اجە، اپا تۋعان كۇنىڭ قۇتتى بولسىن!
اجەتاي! اۋلەتىمىزدىڭ كيەسى، بارلىعىمىزدىڭ اقىلشىمىز، شاڭىراعىمىزدىڭ بەرەكەسىن كىرگىزىپ وتىرعان اسىل جان ءوزىڭىزسىز!
بەلىڭىز قايىسقانشا ەڭبەك ەتىپ، قاناتتىعا قاقتىرماي، تۇمسىقتىعا شوقتىرماي، مەيىرىمىڭىزدى توگە ءجۇرىپ كۇتىپ-باپتاپ وسىرگەن ۇل-قىزدارىڭىز وركەن جايىپ، بۇگىندە ءبىر-بىر شاڭىراقتى قۇراپ، ءوسىپ-وندى — قارا ورمانعا اينالدى. سول ءۇشىن ۇرپاقتارىڭىز سىزگە ماڭگى قارىزدار. «اناسى بار ادامدار ەشقاشان قارتايمايدى» — دەيدى. اللا سىزگە كۇش — قۋات بەرسىن! ۇل — قىزدارىڭىز بەن نەمەرە-شوبەرەلەرىڭىزدىڭ ورتاسىندا ءاردايىم جۇزىڭىزدەن شۋاق شاشىراپ، قىزىعىنا تويماي جۇرە بەرىڭىز!
اق ايدىنعا سالىپ باقىت كەمەسىن،
جارقىن جۇزبەن قۋانىشپەن كەلەسىڭ،
قۇتتى بولسىن جەتپىس بەسىڭ، اجەتاي،
ءوزىڭىزدى ءبىر قۇدايىم دەمەسىن.
بايتەرەكسىز جاپىرىعى جايقالعان،
بارشا جۇرتقا جاقسىلىعىڭ بايقالعان.
ەسەن بولسىن ۇرپاعىڭىز كورىنگەن.
ءان قالىقتاپ، كۇي توگىلسىن تورىڭنەن،
ب ا ق ورناسىن ءاردايىم باسىڭىزعا.
جاس قوسىلسىن، اجەتاي، جاسىڭىزعا،
وتباسىنا قۋانىش سىيلاپ تالاي،
اماندىقپەن جەتىڭىز جۇزگە قاراي!
* * *
تىلەۋىمدى تىلەگەن، ەركەلىگىمدى كوتەرگەن، مەن اۋىرسام — جانى اۋىرعان، كورمەي قالسا ساعىنعان اسىل اجەتايىم! كوڭىلى كەڭ، جۇرەگى مەيىرىمدى، كەۋدەسى قازىنا، ءسوزى قاسيەتتى اق اجەم مەنىڭ! نۇرلى جۇزىڭە جاراسقان اق جاۋلىعىڭنان، نەمەرەسىن بارلىعىنان ارتىق جاقسى كورگەن ىستىق ىقىلاسىڭنان اينالدىم!
بار ءتاتتىنى اۋزىما توسىپ، بار جاقسىنى ۇستىمە كيگىزىپ، ەركەلەتىپ وسىرگەن، قىزىق ەرتەگىسى مەن اقىل-وسيەتىن قۇلاعىما قۇيۋدان جالىقپاعان دانا اجەم مەنىڭ. ءارقاشان ورتامىزدا وسىلاي ۇرپاقتارىڭنىڭ قىزىعىنا كەنەلىپ جۇرە بەر! جاسىڭىز ۇزاق بولسىن، اۋىرماڭىز!
اجەتاي، نۇرعا تولسىن ءجۇزىڭىز،
قۋانىڭىز، شاتتانىڭىز، كۇلىڭىز.
تىرشىلىكتىڭ قىزىعىنا بولەنىپ،
امان-ەسەن ورتامىزدا ءجۇرىڭىز!
مەرەكەڭ ۇزاعىنان بولا بەرسىن،
ءۇي-ىشىڭ نەمەرە، شوبەرەگە تولا بەرسىن!
You Might Also Like
-
اينالايىن، اق ماڭداي قارىنداسىم، العا سۇيرەر ارمانىڭ سارقىلماسىن. قايىرىلماسىن قاناتىڭ توپشىسىنان، ەشقاشان دا زامانىڭ تارىلماسىن.
-
ءاربىر ىسىنە ادالدىقتى تۋ ەتىپ، جەكە باسىنىڭ اقىل-پاراساتىمەن كەيىنگىلەرگە ۇلگى بولا بىلگەن سۇيىكتى اپكەمىزدى مەرەيلى جاسىمەن قۇتتىقتاي وتىرىپ، وتباسىنىڭ بەرەكەلى، بالا-شاعاسىنىڭ امان بولۋىنا، دەنسا...
