8 ناۋرىزعا ارنالعان قۇتتىقتاۋلار، تىلەكتەر، ولەڭ جولدارى
قۇتتى بولسىن مەرەكەڭ!
8 ناۋرىز 2020 جىل كوكتەمى،
قىستىڭ كەتتى ايازىنىڭ وكتەمى.
مەرەكەڭىز قۇتتى بولسىن حانىمدار،
كۇندەي بولىپ جارقىراڭدار كوكتەگى!
ايەل، قىزدار سەندەر كوكتەم گۇلىسىڭ،
اقىنداردىڭ ولەڭ ارنار جىرىسىڭ.
ۇرپاق جالعاپ، ءومىر سىيلاپ ادامعا،
عاسىرلارعا جالعاسادى بۇل ءىسىڭ.
سۇلۋسىڭدار كۇن نۇرىنان جارالعان
شاپاقتارىڭ بار الەمگە تارالعان،
گۇلدەرىنە جاز كۇنىنىڭ ۇقسايسىڭ،
ورىندالسىن جۇرەكتەگى بار ارمان!
قۇتتى بولسىن انالاردىڭ مەيرامى!
جارقىراڭدار، جاز كۇنىندەي جايدارى!
مەرەكەسى بۇل كوكتەمنىڭ العاشقى،
باقىت بەرسىن ءار كوكتەمنىڭ ايلارى!
8 ناۋرىز قۋانىشقا بولەسىن!
اكەلسىنشى جازدىڭ جىلى ەلەسىن!
بارلىق حالىق امان بولىپ ەلىمدە
8 ناۋرىزعا جەتە بەرىڭىزدەر كەلەسى!
ايەل دەگەن ءوزىڭ شىققان نەگىزىڭ
ايەل دەگەن ءجۇزىپ جۇرگەن تەڭىزىڭ
ايەل دەگەن قامقورشىڭ دا، جارىڭ دا
ايەل دەگەن ءوز قوساعىڭ ەگىزىڭ.
وسى ايتقاننىڭ ءبارى دۇرىس، انىق، شىن،
تۇسىنبەيتىن ادام بولسا قانىقسىن.
ايەل دەگەن بولسا تەڭىز ومىردە،
سەن تولقىنعا شىدامايتىن قايىقسىڭ.
ايەل جانى ءتوزىمدى دە اسىل، اق،
شىندىق بولسا نەسىنە اقىل جاسىراد.
جەتتى كوزىم مىنا قيىن زاماندا
ەركەكتەردى ايەلدەر ءجۇر اسىراپ.
*** *** *** ***
كەلدى كوكتەم كۇننىڭ،
كۇلىمدەيدى گۇلىڭ –
التىن ويلى انام،
مەرەكەڭىز بۇگىن!
جۇماق-قۇشاق پانام،
كۇندەي نۇرلى ساناڭ!
قىزىعىن كور ۇل-قىز،
ەڭبەك سۇيگىش انام!
جىرتىلماستان جاعاڭ،
ششارىقتاسىن جاڭا ءان!
ارمانىڭا جەتشى،
و، پەرىشتە انام!
*** *** *** ***
كەتتى قىسقى ىزعار،
ەرىپ جاتىر مۇزدار.
مەرەكەڭىز بۇگىن،
قىزعالداقتاي قىزدار!
بولسا وزگە جۇرەك،
ادامعا ادام – تىرەك.
سىزدەرگە ايتار مىناۋ،
مەرەكەلىك تىلەك:
قاراۋ ءجۇرسىن قاشىق،
الشى ءتۇسسىن اسىق.
بەرەكەسىن بەرسىن،
سىزدەر ەتكەن كاسىپ!
ءار تاڭدارىڭ اتقان،
باقىت بەرسىن باتپان.
قۇراستىرسىن قۇداي،
تابىسىڭدى تاپقان!
*** *** *** ***
جاقسى ايەل ەر جىگىتكە بەرەدى ەكپىن!
