ءال-فارابي مۇراسىنداعى ىزگى ادام، قايىرىمدى قوعام جانە زاماناۋي ەتيكا
2023 جىلى 24 قازاندا ءال-فارابي اتىنداعى قازاق ۇلتتىق ۋنيۆەرسيتەتىنىڭ قابىرعاسىندا http://www.kaznu.kz يران يسلام رەسپۋبليكاسىنىڭ عىلىم مينيسترلىگىنىڭ مادەنيەتتانۋ جانە قوعامتانۋ عىلىمي-زەرتتەۋ ينستيتۋتىنىڭ يران يسلام رەسپۋبليكاسىنىڭ مادەنيەت ۇيىمى مەن باس كونسۋلدىعىنىڭ قولداۋىمەن «ءال-فارابي مۇراسىنداعى ىزگى ادام، قايىرىمدى قوعام جانە زاماناۋي ەتيكا» اتتى حالىقارالىق عىلىمي-تاجىريبەلىك كونفەرەنسيا ۇيىمداستىرىلدى.
كونفەرەنسيا اشىلۋ راسىمىندە فيلوسوفيا جانە ساياساتتانۋ فاكۋلتەتىنىڭ دەكانى، قاۋىمداستىرىلعان پروفەسسور بەكجان مەيىربايەۆ قۇتتىقتاۋ ءسوز سويلەپ، مەملەكەت باسشىسى قاسىم-جومارت توقايەۆتىڭ يرانعا رەسمي ساپارى بارىسىندا بەكىتىلگەن ق ر مادەنيەت جانە سپورت مينيسترلىگى مەن يسلام رەسپۋبليكاسى مادەنيەت مينيسترلىگى اراسىنداعى 2022-2025 جىلدارعا ارنالعان مادەني الماسۋ باعدارلاماسىنىڭ مىندەتتەرىنە توقتالدى.
ولاردىڭ ءبىرى – ەكى ەل عالىمدارىنىڭ فارابيتانۋ سالاسىنداعى بىرلەسكەن جۇمىسى. وسى قىزمەت اياسىندا ءال-فارابي كىتاپحاناسىنىڭ كاتالوگىن قازاق جانە پارسى تىلدەرىندە دايىنداپ، باسىپ شىعارۋ بويىنشا اۋقىمدى جۇمىس جۇرگىزىلدى. سونىمەن قاتار، ءال-فارابي ورتالىعى ق ر عىلىم جانە جوعارى ءبىلىم مينيسترلىگىنىڭ 2023-2025 جىلدارعا ارنالعان «ءال-فارابي مۇراسىنداعى ىزگى ادام جانە تۇركى عالىمدارى: كومپاراتيۆيستىك ديسكۋرس» جانە «ءابۋ ناسىر ءال-فارابي ىلىمىندەگى ءتىل فيلوسوفياسى جانە فيلوسوفيا ءتىلى» عىلىمي جوبالارى بويىنشا گرانتتىق قارجىلاندىرۋعا بايقاۋ وتكىزەدى.
كونفەرەنسيادا سونداي-اق يران يسلام رەسپۋبليكاسىنىڭ باس كونسۋلى فاگاني مۋحسين ءسوز سويلەپ، قازۇۋ باسشىلىعى تاراپىنان كورسەتىلگەن قولداۋعا، جىلى قابىلداعانى ءۇشىن العىسىن ءبىلدىردى. «ۇلى ويشىل ءال-فارابي يراندا جوعارى قۇرمەتكە يە. وتكەن جىلى يسلام رەسپۋبليكاسى مەن قازاقستان كوشباسشىلارىنىڭ كەزدەسۋىندە پرەزيدەنت قاسىم-جومارت توقايەۆ ەكى ەل اراسىنداعى تاريحي جانە مادەني بايلانىستاردىڭ قۇندىلىعىن اتاپ ءوتىپ، بىرلەسكەن عىلىمي كوميتەت قۇرۋدى ۇسىندى. بۇل باستاما ەكى ەلدىڭ جوعارى لاۋازىمدى تۇلعالارىنىڭ قولداۋىنا يە بولدى، اتالعان كوميتەت قۇرىلدى، ءفارابيدىڭ تۇلعاسى مەن عىلىمي ەڭبەكتەرىنىڭ تەرەڭ اسپەكتىلەرىن زەردەلەۋگە جانە دامىتۋعا ارنالعان بىرنەشە باعدارلاما تالدانىپ، بەكىتىلدى»، – دەپ اتاپ ءوتتى فاگاني مىرزا.
