InfoHub Logo

ءبىر كىسىنىڭ بەس بالاسى بار ەدى؛ بالالارىنىڭ ءوز اراسىندا تاتۋشىلىعى بولماپتى. تاتۋ تۇرىڭدار دەپ اكەسى بالالارىنا الدەنەشە رەت ايتقان ەكەن؛ بالالارى اكەسىنىڭ ءسوزىن تىڭداماپتى. ءبىر كۇنى اكەسى قاتتى اۋىرىپتى. اكەسى ءبىلۋشى ەدى: ول ولگەن سوڭ بالالارى ارازدىعىن قويماسا، ەنشىلەرىن الىپ، ءارقايسىسى ءوز بەتىمەن كەتىپ، جارلى بولاتىنىن. تاتۋلىقتىڭ، دوستىقتىڭ پايدالى ەكەنىن بالالارىنا كورسەتەيىن دەپ، اكەسى ولەرىنىڭ الدىندا ۇلدارىن شاقىردى. «ءبىرىڭ سىپىرعى الىپ كەل» دەدى. بالالارى سىپىرعىش اكەلدى. «بالالارىم! مىنا سىپىرعىشتى سىندىرىڭدار، دەدى. بالالارى قانشاما سىندىرايىن دەپ تىرىسسا دا ەشبىرى سىندىرا المادى. سوندا اكەسى سىپىرعىشتى الىپ شەشتى، ءبىر-بىر شىبىقتان سىپىرعىشتاعى بار شىبىقتى سىندىردى داعى بالالارىنا ايتتى: «كوردىڭدەر مە، سەندەر تاتۋلىقپەن بىرگە تۇرساڭدار، سەندەردى ەشكىم جەڭبەس؛ اراز بولىپ بولەك بولساڭدار، سەندەردى اركىم جەڭەر، اياعىنىڭ استىنا باسار، قادىرلەرىڭ كەتەر، بەرەكەلەرىڭ قاشار، دەدى.

---