. ءانۋاردىڭ نە ايتىپ تۇرعانىن ەستىپ قالدى. جاقسىلاپ سىباعاسىن بەردى.
- اڭگىمە قانداي پوپ تۋرالى؟! - دەدى ءمۇعالىم ايعايدى سالىپ. - قاي جەردەن يت كورىپ تۇرسىڭ؟!
سەيسەن قۋ بۇل كەزدە كىتاپپەن بەتىن بۇركەپ العان كۇيى، ءانۋاردىڭ مىنا حالىنە پارتانىڭ ۇستىنە جاتىپ الىپ، بۇلكىلدەپ كۇلىپ جاتىر ەدى.
You Might Also Like
-
ق ر ۇكىمەتى «بولاشاق» ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىنا وزگەرىستەر ەنگىزدى.
-
قازاقستان مەكتەپتەرىنىڭ 5 مىڭ وقۋشىسى ءماتىندى وقۋ جانە ءتۇسىنۋ قابىلەتىنە تەكسەرىلەدى. بۇل تۋرالى «اقپاراتتىق-تالداۋ ورتالىعى» اق-دان حابارلاندى.