كەلىپ تۇر سەنى قۇربىم، ەلەپ وتكىم.
ۇل تۋىپ، قىز ءوسىرىپ، ەنە كۇتكەن،
سەن التىن كەنەي سىندى كەرەمەتسىڭ!
ونى جۇرت بىلمەسە دە مەن بىلەمىن،
بىلعانسىن جايالىققا جەڭ-بىلەگىڭ!
بەسىكتە باقىت-بالاڭ جاتسىن قۇربىم،
ءتورت ءبولىپ ءتۇن ۇيقىڭدى ەلجىرەگىن.
وسىلاي ۇلكەن بوپ بەرىك تۇرعىن،
بي ەتىپ جان-جارىڭدى ەلىكتىرگىن.
جان قۇربىم، ءبىر سەن ءۇشىن جەر تۇبىنەن،
ءبىر اۋىز تىلەك ءۇشىن كەلىپ تۇرمىن...
*** *** *** ***
قانداي اسەم وسىناۋ ءبىر پاك قالپىڭ،
نۇرلى ءجۇزىڭ اقتىعىنداي تاپ قاردىڭ.
ءوزىڭىزدى كورگەن ساتتە مەن العاش،
قىز جىبەك! – دەپ ايقايلاۋعا شاق قالدىم.
ايتار ويدى جارقىراتا نەشە وڭدەپ
سويلەدىڭىز، شەشەندىكتى مەكەندەپ
سوندا وزىمشە باعالادىم ىشىمنەن،
«ءاقجۇنىستىڭ ءسىڭلىسى ەكەن» دەپ.
تاعى بىردە اسقاقتاتا ءان سالدىڭ،
تاڭعاجايىپ ىرعاعىڭا تامساندىم.
«تاپ كۇلاشتىڭ كوشىرمەسى...» دەپ سول ءسات،
دۇنيەگە كەلىپ كەتتى جار سالعىم.
— دەپ بويىندا سان ونەر توعىسقان ناعىز قازاقتىڭ قىزى دەۋگە لايىق وسىناۋ جاندى 8 ناۋرىز كۇنىمەن قۇتتىقتايمىن!
*** *** *** ***
مەرەيلى ءسات مەرەكەگە ۇلاسىپ،
سەگىزىنشى ناۋرىز كەلدى قىر اسىپ.
قىز- كەلىنشەك، نازىك جاندار مەيرامى-
كوكتەمىمنىڭ شاپاعاتىن تۇر شاشىپ.
قۇتتىقتايمىز انالاردى، قىزداردى،
مەرەكەدەن شۋاقتى ءبىر ءىز قالدى.
بولسىن اركەز كوتەرىڭكى كوڭىلدەر،
نۇرىن شاشسىن مەرەكەگە وڭىرلەر!
دۇنيەدە ەڭ كەمەڭگەر دانانى،
انا تابادى، ايالايدى باعادى.
سول ۇشىندە قۇدىرەتىڭە باس ءيىپ،
قۇرمەتتەيىك قاسيەتتى – انانى
*** *** *** ***
دوستار مەنەن تۋىس دەسىپ
شاڭىراقتى بيىكتەتىپ،
جانۇيانى ىرىستى ەتىپ،
ءسابيىڭدى يىسكەتىپ، ارۋلار
بۇل ومىردە تەك باقىتتى تابىڭدار!
اۋىلىڭا شىراي بەرىپ،
اتا-انانى سىيلاي كەلىپ،
ار-يماندى شىنداي كورىپ،
قيىندىققا سىنباي بەرىك، ارۋلار!
تىرشىلىكتىڭ جۇلدىزى بوپ جانىڭدار!
اقىلى مەن ءسانىن كورىپ،
جۇرەكتەرگە جالىن بەرىپ،
سۇيگەندەرگە ءنارىن بەرىپ،
كۇيگەندەرگە ءبارىن بەرىپ، ارۋلار
ماحابباتتىڭ شۋاعى بولىپ قالىڭدار!
