ابىل مەن وراقتىڭ قىزبەن ءسوز قاعىستىرۋى
وراق اقىن مەن ابىل اقىن حان-سۇلتانعا ءتىلى ءتيىپ، قۋعىن كورىپ، سول ساپاردان ازىپ-توزىپ كەلە جاتىپ، ورتا ءجۇز جەرىندە ءبىر اقبوز ۇيگە كەزىگەدى. ۇيدە دومبىرا تارتىپ وتىرعان قىز بۇلاردىڭ ۇسقىنىن كورىپ، ءارى سەسكەنە، ءارى كەكەتە ولەڭ ايتادى:
...ولەڭگە سەن دە ءدۇمدى، مەن دە ءدۇمدى،
ايتىسسا ەكى ءدۇمدى قازار ءمىندى.
جۇلدەنى شاپپاي العان جۇيرىك ەدىم،
تالايدىڭ ايتىسام دەپ ساعى سىندى.
سىزدەردى بۇرىن-سوڭدى كورگەنىم جوق،
جول بولسىن، جولاۋشىلار تاعى سىندى.
سوندا وراق ايتادى:
...ولەڭگە سەن دە ءدۇمدى، مەن دە ءدۇمدى،
قاعىسسا ەكى ءدۇمدى تابار ءمىندى،
وتىرعان اقبوز ۇيدە قارىنداسىم،
بەرمەسىن بىزگە بەرگەن ساعان كۇندى.
شولدەگەن جولاۋشىعا سۋسىن بەرمەي،
سالقام قىز سالعان جەردەن نەگە كۇلدى؟
شالدىرماس شاپپاي بەردىڭ ءوزى بولساڭ،
جايلانىپ، سويلەسەيىك كەلەر كۇندى.
وراقتىڭ ورايلى دا تەگەۋرىندى جاۋابىنان كەيىن قىز ءسوز جارىستىرماي، سابىر ەتەدى. سوندا ابىل ەكى جاستىڭ تۇسىنىسە باستاعانىن سەزىپ، سوزبەن سيپاي وتەدى:
ەكەۋىڭىز ۇيدەستىڭىز، بۇيدەستىڭىز،
سىپايى سىر ايتىسىپ سويلەستىڭىز.
ادامنىڭ اڭىرعانى – جۋساعانى،
ماناعى كەلەر كۇندى نە دەستىڭىز؟
You Might Also Like
-
ابىلدىڭ ايەلىنىڭ اتى قانىم ەكەن. ونى اعايىندارى بوساڭداۋ، ۇقىپسىزداۋ دەپ، ابىلعا تەڭ كورمەي، وزگە ايەل الىپ بەرمەك بولىپ اقىنعا كەلەدى. سوندا ابىل ايتىپتى:
