ماقامبەتتىڭ تەرگەۋشىنى الداعانى
ماقامبەتتىڭ ۇستىنەن تەرگەۋشىگە ارىز تۇسەدى. «ايىپكەردى تەكسەرۋگە كىسى شىعىپتى، بۇگىن كەلدى» دەگەندى ەستىپ، ماقامبەت اتىنا ءمىنىپ اۋدانعا اتتانىپتى. اۋداننان شىققان تەرگەۋشى قارسى كەزدەسەدى. تەرگەۋشى ءجون سۇراپ:
— قايدان كەلەسىز؟ — دەسە:
— شىققان جەرىم ارتىمدا قالدى، — دەپتى ماقامبەت.
— قايدا بارا جاتىرمىز؟
— باراتىن جەرىم الدىمدا.
— دەنىڭىز ساۋ ما؟ — دەپ تەرگەۋشى ىزا بولا سويلەپتى.
— اۋرۋ بولسام، اتقا ءمىنىپ وسىلاي جۇرەم بە؟
تەرگەۋشى سوزگە جارىمايتىن بولعان سوڭ، ءوز جولىمەن ءجۇرىپ كەتىپتى. سونان الدىنداعى كورىنگەن اۋىلعا كەلىپ:
— ماقامبەت شوجەيەۆ دەگەن كىسىنىڭ قايدا ەكەنىن بىلەسىزدەر مە؟ — دەپ سۇراپتى. اۋىل ادامدارى:
— سىزگە جولدا كوزى قىلي، قارا ساقالدى كىسى جولىققان جوق پا؟ — دەپتى.
— ءيا، جولىقتى.
— ەندەشە ىزدەگەن ماقامبەت شوجەيەۆىڭىز سول كىسى.
— ماقامبەت ول بولسا، ودان مەن جاۋاپ الا الماسپىن. ونان دا اۋرە بولماي اۋدانعا جەتەيىن، — دەپ تەرگەۋشى قايتىپ كەتىپتى.
You Might Also Like
-
ءبىر مولدا سۋعا اعىپ بارادى ەكەن. شىعارىپ الا قويماق بوپ، بىرەۋ جۇگىرىپ بارىپ، وعان:
-
ەرتەدە ءومىرى سوقىر قويان دا اتىپ كورمەگەن قىدىرباي دەگەن كىسى مىلتىعىن بىلەگىنە سالىپ كەلە جاتىر ەكەن. قارسى كەزدەسكەن ءبىر تانىسى:
