تۇسكى تاماق پەن كەشكى تاماق
تاڭەرتەڭ بالا ەشبىر جۇمىسسىز ۇيدە وتىردى. تۇسكى استى ىشەتىن ۋاقىتتا شەشەسى ەت پەن سورپا اكەلدى، بالا سورپانى تاتىپ قارادى دا: بۇگىن سورپا ءدامسىز ەكەن دەدى. شەشەسى ايتتى: بۇل ءدامسىز بولسا، كەشكە ءدامدى سورپا ءپىسىرىپ بەرەرمىن دەپ. تۇسكى تاماقتان سوڭ اكەسى ءشوپ تاسىدى. بالاسى اتتىڭ باسىنا ءمىنىپ، ءشوپتىڭ توبەسىنە شىعىپ، بەك شارشاپ، كەشكە ۇيىنە كەلدى. كەشكى تاماققا تۇستەن قالعان سورپانى، ناندى داستارحاننىڭ ۇستىنە قويدى. بالاسى سورپانى تاتىپ بايقادى دا ايتتى: «تۇستەگى سورپاڭنان مىنا سورپا دامدىرەك دەپ».
سوندا شەشەسى ايتتى: بۇل تۇستەگى سورپانىڭ قالعانى ەدى، ساعان بۇل سورپانىڭ ءدامدى بولعانى — سەن تۇستەن كەيىن جۇمىس قىلىپ بەك شارشادىڭ. تاڭەرتەڭ ەشبىر جۇمىسسىز ۇيدە تەك وتىرعان سوڭ، اس ساعان ءدامسىز كورىندى دەپ.
You Might Also Like
-
ءبىزدىڭ كورشىمىز جارلى كىسى، ەسكى كىشكەنە ەكى بولمەلى ءۇيى بار. ول بالشىقتان سالىنعان جانە توبەسى توپىراقپەن جابىلعان. ءبىر بولمەسى جابىق، تازا تۇرادى. ول — قوناق ءۇيى، وندا كەلگەن قوناقتارى مەنە...
-
ءبىر كىسىنىڭ بەس بالاسى بار ەدى؛ بالالارىنىڭ ءوز اراسىندا تاتۋشىلىعى بولماپتى. تاتۋ تۇرىڭدار دەپ اكەسى بالالارىنا الدەنەشە رەت ايتقان ەكەن؛ بالالارى اكەسىنىڭ ءسوزىن تىڭداماپتى. ءبىر كۇنى اكەسى قاتتى اۋ...
