InfoHub Logo

انا ءتىلى. 4 - سىنىپ.
ساباقتىڭ تاقىرىبى: فاريزا وڭعارسىنوۆا «قانات تۋرالى حيكايا»
ساباقتىڭ ماقساتى.
بىلىمدىلىك ماقساتى: وقۋشىلارعا ولەڭ اۆتورى فاريزا وڭعارسىنوۆا تۋرالى مالىمەت بەرۋ جانە ولەڭ مازمۇنىن ۇعىندىرۋ، تالداۋ ارەكەتىن جەتىلدىرۋ.
دامىتۋشىلىق ماقساتى: وقۋشىلاردىڭ وي - ءورىسىن، سوزدىك قورىن مولايتۋ، شىعارماشىلىق قابىلەتىن دامىتۋ.
تاربيەلىك ماقساتى: ءوز اتا - انالارىنا دەگەن سۇيىسپەنشىلىك سەزىمىن بويلارىنا ءسىڭىرۋ، سىيلاۋعا تاربيەلەۋ.
جاڭا تەحنولوگيا: سىن تۇرعىسىنان ويلاۋ.
ساباقتىڭ ءتۇرى: دامىتۋشىلىق.
ءپانارالىق بايلانىس: ءتىل دامىتۋ، بەينەلەۋ ونەرى.

ساباقتىڭ بارىسى.
پسيحولوگيالىق ترەنينگ. «جىلى لەبىزدەر» ترەنينگى جۇرگىزىلەدى (ويتكەنى جاڭا ساباعىمىز جاقسى تىلەكتەرمەن بايلانىستى). وقۋشىلار دوڭگەلەنە تۇرىپ «سيقىرلى تاياقشانى» ءبىر - بىرىنە ۇسىنىپ جىلى تىلەكتەرىن ايتادى. «گۇلدانا، سەنىڭ داۋسىڭ ادەمى»، «تىلەك، سەنىڭ شاشىڭ كەرەمەت جاراسىپ تۇر» ت.س.س.

ءۇي تاپسىرماسىن تەكسەرۋ.
«بايگە» ويىنى. باتا ايتۋ جارىسىن ۇيىمداستىرۋ.
1. مال - باستىڭ اماندىعىن تىلەيتىن باتا.
2. ءقاۋىپ - قاتەردەن ساقتايتىن ءسوز.
3. داستارحانعا بەرىلەتىن باتا بىلەسىڭ بە؟
4. ن. ايتوۆ. «التىن ءسوز» ولەڭىن جاتقا ايتىپ بەر.
5. باتانىڭ مال سويعاندا ايتىلاتىن ءتۇرى.
6. جولعا شىعارىپ سالۋ ۇلگىسى.
وقۋشى جاۋاپتارىن قورىتىپ، جيناعان ۇپايلارىن ەسەپتەۋ. تياناقتى دايىندالعان وقۋشىلاردى ىنتالاندىرۋ.
جاڭا ساباق.
- بالالار، سوڭعى ساباقتاردا قانداي شىعارمالارمەن تانىستىق؟ ولاردىڭ ۇقساستىقتارى قانداي؟
- انا تاقىرىبىندا جازىلعان شىعارمالارمەن تانىستىق.
- ءوز ولەڭدەرىن اناعا ارناپ جىرلاعان اقىننىڭ ءبىرى - فاريزا وڭعارسىنوۆا. بۇگىن اقىننىڭ «قانات تۋرالى حيكايا» ولەڭىمەن تانىسامىز. داپتەرگە كۇن رەتى مەن تاقىرىپتى دۇرىس جازايىق.
اۆتور تۋرالى مالىمەت بەرۋ، توپتاستىرۋ سىزباسىنا ءتۇسىرۋ.

فاريزا وڭعارسىنوۆا
1939 جىلى 25 جەلتوقساندا تۋعان. اتىراۋ وبلىسى، يساتاي اۋدانىندا وسكەن. قازاقتىڭ دارىندى اقىنى، كوپتەگەن ولەڭ كىتاپتارىنىڭ اۆتورى. «قانات تۋرالى حيكايا» 1988 جىلى «العاشقى ساباق» جيناعىنا ەنگەن

قىزىعۋشىلىقتى وياتۋ.
ا) «كيندەر سيۋرپريز» قوراپشاسى اكەلىنەدى. قوراپشادان جۇمباق جازىلعان قاعازدى الىپ ءبىر وقۋشى وقيدى.
بارلىق جەمىن بىتەۋلەي اسايدى،
ايتسە دە ۇزاق جاسايدى.
ول نە؟ (قۇس)

ءا) جۇمباق شەشىمىنە سايكەس تاقتاعا سۋرەت ءىلىپ، ونىڭ تاقىرىپپەن بايلانىسىن اشۋ.
- بالالار، سۋرەتتەن نەنى بايقادىڭدار؟
- قارلىعاش ۇياداعى بالاپاندارىنا كەلەدى.
- قارلىعاشقا زەر سالا قاراڭدارشى، قالاي ۇشىپ كەلەدى؟
- ەكى قاناتىن جازىپ ۇشىپ كەلەدى.
- ەندى ويلانايىق، وسى سۋرەتتىڭ، جۇمباقتىڭ ولەڭ تاقىرىبىمەن قانداي بايلانىسى بار ەكەن؟
الدىمەن ءوز ويلارىن «جۇپتا تالقىلاپ» الادى.
- قانات دەپ قۇستىڭ قاناتىن ايتىپ تۇر.
- دۇرىس ايتتىڭدار، بالالار. بۇل ولەڭ اتا - انا مەن بالا تۋرالى جازىلعان. بالاپاننىڭ اناسى - قارلىعاشتى ادامنىڭ قوس قاناتى - اتا - انامەن بايلانىستىرىپ، ولارسىز بالالاردىڭ ءومىر سۇرە المايتىندىعىن تۇسىنسە دەيدى اقىن. بالاپان قاناتىن «قانات» دەپ تۋرا ماعىنادا قولدانسا، اتا - انانى «قوس قانات» دەپ بالاما ماعىنادا قولدانىپ سۋرەتتەيدى.

ماعىنانى تانۋ.
ولەڭدى مانەرلەپ ناقىشىنا كەلتىرە وقيتىن وقۋشىلارعا وقىتۋ. كەزەكتەستىرىپ وقىتۋ.
«اۆتورلار مەن وقىرماندار» ستراتەگياسى.
وقۋشىلاردىڭ ءبىر توبى - اۆتورلار، كەلەسى توبى - وقىرماندار بولىپ ءماتىن مازمۇنىنا بايلانىستى سۇراقتار قويىپ جاۋاپ بەرەدى.
- ولەڭ نە تۋرالى؟
- بالاپان، اتا - انا، بالا تۋرالى.
- بالاپانعا نە بولدى؟
- ۇياسىنان قۇلاپ قاناتىن سىندىرىپ الدى.
- بالاپانعا كومەك بەرىلدى مە؟