ارۋلار!
سەندەر امان،
سەندەر امان بولىڭدار
*** *** *** ***
گۇلدەي بولسىن ءومىرىڭىز،
نۇرعا تولسىن كوڭىلىڭىز.
بيىك بوپ جۇلدىزىڭىز
كوكتەمدەي قۇلپىرىڭىز.
باقىت قونسىن باسىڭىزعا
قولداپ ءجۇرسىن ءتاڭىرىڭىز!
*** *** *** ***
انالار، قىزدار جاساي بەرسىن!
انا دەسە اقتارىلعان اعىنان
اناشىمدى كۇنىنە مىڭ ساعىنام.
تىرلىك ءۇشىن اۋليەگە تابىناتىن
انالاردىڭ اق سۇتىنە تابىنام.
*** *** *** ***
سەندەرسىز كەرەك ەمەس دۇنيەنىڭ،
سەندەرسىز بولمايدى ەكەن باكىتىڭ دا،
سەندەرسىڭدەر تاباتىن جۇرەك ەمىن،
سەندەرسىز بوس وتەدى ۋاكىتىڭ دا،
سەندەرسىز قانداي باقىت، قانداي شاتتىق،
سەندەرسىز ايعايلاۋدا اقىماقتىق،
سەندەر ءتىپتى بولاشاق اناسىڭدار،
سەندەرسىز ۇرپاقتى ءبىز قايدان تاپتىق.
*** *** *** ***
باتىر دا تۋعان انادان، اقىن دا تۋعان انادان.
انانىڭ بيىك تۇعىرى — انادان تۋعان بار ادام.
پايعامبارىمىز مۇحاممەد انانى قۇرمەت ساناعان،
اناعا ماڭگى بورىشتار ەلدەگى بارلىق دانا ادام
اق ءسۇتىن بەرىپ وسىرگەن، بۇزىق بولسام — كەشىرگەن.
ءتىلىن السام — اينالعان، كۇنام بولسا — وشىرگەن.
اق اناشىم،اناشىم، ساعان ءتانتى بالا شىن!
ءمولدىر، كاۋسار بۇلاقسىڭ، مەن سۇرىنسەم — جىلاپسىڭ،
شىڭعا شىقسام — قۋانىپ، مەن قۇلاسام — قۇلاپسىڭ،
اق اناشىم، اناشىم، سەندەي بار ما جاناشىر.
*** *** *** ***
پەرزە نتكە جۇمساعان بۇلا كۇشىن،
انا – ىرىس، ب ا ق – داۋلەت،
جۇبانىشىڭ.
كوكبورىنىڭ تەگىنەن تاراعاندار،
قۇتتى بولسىن بۇگىنگى قۋانىشىڭ!
تال بەسىككە تىرلىكتى ىلمەكتەگەن،
ماداقتاۋعا انانى ءتىل جەتپەگەن.
الاتاۋدىڭ شىڭىنا تۋ تىگەدى،
اناسىنا توي جاساپ، قۇرمەتتەگەن.
*** *** *** ***
You Might Also Like
-
ەرەكشە ءتوزىمدى كادىمگى قازاقتىڭ ۇلت انالارىنا دەگەن قۇرمەتىمدى ءبىلدىرىپ، قولىمىزدى جۇرەگىمىزدىڭ تۇسىنا قويىپ، ءيىلىپ ءتاجىم ەتەمىز. سابىر مەن توزىمنەن جارالعان ۇلت انالارى – اياۋلى اجەلەر، اسىل ...
-
قاراپايىم شىڭدىق وزگەگە قاراپ ءوزىمىزدى ۇمىتامىز. ءبىز قازاق ەلى قوڭاقجاي، سالت سانانى ساقتايتىن ۇلى حالىقپىز، ءبىراق ءبىزدىن ۇلكەن قاتەلىگىمىز وزگەگە قاراپ ءوزىمىزدى ۇمىتۋىمىز. قاراپايىم مىسال قازاقستا...
