InfoHub Logo

ەرتەدە ءبىر قولىنان ءىس كەلمەيتىن ولاق ادام بار ەكەن. سونىسىنا قاراماستان، ول ونى-مۇنىنى ىستەۋگە اۋەس بولىپتى.

ءبىر كۇنى الگى ولاق وتكىر شوتپەن اعاش شاۋىپ وتىر ەكەن، قاسىنان ءوتىپ بارا جاتقان بوگدە بىرەۋ وقىس بۇرىلىپ، بىردەن شوتقا جارماسىپ:

— بۇل مەنىڭ اكەمنىڭ شوتى، سەن مۇنى قايدان الدىڭ؟ — دەپ بالە سالىپتى.

ولاق:

— بۇل ءوز شوتىم! — دەپ وزەۋرەيدى.

اقىرى ءبىرىن ءبىرى جەڭە الماي، قازىعا جۇگىنىسكە كەلەدى. داۋكەس قازىعا ولاقتىڭ شوتىن دا، شاۋىپ وتىرعان اعاشىن دا الا كەلگەن ەكەن.

— تاقسىر، بۇل مەنىڭ اكەمنىڭ شوتى، وعان داۋ بولماسقا كەرەك! — دەپتى داۋكەس:

— ونى قايدان ءبىلدىڭ؟ — دەپتى قازى.

— ونى بىلگەنىم، اكەمنىڭ شوتى شاپقان سايىن ورلەيتىن، مىنە، مىنا شوتتا ءدال سول قاسيەت بار ەكەن؟ — دەپ ءار جەرى قيقا-جيقا بولعان اعاشتى كورسەتىپتى.

سوزدەن جەڭىلگەن قازى شوتتى داۋكەسكە بەرگىزىپتى.

---