ادامدى ادام تۇسىنبەۋ -- ءبىر اقىرەت.
ويلى جاس، ءتۇسىنىپسىڭ، راقمەت!
راقمەت!
جاسسىڭ عوي جالىنى مول،
جالىنى مول جانە دە قۋاتى كوپ.
ويلى جاس!
ولەڭ -- مەنىڭ بار تىنىسىم،
جاقسى ءسوزىم - جانى يگى حالقىم ءۇشىن.
اتاق قۋىپ، ب ا ق قۋىپ، داڭق قۋىپ،
بىرەۋلەردەن جۇرگەم جوڭ ارتۋ ءۇشىن.
وڭاشادا ويلارىن تىنىم ەتكەن.
بىزدەيلەردىڭ مىڭى كەپ، مىڭى كەتكەن.
اقىندار بار امالسىز بۇعىپ وتكەن،
اقىندار بار ىشىنەن تىنىپ وتكەن.
بىزدەيلەردىڭ مىڭى كەپ، مىڭى كەتكەن.
ءبىزدى ولاردىڭ بالاما بىرىنە دە،
ۇلىعا دا ساناما، ىرىگە دە.
قالام تارتقان قازاقتىڭ ءبارى دە اقىن،
اباي، ءبىراق قايتادان تىرىلە مە؟..
ويلى جاس!
ولەڭ مەنىڭ سىرلاسىمداي،
سىرلاسسام دا قۇمارىم ءجۇر باسىلماي.
ايتىپ وتكەن اقىندا ارمان بار ما
جۇرەگىنىڭ تۇبىنە كىر جاسىرماي...

---