جان اپكە تۋعان كۇن قۇتتى بولسىن!
ءاربىر ىسىنە ادالدىقتى تۋ ەتىپ، جەكە باسىنىڭ اقىل-پاراساتىمەن كەيىنگىلەرگە ۇلگى بولا بىلگەن سۇيىكتى اپكەمىزدى مەرەيلى جاسىمەن قۇتتىقتاي وتىرىپ، وتباسىنىڭ بەرەكەلى، بالا-شاعاسىنىڭ امان بولۋىنا، دەنساۋلىعى مىقتى قالپىندا ۇزاق جاساۋىنا تىلەكتەسپىز. اپكە، ەلگە سىيلى، تۋىستارىڭىزعا باۋىرمال، ءاردايىم كوپشىل قالپىڭىزدان اينىماڭىز!
جان اپكە، قاشاننان-اق جانى جاقسىم،
شىققانداي جانارىڭنان جادىراپ كۇن.
ەڭ العاش سەن تۋىپ، قۋانتىپسىڭ
جاندارىن ءبىزدىڭ ۇلكەن شاڭىراقتىڭ.
ەستيار بوپ تىرلىكتە باياندى كەم،
ەركەلەتىپ ءبارىمىزدى ايالاپ ەڭ.
جارىڭ كەتتى باقيعا، سەن قامىقپا،
بۇل كۇندە تالاسۋدا نەمەرەلەر قۇشاققا كەڭ.
بالالارىڭ — ماڭگىلىك قۋانىشىڭ.
ۇستازدىق باقىتىڭ بار — جۇبانىشىڭ.
ءبىر سەنى ساف التىننان كەم كورمەيمىز.
ناعىز التىن جارقىراپ تۇرادى شىن!
***
وزىنەن كىشى باۋىرلارىنا مەيىرىن توگىپ، مەرەيىن وسىرۋگە بارىن سالعان، ءبىزدى الپەشتەپ، ايالى الاقانىنا سالىپ وسىرگەن ءقادىرلى، ءاز اپكەمىزدى تۋعان كۇنىمەن قۇتتىقتايمىز!
ءبىر ەلدىڭ ىزەتتى كەلىنى، اتا-ەنەسىن، قۇداي قوسقان جارىنىڭ التىن باسىن قادىرلەگەن اپكەمىز — بۇگىندە .... بالانىڭ اناسى.
بويىنان دومالاق انانىڭ اۋليەلىگى، ايعانىمنىڭ كەمەڭگەرلىگى، زەرەنىڭ پاراساتى، بوپايدىڭ باتىرلىعى، ايشا ءبيبىنىڭ ادالدىعى، اتتارى التى الاشقا تانىمال قازاقتىڭ ارۋلارىنىڭ اسىل قاسيەتتەرى تابىلاتىن اپكەمىزگە ۇل-قىزدارىڭىزدىڭ راحاتىن جەزدەمىزبەن بىرگە كورىپ، ۇزاق تا باقىتتى عۇمىر كەشۋدى تىلەيمىز.
ومىرىندە كۇيبەڭ تىرلىگىن ويلاماي
اعايىننىڭ بىرلىگىن ويلايتىن،
مال-مۇلىك، دۇنيە جيناماي
دوستىڭ سىرىن تىڭدايتىن.
داستارحانى جيىلمايتىن،
كوك شاينەگى سۋىمايتىن،
شاڭىراعىنان نەمەرەلەردىڭ
سىڭعىرى، شۋى تىيىلمايتىن،
اپكەمىزدىڭ تۋعان كۇنى قۇتتى بولسىن!
You Might Also Like
-
اجەتاي! اۋلەتىمىزدىڭ كيەسى، بارلىعىمىزدىڭ اقىلشىمىز، شاڭىراعىمىزدىڭ بەرەكەسىن كىرگىزىپ وتىرعان اسىل جان ءوزىڭىزسىز!
-
حالىقارالىق وليمپيادا جەڭىمپازدارىنا جوعارى وقۋ ورىندارىنا ءتۇسۋ ءۇشىن باسىم قۇقىق بەرىلۋى كەرەك. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
