InfoHub Logo

ساباقتىڭ تاقىرىبى: «اعاش وڭدەۋ جانە زەرگەرلىك ونەر»
ساباقتىڭ ماقساتى: وقۋشىلارعا اعاش پەن زەرگەرلىك ويۋ - ورنەكتەردى كوركەمدەپ وڭدەۋگە ارنالعان قۇرال - سايماندارمەن تانىستىرىپ، ءار قايسىسىنىڭ قىزمەتىمەن تانىستىرىپ ءتۇسىندىرۋ.
تاربيەلىگى: وقۋشىلارعا ەستەتيكالىق، ەكولوگيالىق، ۇلتتىق تاربيە بەرۋ.
ەڭبەك سۇيگىشتىككە تاربيەلەۋ. ەڭبەك مادەنيەتىنە تاربيەلەۋ.
دامىتۋشىلىعى: وقۋشىلاردىڭ ەڭبەك ەتۋگە ءوزارا قاتىناسىن ارتتىرۋ، ەڭبەككە ىسكەرلىگىن، يكەمدىلىگىن دامىتۋ.
كورنەكىلىگى: پلاكات، ينتەراكتيۆتى تاقتا.
ساباقتىڭ ءادىسى: سۇراق - جاۋاپ ءادىسى، بايانداۋ ءادىسى.

ساباقتىڭ بارىسى:
ءى. ۇيىمداستىرۋ كەزەڭى.
• وقۋشىلارمەن سالەمدەسۋ.
• كەزەكشى تاعايىنداپ، ساباققا قاتىسىمىن باقىلاۋ.

ءىى. جاڭا ساباقتى ءتۇسىندىرۋ.
ادام بالاسى جەر بەتىندە پايدا بولعاننان باستاپ اعاش العاش تۇتىنعان ماتەريالدىڭ ءبىرى بولعان. قازىرگى عىلىممەن تەحنيكانىڭ شارىقتاپ وسكەن زاماندا ءبىزدىڭ كۇندەلىكتى ومىرىمىزدە اعاشتىڭ الاتىن ورىنى ۇلكەن جانە ماڭىزدى ماتەريال. بۇرىنعى زامانداردان - اق ادام بالاسى اعاشتىڭ قاسيەتىن جوعارى باعالاپ، اعاشقا تابىنىپ كەلگەن. ەندى، وسى اعاشتى وڭدەپ - بەزەندىرىپ، اشەكەيلەيتىن شەبەرلەر تۋرالى توقتالا كەتسەك. قازاق قولونەر شەبەرلەرىنىڭ كۇندەلىكتى ەڭبەگىنىڭ تىم اۋىرلىعىنىڭ ءبىر سەبەبى - ولاردىڭ باسىم كوپشىلىگىندە جابدىقتالعان ارنايى شەبەرحانالاردىڭ بولماۋى. اسىرەسە زەرگەرلەر، ەتىكشىلەر ت. ب. ۇساق-تۇيەك بۇيىمدار جاسايتىن شەبەرلەر، كوبىنەسە قىسى - جازى ءوزىنىڭ تۇرعىن ۇيىندە نەمەسە جاساۋشىنىڭ مەكەن - جايىندا جاتىپ ىستەدى. مۇنداي شەبەرلەردىڭ بۇيىم جاسايتىن شيكىزاتى دا، قۇرال-سايماندارى دا كوشىپ - قونۋعا قولايلى شاعىن سىيىمدى بولعان. سوندىقتان، ولار جازدى كۇنى ەلمەن بىرگە جايلاۋعا كوشىپ، ءوزىنىڭ شاعىن كيىز ۇيىندە - اق ىستەي بەرگەن.