كەلەسى كەزەكتە پلەنارلىق باسقوسۋدا يران عىلىم اكادەمياسىنىڭ مۇشەسى، يران فيلوسوفياسى قاۋىمداستىعىنىڭ پرەزيدەنتى شاحيد بەحەشتي ۋنيۆەرسيتەتىنىڭ پروفەسسورى اۆاني گۋلامرەزا، مادەني، الەۋمەتتىك جانە وركەنيەتتىك زەرتتەۋلەر ينستيتۋتىنىڭ باسشىسى، گۋمانيتارلىق عىلىمدار جانە مادەنيەتتانۋ عىلىمي-زەرتتەۋ ينستيتۋتىنىڭ قاۋىمداستىرىلعان پروفەسسورى گولامي رەزا، نۇر-مۇباراك ەگيپەت يسلام مادەنيەتى ۋنيۆەرسيتەتىنىڭ عىلىم جانە يننوۆاسيالار دەپارتامەنتىنىڭ ديرەكتورى ىقتيار پالتورە جانە ت.ب. بايانداما جاساپ، ءسوز سويلەدى
پلەنارلىق ءماجىلىس كەزىندە قۇرمەتتى قوناق، يران فيلوسوفياسى قاۋىمداستىعىنىڭ پرەزيدەنتى، شاحيد باحشتي ۋنيۆەرسيتەتىنىڭ پروفەسسورى اۆاني گۋلامرەزا مىرزانى ءال-فارابي اتىنداعى قازاق ۇلتتىق ۋنيۆەرسيتەتىنىڭ «ەرەڭ ەڭبەگى ءۇشىن» مەدالىمەن ماراپاتتاۋ ءراسىمى ءوتتى
كونفەرەنسيا سەكسيالىق وتىرىستار اياسىندا جالعاستى، وندا عالىمدار مەن تانىمال ساراپشىلار قازىرگى فارابيتانۋدىڭ وزەكتى ماسەلەلەرىن تالقىلادى.
«8D03102 - مادەنيەتتانۋ» ماماندىعىنىڭ 2 كۋرس دوكتورانتى سارييەۆا پ.م.
عىلىمي جەتەكشى: ف.ع.د.، پروفەسسور ابيشيەۆا ا.ك.
ءال-فارابي اتىنداعى قازاق ۇلتتىق ۋنيۆەرسيتەتى http://www.kaznu.kz
You Might Also Like
-
سىرىم ايەلدى ءوزى ىزدەپ، سۇيگەنىن العىسى كەلىپ، ەل ارالاپ شىعىپ كەتەدى. ءبىر كۇنى كەلە جاتىپ ءبىر كەدەي كىسىنىڭ ۇيىنە قونادى. كەدەيدىڭ بويجەتكەن ءبىر قىزى بار ەكەن. سىرىم ەكەنىن بىلدىرمەي، ءتۇن ورتاسى ب...
-
عىلىم جانە جوعارى ءبىلىم ءمينيسترى ساياسات نۇربەك فرانسيا مەن قازاقستان پرەزيدەنتتەرىنىڭ اقورداداعى كەزدەسۋى الدىندا قازاق-فرانسۋز ۋنيۆەرسيتەتى اشىلاتىنىن ايتتى.
