ءىلىنىپ ءتۇن تۇر تاۋلارعا،
دامىلداپ تىرلىك قالعان با؟!
الىستان وتتار جانادى
جاي تاپپاي مىنا جالعاندا،
اداسىپ جۇرگەن ارمان با؟!
جارق ەتىپ، كەيدە ءبىر ءوشىپ،
بۇلاڭداپ، شالقىپ، تۇر ەسىپ.
سوندىرمەك بولعان سامالمەن،
سونگىسى كەلمەي كۇرەسىپ.
ءبىر جانادى وتتار، ءبىر ءوشىپ.
اداسىپ جۇرگەن بولارسىڭ،
وتقا تارت، تۇنگى جولاۋشىم!
وت جانعان جەردە - وشاق بار،
بارارسىڭ، مۇمكىن قونارسىڭ:
وتقا تارت، وتقا، جولاۋشىم،
جوعالسىن ۇرەي، جوعالسىن!
ۇمتىلىپ كەلەر كۇندەرگە،
جانادى وتتار تۇندەردە.
تىرشىلىك بارىن اڭعارتقان،
جانادى وتتار جان-جاقتان،
اكەلىپ ۇرەي كىمدەرگە،
اكەلىپ ءۇمىت كىمدەرگە
جانادى وتتار تۇندەردە.

---