اعاش ويۋ قۇرالدارى جانە ويۋ ەرەجەلەرى"
ال ەندەشە اعاشتان جاسالاتىن بۇيىمداردى كوركەمدەپ وڭدەۋدىڭ ەڭ ەجەلگى ءتۇرى وعان ورنەك - ويۋ بولىپ تابىلادى. ادام بالاسى عاسىرلار بويى ءوزىنىڭ تۇرعىن ءۇيىن، ات - ابزەلدەرىن، قول ونەر بۇيىمدارىن ويۋ - ورنەكپەن كوركەمدەپ بەزەندىرىپ وتىرعان. مىسالى، ساقتار كەزىندە اعاشقا بەدەرلەپ مۇسىندەۋ ونەرى كەڭ ەتەك العان. اعاشتان ويىپ جاسالعان شاعىن مۇسىنشىلەرمەن ساقتار ەر - تۇرمان ابزەلدەرىن كوركەمدەنگەن، اعاش بۇيىمدارىن بەزەندىرگەن. ورنەكتى ويۋدىڭ بىرنەشە ءتاسىلى بار. سونىڭ ءبىرى - گەومەتريالىق بەينەدەگى ورنەك. مۇنداي ورنەك اعاش بەتىنە گەومەتريالىق سۋرەت سالۋ ارقىلى جاسالادى. ولار ءۇشبۇرىشتى، ءتورتبۇرىشتى نەمەسە شارشىنى بىرنەشە ءۇشبۇرىشقا ءبولۋ ارقىلى ورنەكتەلەدى. ورنەكتى ورىنداۋ ساپاسى پىشاقپەن قاشاۋدىڭ وتكىرلىگىنە تىكەلەي بايلانىستى. ەكىنشى ءتاسىلى - ورنەكتى جۇقالاۋ ءتىلىپ سالۋ. مۇنداي ورنەكتى سالعاندا ونىڭ ءىزىن پىشاقپەن ءتىلىپ، ورنەكتىڭ جيەكتەرىن كولبەۋلەي جۇقالاپ جونىپ الامىز. بۇل ءتاسىلدىڭ ەرەكشەلىگى، ورنەكتى جۇقالاي ءتىلىپ، سالۋ ءادىسى الىنادى. مۇنداي ويۋدى بىرنەشە ادىستەرمەن ورىندايدى. ورنەك – كەز كەلگەن بۇيىمنىڭ سىرتىنا تۇسىرىلەتىن ءبىرتۇتاس بايلانىستى اشەكەي. ال ويۋ - بۇيىمعا تۇسىرىلگەن ورنەكتى پىشاقپەن كەسۋ ارقىلى وڭدەۋ نەمەسە بۇيىمدى شابۋ كەزىندەگى ويىپ وڭدەۋ جۇمىستارى. اعاش بۇيىمدارىن كوركەمدەپ وڭدەۋگە مىنانداي شارالار ارقىلى جۇزەگە اسىرىلادى.
- بۇيىمنىڭ نەگىزىن تالاپتارعا ساي تازالاۋ؛
- بۇيىمنىڭ بارلىق بولىكتەرىنە ورنەكتەردى جوسپارلاۋ؛
- ورنەكتەردى كەسۋ؛
- بۇيىمداردى بوياۋ، وعان ءار بەرۋ؛
- بويالعان بۇيىمدى لاكتاۋ؛
اعاش ويۋ قۇرالدارى جانە ويۋ ەرەجەلەرى.

اعاش ماتەريالدارىن ويۋعا قاجەتتى باستى قۇرالدار – قاشاۋ مەن ۇشكىر پىشاق. ەڭ كوپ قولدانىلاتىن قاشاۋ تۇرلەرى 29 - سۋرەتتە: ۇشكىر پىشاق (1)، تىك ءجۇزدى (2) جانە ويىق ءجۇزدى (3) قاشاۋ قۇرالدارى جانە ولاردىڭ ويعان پىشاق پەن قاشاۋ ىزدەرى كورسەتىلگەن. اعاش ويۋدىڭ بىرنەشە تاسىلدەرى بار.