InfoHub Logo

ساباقتىڭ تاقىرىبى: «ادەپتى بالا – ادەمى بالا»
ساباقتىڭ ماقساتى: 1. ادەپتىلىك تۋرالى ۇيرەتۋ.
2. كىشىپەيىلدىككە، سىپايىلىققا، بيازىلىققا، ادەپتىلىككە تاربيەلەۋ.
3. سوزدىك قورىن ارتتىرۋ، تانىمدىلىق قىزىعۋشىلىعىن ارتتىرۋ.
ساباقتىڭ ءتۇرى: ارالاس ساباق.
كورنەكىلىكتەر: سوزدەر، ماقالدار، سۋرەتتەر، سلايد، كۇنتىزبە.

موتيۆاسيالىق - قوزعاۋشى
ماماننىڭ قىزمەتى
سالەمدەسۋ.
سۇراق - جاۋاپ:
سۋرەتپەن جۇمىس (جىل مەزگىلدەرى)
- ءقازىر قاي مەزگىل؟ (كومەكپەن ەسكە ءتۇسىرتۋ، ەرەكشەلىكتەرىن ايتىپ)
- كوكتەمنىڭ نەشىنشى ايى؟
- ەكىنشى ايى قالاي اتالادى؟
- بۇگىن ءساۋىر ايىنىڭ نەشەسى؟
- اپتانىڭ قاي كۇنى؟
- ارمىسىڭ، جىلى كۇن!
ارمىسىڭ، كوك اسپان!
كۇنىمىز جارىق بولسىن!
اسپانىمىز اشىق بولسىن!
دەنىمىز ساۋ بولسىن!
نانىمىز كوپ بولسىن!
ەلىمىز تىنىش بولسىن!
كوك تۋىمىز بيىك بولسىن!

ىزدەنۋ - ۇيىمداستىرۋشى
- مىنانداي حات كەلىپتى. ونىڭ ىشىندە ءارتۇرلى تاپسىرمالار بار ەكەن.
1 - تاپسىرمادا تاقپاقتار جازىلىپتى. مەن وقىپ بەرەيىن:
1. اتام ماعان ءارقاشاندا،
كىشىپەيىل بول دەگەن.
اتا ءسوزى سانامدا،
جاسى ۇلكەنگە جول بەرەم.

2. الدىن وراپ كىسىنىڭ،
كەسىپ وتپەي كولدەنەڭ.
ىزەتىمەن كىشىنىڭ،
سالەمدەسىپ قول بەرەم.

3. كىم ۇلكەندى تىڭداسا،
كىم ۇلكەندى سىيلاسا،
ۇلكەن كىسى جۇمساسا،
قايدا بولسىن بارامىن.

4. اتا مەنەن انانىڭ،
ايتقان ءتىلىن الامىن.
ۇلكەندەردەن سودان دا،
ىلعي العىس الامىن.
5. توسەكتى ءوزىم جينايمىن.
ەشكىمدى دە ۇرمايمىن.
ەشكىم ماعان تيمەيدى.
مەن دە ءبارىن سىيلايمىن.

2 - تاپسىرما
ماقال - ماتەل وقىپ، تالداۋ.
1. ادەپتى بالا - ارلى بالا.
ادەپسىز بالا - سورلى بالا.
2. ادەپتى بالا، اتا - اناسىن ماقتاتار،
ادەپسىز بالا، اتا - اناسىن قاقساتار.
3. كورگەندى بالا - جول سىلتەيدى،
كورگەنسىز بالا – قول سىلتەيدى.

سەرگىتۋ ءساتى:
جاي وڭ قولىڭدى وڭ جاققا،
جاي سول قولىڭدى سول جاققا.
ەكى قولدى بەلگە ۇستاپ،
العا قاراي ءبىر اتتاپ،
ارتقا قاراي ءبىر اتتاپ،
قوس اياقپەن توپ - توپ،
الاقاندى سوق - سوق.

3 - تاپسىرما
تىيىم سوزدەر ايتۋ:
1. ۇيگە جۇگىرىپ كىرمە.
2. بىرەۋدىڭ كەمتارلىعىنا كۇلمە.
3. قۇستىڭ ۇياسىن بۇزبا.
4. قۇمىرسقانىڭ يلەۋىن بۇزبا.
5. جالعىز اعاشتى شاپپا.
6. سۋعا تۇكىرمە.
7. گۇلدى جۇلما
8. ۇلكەن كىسىنىڭ الدىن كەسىپ وتپە.
9. ناندى اياقتىڭ استىنا تاستاما.
10. بوساعانى كەرمە.

4 - تاپسىرما
ويىن: «ادەپتىلىك اعاشىنان سيقىرلى جەمىستەرىن تەرۋ»
ماقساتى: المالارعا سوزدەر جازۋ. «سالەمەتسىز بە»، «ساۋ بولىڭىز»، «راحمەت»، «كەشىرىڭىز»، «ريزامىن»، «رۇقسات پا؟» وسى سوزدەردى تەرىپ الۋ.

تولىق نۇسقاسىن جۇكتەۋ
سلايدىن جۇكتەۋ