تۇلكىنىڭ جاقسىلىعى
ءبىر مەرگەن ءبىر قۇستى اتىپ الىپتى. ونىڭ ءۇش بالاپانى ۇياسىندا جەتىم قالىپتى. ولاردىڭ شىرىلداعان داۋىسىن ەستىگەن تۇلكى اعاش تۇبىنە كەلىپتى دە، جانى اشىعان بەينەدە:
— ەي، سورلى جەتىمدەر-اي، سەندەر قايتىپ كۇن كورەر ەكەنسىڭدەر، — دەپ ءبىر تۇرىپتى دا، ونان سوڭ باسقا اڭ-قۇستاردى ولارعا جەم تاستاۋعا شاقىرىپتى. كوكەكتى مامىق ءجۇنىن بەرۋگە، بوزتورعايعا تاماق ىزدەۋگە، سارى مويىندى ولاردىڭ قاسىندا بولۋعا، قارلىعاشتى ماسا، شىبىن اكەلۋگە، ساندۋعاشتى ءان شىرقاپ ولاردىڭ كوڭىلىن كوتەرۋگە بۇيىرىپتى. تۇلكىنىڭ بۇل جاقسى كوڭىلىنە اڭ-قۇستىڭ ءبارىنىڭ كوڭىلى بوساپتى. ءسويتىپ
تۇرعاندا اشتىققا شىداماعان ءۇش بالاپان اعاش باسىنان جەرگە قونا قالىپتى. سوندا جەتىمدەردى اياپ ساۋاپتىق ءىس ىستەگەلى تۇرعان الگى تۇلكى ءۇش بالاپاندى لىپ ەتكىزىپ قىلعي سالىپتى دا، زىتىپ بەرىپتى.
You Might Also Like
-
ارىستان بۇكىل اڭ بالاسىنا پاتشا بولىپ تۇرعان كەزدە، ءادىل بيلىك جۇرگىزىپ، ەلدىڭ قۇرمەتىنە بولەنۋدى ويلاپتى ءارى سولاي دا ىستەپتى. ءبىر كۇنى ارىستان ءبىر توبەگە شىعىپ وتىرىپ، جايىلىپ جۇرگەن كوپ الا قويد...
-
ەرتەدە بىرەۋدىڭ ءبىر ۇلى، ءبىر قىزى بولىپتى. قىزى كوپ وتىرىپ قالعان، ءارى اقىلسىز، ءارى كەلبەتسىز بولادى دا، ۇلى سوزگە شەبەر، قۋ ءتىلدى ەكەن.
