InfoHub Logo

تاقىرىبى: ادامگەرشىلىكتىڭ شۋاعى سونبەسىن

ماقساتى: وقۋشىلاردىڭ بويىنا رۋحاني - ادامگەرشىلىك قاسيەتتەردى ۇيالاتۋ ءۇشىن مەيىربان، اقىلدى، شىنشىل، قايىرىمدى، ت. ب ادامدىق اسىل قاسيەتتەردى يگەرۋىنە ىقپال ەتۋ؛
كورنەكىلىگى: قاناتتى سوزدەر، پلاكات، فلاماستەر، ستيكەرلەر
ءادىسى: توپتىق جۇمىس، پىكىرلەسۋ، سۇراق - جاۋاپ

ساباقتىڭ بارىسى:
ۇيىمداستىرۋ كەزەڭى:
سالەمەتسىزدەر مە، بالالار!
ساباعىمىزدى باستاماس بۇرىن شاتتىق شەڭبەرىنە تۇرا قويايىق. كوڭىل كۇيلەرىڭىز قالاي؟ كوڭىل كۇيلەرىڭىز جاقسى بولسا مەنىڭ قولىمداعى قيىندىنى ءبىر - بىرلەپ الا قويىڭىزدار. قيىندىنىڭ ىشىندە «اقبوتا.» «اناعا سالەم». «مەنىڭ قازاقستانىم» «ەگەمەندى قازاقستان» «دومبىراسى ءسان قايدا» اندەرى بەرىلگەن، سول ءان بويىنشا توپتالىپ تۇرا قويايىق توپتاسىپ بولساق سول ءاندى ورىنداپ ورنىمىزعا وتىرا قويايىق.

جاقسى ورنىمىزعا جايعاسىپ بولساق تاربيە ساعاتىمىزدى جالعاستىرامىز.
جاڭا اقپارات ءبىزدىڭ قازاق حالقى ادامگەرشىلىكتى ەرتە كەزدەن جوعارى باعالاعان. وتباسىندا بالانى كىشىپەيىلدىلىككە، ىزەتتىلىككە، يماندىلىققا، يناباتتىلىققا تاربيەلەۋدى ماقسات ەتىپ قويعان. سول سەبەپتەن بۇگىنگى تاقىرىبىمىزدى ءارى قاراي ءوربىتۋ ءۇشىن مەن سىزدەرگە ءبىر اڭىز اڭگىمە ايتىپ بەرەيىن. ەرتەدە ءبىر پاتشانىڭ بالاسى قاتتى ناۋقاستانىپ قالادى. سوسىن پاتشا بالگەردى شاقىرىپ الىپ بالامنىڭ ەمدەلۋىنىڭ جولىن ماعان تاۋىپ بەر دەيدى. بالگەر تۇرىپ پاتشاعا بالاڭىزدى ەڭ باقىتتى ادامنىڭ كويلەگىنىڭ ەتەگىمەن ۇشىقتاساڭىز بالاڭىز قۇلان تازا ايىعادى – دەيدى. پاتشا ۋازىرلەرىن شاقىرىپ ەڭ باقىتتى ادامدى تاۋىپ الىپ كەلسەڭدەر ات باسىنداي التىن بەرەمىن - دەيدى. ۋازىرلەرى بۇكىل ەلدى ارالاپ شارشاپ شالدىعىپ كەلە جاتسا ءبىر اربانىڭ جانىندا جىرتىق - جىرتىق كيىم كيگەن ءبىر ادام مەن قانداي باقىتتىمىن دەپ اربانىڭ كولەڭكەسىندە كەرىلىپ شالقاسىنان جاتادى. ۋازىرلەرى كەدەي ادامدى الىپ كەلىپ پاتشا بالاسىن جىرتىق ەتەگىمەن ۇشىقتىعىن كەزدە بالا ايىعىپ كەتەدى. مىنە ءبىز بۇل اڭىز اڭگىمەدەن ءبىز كەدەي ادامنىڭ ەشكىمگە زيانى جوق ەشكىمگە قيانات جاساماي وزىنشە ەركىن ءومىر ءسۇرىپ جاتقان كىشىپەيىل ادامنىڭ سىيعا يە بولعان بەينەسىن كورەمىز.

ەندەشە بالالار بۇگىنىگى ساباعىمىزدىڭ تاقىرىبى «ادامگەرشىلىكتىڭ شۋاعى سونبەسىن» دەپ اتالادى.
ادامگەرشىلىك - ادامنىڭ رۋحاني بايلىعى، بولاشاق ۇرپاقتى ىزگىلىك بەسىگىنە بولەيتىن رۋحانيات داۋىرىنە جاڭا قادام بولىپ تابىلادى. ادامگەرشىلىك تاربيەنىڭ ناتيجەسى ادامدىق تاربيە بولىپ تابىلادى. ول تۇلعانىڭ قوعامدىق باعالى قاسيەتتەرىمەن ساپالارى، قارىم - قاتىناستارىندا قالىپتاسادى. ادامگەرشىلىك قوعامدىق سانانىڭ ەڭ باستى بەلگىلەرىنىڭ ءبىرى بولعاندىقتان، ادامداردىڭ مىنەز - قۇلقى، ءىس - ارەكەتى، قارىم - قاتىناسى، كوزقاراسىمەن سيپاتتالادى. سوندىقتان ساباعىمىزدى كەڭىرەك مەڭگەرۋ ماقساتىندا سىزدەرگە رۋحاني ادامگەرشىلىكتىڭ بەس قۇندىلىعىن ۇسىنامىن.