InfoHub Logo

ادەبيەتتىك وقۋ 2-سىنىپ

تاقىرىپ:ادامنىڭ دوسى
ساباقتىڭ ماقساتى: 1.ءماتىننىڭ مازمۇنىن اشۋ، نەگىزگى ويدى ۇعىندىرۋ.وقۋشىلاردى بىلىمدىلىككە ۇيرەتە وتىرىپ، كىتاپ وقۋعا دەگەن قىزىعۋشىلىعىن وياتۋ.
2.وقۋشىلاردىڭ ءوي-ورىسىن، ويلاۋ قابىلەتىن، اقىل-ويىن، ءتىل بايلىعىن؛ سوزدىك قورى مەن سويلەۋ ءتىلىن دامىتۋ.شاپشاڭ وقۋ داعدىلارىن قالىپتاستىرۋ.
3.كىتاپتى ۇقىپتى، تازا ۇستاۋعا باۋلۋ.
ساباقتىڭ ءتۇرى: دامىتۋشىلىق ساباق

ساباقتىڭ ءادىسى: سۇراق-جاۋاپ، وي قوزعاۋ، ءتۇرتىپ الۋ، بەس جولدى ولەڭ جازۋ، توپپەن جۇمىس جاساۋ ستراتەگياسى.
ساباقتىڭ كورنەكىلىگى: تازا، ۇقىپتى ۇستاعان سىنىپ وقۋشىلارىنىڭ وقۋلىقتاردى (كورمەسى)، ەرتەگى كىتاپتار جيناعى.
قاناتتى سوزدەر: كىتاپتى سۇيىڭدەر، ول ءومىردى نۇرلاندىرادى. (م.گوركيي)
كىتاپ-بىلىم بۇلاعى،
ءبىلىم-ومىر شىراعى.
ساباقتىڭ بارىسى:
1.ۇيىمداستىرۋ كەزەڭى
2.ءۇي تاپسىرماسىن تەكسەرۋ
3.جاڭا ساباق.
ا) قىزىعۋشىلىعىن وياتۋ.
وي قوزعاۋ
جۇمباقتار شەشىلەدى.
كوپ اڭگىمە، ولەڭىم،
كۇندە اقىل بەرەدى.
جاقسى كورسە مەنى كىم،
مەن دە جاقسى كورەمىن. (كىتاپ)
ءبىر قويىم بار، قانى جوق،
قاناتىنىڭ سانى جوق.
اداممەنەن سويلەسەر،
اقىلى بار، جانى جوق.
ءتىلى بار دا، ءۇنى جوق،

ءوزىن ادام تۇسىنگەن،
جۇرەگى بار، قانى جوق،
سويلەي تۋعان ىشىنەن. (كىتاپ )
ءا) كىتاپتىڭ قالاي شىعاتىنى تۋرالى نە بىلەسىڭدەر؟
ب) سول جايىندا كورشىڭمەن پىكىرلەس، تالقىلا.
2.ماعىنانى اجىراتۋ، تاني ءبىلۋ.
INSERT ستراتەگياسى «ءتۇرتىپ الۋ» جۇيەسى بويىنشا وقۋشىلارمەن جۇمىستار جۇرگىزۋ.ءماتىندى وقىپ تانىستىرا وتىرىپ، ءتيىستى بەلگىلەردى انىقتاۋ.
V- سايكەس كەلۋ
- مەن ويلاعاننان بەرى
+ جاڭا اقپارات
؟ تاڭعالدىم
- كىتاپ ادامنىڭ دوسى ەكەندىگى؛
- كوپ جاقسى نارسەلەردى ۇيرەنەمىز؛
- كىتاپتى جاساپ شىعارۋ وتە قيىن. وقۋلىقتارىمىز سياقتى باسقا كىتاپتاردىڭ دا بىزگە تيگىزەر پايداسىن ءبىلدىم. كىتاپتان كوپ اقىل الامىز. سوزدەر قالاي اقىل بەرەدى؟
ءماتىندى وقىپ بولعان سوڭ، جازعاندارى مەن بەلگىلەنگەن سوزدەرىن داپتەردەگى كەستەگە تولتىرۋ. سودان سوڭ جەكە، توپتا، جۇپتا تالداپ وقۋ، تولىقتىرۋ.
سەرگىتۋ ءساتى
4.سوزدىك جۇمىسىن جۇرگىزۋ.
سورە-كىتاپ قوياتىن ارنايى ورىن
ۋاعىنا شەيىن- ۋاقىتقا شەيىن، كەزگە شەيىن
جان سەرىگىمىز-دوسىمىز.
ءماتىندى جەكەلەگەن وقۋشىلارعا تۇسىنە وتىرىپ وقىتۋ.ءۇش وقۋشىعا رولدەرمەن ءبولىپ وقىتۋ.انىق جانە قاتەسىز وقۋعا نازار اۋدارۋ.اڭگىمەنىڭ مازمۇنىنا ساي سۇراقتار قويۋ.
1.قانداي بالانى اقىلدى بالا دەيمىز؟
2.بالعىن اكەسىنەن نە تۋرالى سۇرادى؟
3.كىتاپتان نە ۇيرەنۋگە بولادى؟
4.سەن ءوزىڭ قالاي ويلايسىڭ؟
5.كىتاپ وقۋدى ۇناتاسىڭ با؟
6.قانداي كىتاپتى ۇناتاسىڭ؟
5.ساباقتى قورىتىندىلاۋ.

ا) وي تولعانىس
«مەنىڭ وقۋلىقتارىم» اتتى تاقىرىپتا ويلارىن ايتۋ.ءبىر-بىرىن تىڭداۋ، تولىقتىرۋ، جيناقتاۋ.
«بەس جولدى ولەڭ» ستراتەگياسى
1.نە؟كىتاپ.
2.قانداي؟ قالىڭ، جاڭا، ادەمى.
3.نە ىستەدى؟ وقىدى، اشتى، ۇيرەندى.
4.ءسوز تىركەسى.قالىڭ كىتاپ، كىتاپتى وقىدى، كىتاپتى اشتى.
5.ەرلان كىتاپتى اشىپ وقىدى.
6.ۇيگە تاپسىرما «و ،مەن قانداي اقىلدى بولدىم» دەگەن تاقىرىپتا اڭگىمە جازىپ كەلۋ.
7.باعالاۋ