InfoHub Logo

تاقىرىبى: اكەممەن، اناممەن
ماقساتى: 1. سالاۋاتتى ءومىر سالتىن ناسيحاتتاي وتىرىپ، اتا – انامەن بالا دەنساۋلىعىن نىعايتۋ.
2. سپورتشىلار اراسىنداعى دوستىق قارىم – قاتىناستى قالىپتاستىرۋ.
بالالارعا دەنساۋلىقتىڭ ءقادىرىن، باعالى ەكەنىن ءتۇسىندىرۋ جانە ونى ساقتاۋدى باستى بالىق ەكەنىن ۇعىندىرۋ.
3. سەنىمدىلىككە، قايسارلىققا، بەلسەندىلىككە، شاپشاڭدىققا تاربيەلەۋ.
جۇرگىزۋشى: قۇرمەتتى قوناقتار، جارىسقا قاتىسۋشىلار، جانكۇيەرلەر. بۇگىنگى وتكىزىلەتىن «اكەممەن، اناممەن» اتتى ەستافەتالىق جارىسىنا قوش كەلدىڭىزدەر!

سالاۋاتتى ءومىر سالتىن قولدايمىز،
جاماندىقتان جانىمىزدى قورعايمىز.
دەنساۋلىقتى جانىمىزعا سەرىك قىپ،
بولاشاققا امانات قىپ جولدايمىز! – دەي وتىرىپ ورتاعا قاتىسۋشى كوماندالاردى شاقىرامىز.
1. «جۇلدىزدار» توبى
2. «تۇلپار» توبى
3. «بالاپان» توبى
4. «بوتاقان توبى» توبى
ال ەندى سپورت زاڭى بويىنشا قازىلار القاسىمەن تانىستىرىپ وتەيىن:
1. بالاباقشا ديرەكتورى: تۋرگانبايەۆا نۇرساۋلە تۇراقباي قىزى
2. بالاباقشا ادىسكەرى: اليبەكوۆا زارينا الىبەك قىزى
3. بالاباقشا مەدبيكەسى: تلەگەنوۆا اقشاگۇل
4. بالاباقشا شارۋاشىلىق مەڭگەرۋشىسى: يزباساروۆا سابينا سەرىك قىزى

سايىس كەزەڭدەرىمەن تانىستىرىپ وتەيىن:
1. «تانىستىرۋ» (توپتىڭ اتى، ۇرانى، ەمبلەماسى)
2. «كىم جىلدام» (كەدەرگىلەردەن ءوتۋ)
3. «كەنگۋرۋ» (قاپپەن سەكىرۋ)
4. «مەرگەن» (دوپتى دالدەپ قۇرساۋعا سالۋ)
5. «ارقان تارتۋ» (قازاق حالقىنىڭ ۇلتتىق ويىنى)

جۇرگىزۋشى: ال، قۇرمەتتى حالايىق،
جارىستى ەندى كورىڭدەر.
ءادىلقازى القاسى،
ءادىل باعا بەرىڭدەر
1. كەزەڭ «تانىستىرۋ»
شارتى: ءار كوماندا توبىنىڭ اتىن، ۇرانىن ايتىپ، ەمبلەماسىن تاعىپ شىعۋى كەرەك.
جۇرگىزۋشى: ۋا، حالقىم، نازار اۋدار دەنساۋلىققا.
ومىردە باقىتتىسىڭ دەنىڭ ساۋدا،
«دەنساۋلىق – تەرەڭ باقىت» دەگەن ءسوزدى
قۇر ايتپاعان ۇلى اباي دانامىزدا – دەي وتىرىپ، سايىسىمىزدىڭ 2 – ءشى كەزەڭىنە كەزەك بەرەيىك.

2. «كىم جىلدام»
شارتى: قولىمىزدا دوپ، كەدەرگىلەر اراسىنان مۇدىرمەي ءوتىپ، دوپتى كەلەسى ويىنشىعا بەرەمىز. ويىن وسىلايشا قايتالانادى.

جۇرگىزۋشى: دەنىڭ ساۋدا كۇشتىسىڭ بۇل الەمدە،
دەنىڭ ساۋدا سۇلۋسىڭ جەر بەتىندە.
سول مىقتى دەنساۋلىقتىڭ ارقاسىندا،
جەتەرسىڭ ءالى تالاي جەڭىستەرگە
ءۇشىنشى كەزەڭ

3. «كەنگۋرۋ»
شارتى: قاپتى كيىپ كەگليدىڭ اراسىمەن يرەك جاساي ءجۇرىپ، اينالىپ كەلۋ.
جۇرگىزۋشى: جاتىپ ىشەر بوپ جالقاۋ،
سەن بولماشى ەرىنشەك.
اينالىسىپ سپورتپەن،
تالاپتان دا، ەڭبەك ەت – دەي وتىرىپ كەلەسى كەزەڭگە وتەيىك.

4. «مەرگەن»
شارتى: قولىمىزداعى دوپتى قۇرساۋعا ءدال سالۋىمىز كەرەك.
جۇرگىزۋشى: شىنىعامىز ءبىز كۇندە،
تىنىعۋدى بىلمەيمىز.
شارشامايمىز ءبىز مۇلدە،
ويىن ويناپ ءار كۇندە.
بەسىنشى كەزەڭگە دە جەتتىك.

5. «ارقان تارتۋ»
شارتى: ەكى كوماندادان بىرىگىپ تارتىپ، ۇتقان كوماندا كەلەسى توپتىڭ جەڭىمپازىمەن ارقان تارتىسىپ ءارى قاراي جالعاستىرادى.
جۇرگىزۋشى: ونەرگە بيىك سەنىڭىز،
دۋمانداتىپ ءجۇرىڭىز.
ءادىلقازى ەل سەنگەن،
ونەرگە باعا بەرىڭىز
قۇرمەتتى ءادىل قازىلار ءسوز كەزەگى وزدەرىڭىزدە.
جۇرگىزۋشى: قۇرمەتتى سپورتشىلار، اتا – انالار جۇلدەلەرىڭىز قۇتتى بولسىن!
بۇگىنگى «اكەممەن، اناممەن» اتتى سپورتتىق ەستافەتالىق جارىسىمىز ءوز مارەسىنە جەتتى. كەلەسى كەزدەسكەنشە ساۋ بولىڭىزدار!