8 ناۋرىزعا ارنالعان رەسمي قۇتتىقتاۋلار
ەرەكشە ءتوزىمدى كادىمگى قازاقتىڭ ۇلت انالارىنا دەگەن قۇرمەتىمدى ءبىلدىرىپ، قولىمىزدى جۇرەگىمىزدىڭ تۇسىنا قويىپ، ءيىلىپ ءتاجىم ەتەمىز. سابىر مەن توزىمنەن جارالعان ۇلت انالارى – اياۋلى اجەلەر، اسىل انالار، كوكتەمدەي قۇلپىرعان قىز-كەلىنشەكتەر، مەرەكەلەرىڭىزبەن!
*** *** *** ***
جىلى شىرايلى كوكتەمنىڭ العاشقى ءبىر كۇندەرى بارشا ازاماتتىڭ كوڭىلىن جادىراتا كەلگەن 8 ناۋرىز – حالىقارالىق ايەلدەر كۇنىمەن بارلىق قىز-كەلىنشەكتەردى شىن جۇرەكتەن قۇتتىقتايمىز. تاۋەلسىز ەلىمىزدىڭ بۇگىنگى كۇنگە نىعايىپ، الەم تانىعان ابىرويمەن جەتۋلەرىنە اسىل انالارىمىز، ارداقتى جەڭەشەلەرىمىز بەن اپا-اپكە، سىڭلىلەرىمىزدىڭ ولشەۋسىز ۇلەس قوسقاندىعى اقيقات. وتباسىنىڭ كۇنبە-كۇنگى شارۋاسىن، بالا تاربيەسىن جانە قوعامدىق جۇمىستاردى قوسا اتقارا ءجۇرىپ ايەل زاتى ءبىزدىڭ قوعامداعى تۇراقتىلىق پەن ەل بىرلىگىن ساقتاۋ ماسەلەسىندە شەشۋشى ءرول اتقارىپ كەلەدى.
بارشاڭىزعا مەرەكە قايىرلى، قۇتتى بولسىن! ءاربىر شاڭىراققا شاتتىق پەن باقىت، وتباسىنىڭ امانشىلىعىن، ەلىمىزدىڭ وسىپ-وركەندەي بەرۋىن تىلەيمىز. ومىردەگى ايەل جاققان شىراق سونبەسىن!
ايەلدەر قاۋىمىن كىم-كىمدى دە ادەمى اسەرگە بولەي كەلەتىن كوكتەمنىڭ جارقىن دا شۋاقتى مەرەكەسىمەن قۇتتىقتايمىز! ءار وتباسىنىڭ بەرەكە-بىرلىگىن قالىپتاستىرىپ، حالقىمىزدىڭ ءداستۇرى مەن سالتىن، ونىڭ مادەنيەتى مەن تاريحىن، ءتىلىن قادىرلەۋدى ۇرپاقتان ۇرپاققا جەتكىزىپ كەلە جاتقان سىزدەرگە شىنايى ريزاشىلىق سەزىمىمىزدى بىلدىرەمىز.
سىزدەرگە زور دەنساۋلىق، ءارى سۇلۋلىق، ءنارلى كۇش-قۋات تىلەيمىز! كوڭىلدەرىڭىز كوكتەمدەي كورىكتى بولسىن. اركەز سىزدەرمەن بىرگە جەكە سۇيىسپەنشىلىك، كوكتەمنىڭ شىرايلى شۋاعى بولا بەرسىن. ءار كۇن سىزدەرگە كوكتەمگى سەزىمنىڭ جىلۋىن، قۋانىشىن، باقىتى مەن ماحابباتىن سىيلاسىن!
*** *** *** ***
الاشتىڭ ۇلتجاندى ازاماتتارى، ۇلتتىڭ دا، ۇرپاقتىڭ دا بەسىگىن تۇزەيتىن، ءتىلىمىزدى دە، ءدىنىمىزدى دە ءدىلىمىزدى دە انا سۇتىمەن ساناعا سىڭىرەتىن، قازاقتى تاربيەلەيتىن قىزدارىمىز. "ءبارى دە ادامنىڭ ءوز قولىندا، ال ادام ايەلدىڭ الاقانىندا" دەگەن ءسوز الەمدى بيلەيتىن دە، تەربەيتىن دە ايەل ەكەنىن بىلدىرەدى.
سىزدەردى جىل باسى كوكتەمنىڭ ايتۋلى مەرەكەسى 8 – ناۋرىز مەيرامىمەن شىن جۇرەكتەن قۇتتىقتاۋ تىلەگىمدى قابىل الىڭىزدار! بۇگىنگى بار تىرشىلىك، جارىق دۇنيە، باقىتتى ءومىر ايەل-انانىڭ اياۋلى الاقانىندا. ازامات بالاسىنا ءتان قاسيەتتى، سۇيىسپەنشىلىك پەن ىڭكارلىك، سۇسۋلىق پەن ماحاببات، قايىرىمدىلىق پەن اقىلدىلىقتىڭ بار بولمىسىن شىنايى رۋحتا ءبىر بويىنا سىڭىرە بىلگەن اق پەيىلدى دارحان جۇرەكتى نازىك جاندارعا دۇنيەدەگى بار جاقسىلىق اتاۋلىنى تىلەيمىن.
*** *** *** ***
You Might Also Like
-
قۇتتى بولسىن مەرەكەڭ! 8 ناۋرىز 2020 جىل كوكتەمى، قىستىڭ كەتتى ايازىنىڭ وكتەمى. مەرەكەڭىز قۇتتى بولسىن حانىمدار، كۇندەي بولىپ جارقىراڭدار كوكتەگى! ايەل، قىزدار سەندەر كوكتەم گۇلىسىڭ، اقىنداردىڭ...
