InfoHub Logo

ارىستان بۇكىل اڭ بالاسىنا پاتشا بولىپ تۇرعان كەزدە، ءادىل بيلىك جۇرگىزىپ، ەلدىڭ قۇرمەتىنە بولەنۋدى ويلاپتى ءارى سولاي دا ىستەپتى. ءبىر كۇنى ارىستان ءبىر توبەگە شىعىپ وتىرىپ، جايىلىپ جۇرگەن كوپ الا قويدى كورىپ كوڭىلى بۇزىلىپتى. سونىمەن ايۋ مەن تۇلكىنى شاقىرىپ الا قويلاردى قالاي ءبىر جايلى ەتۋدى اقىلداسىپتى. سوندا ايۋ تۇرىپ:

— تاقسىر، قويدى كىم ادام قاتارىنا الادى، ولاردىڭ كوزىن قۇرتىپ قانا تاستاعان ءجون، — دەيدى توتەسىنەن. مۇنى ەستىگەن ارىستان قاباعىن ءتۇيىپ:

— ءولتىرۋ وڭاي، ءوز جۇرتىمدى ءوزىم قىرسام، جالماۋىز پاتشا اتانىپ، جامان اتقا قالامىن عوي، — دەيدى.

سوندا تۇلكى:

— تاقسىر، ايتقانىڭىز ءجون، جامان اتقا قالماڭىز، مەنشە، وسى قويلارعا ءبىر سايدى بەرىڭىز دە، جاقسى ءبىر قويشى قويىڭىز، — دەيدى. ارىستان از ويلانىپ:

— سەنشە كىم جاقسى باعادى، — دەيدى.

تۇلكى:

— قاسقىرعا جەتەتىن قويشى جوق، — دەيدى جىميا.

سونىمەن ارىستان قاسقىرعا تاباندا قويلاردى جاقسى باعۋ تۋرالى بۇيرىق تۇسىرەدى. الا قويلار دا از ۋاقىتتا ارىستاننىڭ كوزىنەن عايىپ
بولادى.

---