ءال-فارابي اتىنداعى قازۇۋ-دا عالىمدى 80 جىلدىق ەسكە الۋ دوڭگەلەك ۇستەلى ءوتتى
2023 جىلدىڭ 6 قاراشاسىندا تۇراقتى دامۋ ماقساتتارى اياسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ پروفەسسورى، فيلوسوفيا عىلىمدارىنىڭ دوكتورى مولدابەكوۆ جاقان جانبول ۇلىنىڭ 80 جىلدىعىنا ارنالعان ەسكە الۋ دوڭگەلەك ۇستەلى ءوتتى.
مولدابەكوۆ جاقان جانبول ۇلى - كورنەكتى عالىم، «قازاقتانۋ» ءىلىمىنىڭ نەگىزىن قالاۋشىلاردىڭ ءبىرى، قازاقتانۋ جانە جاڭارۋ فيلوسوفياسى ماسەلەلەرىنىڭ ادىستەمەلىك نەگىزدەرىن سالۋشى، سونىمەن بىرگە ۇلتتىق تاربيەنىڭ تالىمدىك ونەگەلەرى جانە قازاق اقىن-جىراۋلارىنىڭ، بي-شەشەندەرىنىڭ دۇنيەتانىمى مەن فيلوسوفياسى توڭىرەگىندە كوپتەگەن عىلىمي-زەرتتەۋ جۇمىستارىن جۇرگىزگەن ۇلاعاتتى ۇستاز.
دوڭگەلەك ۇستەلگە فيلوسوفيا جانە ساياساتتانۋ فاكۋلتەتى فيلوسوفيا كافەدراسىنىڭ پروفەسسورى عابيتوۆ تۇرسىن حافيز ۇلى، فيلوسوفيا كافەدراسىنىڭ دوسەنتى اسقار لەسحان ءامىرحان ۇلى، ءدىنتانۋ جانە مادەنيەتتانۋ كافەدراسىنىڭ مەڭگەرۋشىسى قۇرمانالييەۆا اينۇر دۇربەلەڭ قىزى، ت.جۇرگەنيەۆ اتىنداعى قازاق ۇلتتىق ونەر اكادەمياسىنىڭ «قازاقستان تاريحى جانە الەۋمەتتىك عىلىمدار» كافەدراسىنىڭ مەڭگەرۋشىسى، دوسەنت، فيلوسوفيا عىلىمدارىنىڭ كانديداتى، اليمجانوۆا اليا شارابەك قىزى، فيلوسوفيا كافەدراسىنىڭ دوسەنتى اتاش بەرىك مۇرات ۇلى، ۇلتتىق قۇندىلىقتار اكادەمياسىنىڭ شەتەلمەن بايلانىس ورناتۋ جانە دامىتۋ سەكتورىنىڭ جەتەكشىسى، قازاق ۇلتتىق اگرارلىق زەرتتەۋ ۋنيۆەرسيتەتى جالپى ءبىلىم بەرۋ كافەدراسىنىڭ قاۋىمداستىرىلعان پروفەسسورى، فيلوسوفيا دوكتورى (PhD) شاشايەۆا گۇلباقىت قادىرجان قىزى، قازاق امەريكا ۋنيۆەرسيتەتى الەۋمەتتىك-گۋمانيتارلىق پاندەر كافەدراسىنىڭ قاۋىمداستىرىلعان پروفەسسورى قالىبەكوۆا بايانسۇلۋ كەڭەس قىزى جانە عالىمنىڭ وتباسى مۇشەلەرىنەن جۇبايى مەن قىزى قاتىسىپ، ەستەلىكتەرىمەن ءبولىستى.
ءىس-شارادا جاقان جانبول ۇلىنىڭ فيلوسوفيلىق پوەزياسىنان ءۇزىندى كەلتىرگەن «مادەنيەت.كز» كلۋبىنىڭ مۇشەلەرى، 6ۆ03102-مادەنيەتتانۋ ماماندىعىنىڭ 2-كۋرس ستۋدەنتتەرى اۋباكيروۆ ماديار، جامبىل ارايلىم، انارباي ايگەرىم، ابدۋالي ايدا، باياحمەت ارۋجان، قۇرمان لاۋرا، ارىپبەك ديانا اتتى ستۋدەنتتەردىڭ جانە شاكىرتتەرى ولەڭدەرىنەن ارناۋ وقىدى. جاقان جانبول ۇلى كوزى ءتىرى بولعاندا بيىل 80 جاسقا تولار ەدى. «جاقسىنىڭ اتى، عالىمنىڭ حاتى» ولمەيدى دەگەن قاناتتى ءسوز بار. جاقان جانبول ۇلى ارتىنا قالدىرعان ۇستازدىق ۇلاعاتى مەن مول عىلىمي مۇراسى-وسىنىڭ ايقىن دالەلى. ونىڭ عىلىم جولىنداعى توككەن تەرى مەن اتقارعان ەرەن ەڭبەگى، ىزدەنىستە بولعان جاس عالىمدار مەن شاكىرتتەرىنە شاشقان شۋاعى ەشقاشان ۇمىتىلمايدى.
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى اكادەميالىق سالادا بەدەلدى مارتەبەسى مەن جاھاندىق باسەكەگە قابىلەتتىلىگىمەن ماقتانا وتىرىپ، قازاقستانداعى جەتەكشى وقۋ ورنى رەتىندە ماقتانىشپەن تۇر. ءدۇني...
-
دۇنيەدە ادام كۇلەتىن، ادام جىلايتىن، ادام ۇيالاتىن، ادام جيىركەنەتىن، ادام لاعىنەت ايتاتىن قىلىقتار، ىس-ارەكەتتەر جاسالىپ جاتىر. بۇل ارەكەتتەردىڭ ءار جاعىندا مەيىرىمگە، ماحابباتقا، جىلىلىققا ءزارۋ ادا...
