InfoHub Logo

ساباقتىڭ تاقىرىبى: الاقاي، مەن 5 - سىنىپتا وقيمىن!
5 - سىنىپ وقۋشىلارىنا ارنالعان ترەنينگ ساباق
ساباقتىڭ ماقساتى:
5 - سىنىپ وقۋشىلارىنا ورتا بۋىندا (ورتا مەكتەپتە) وقۋ جاعدايىنا بەيىمدەلۋ كەزەڭىندە پسيحو - پەداگوگيكالىق قولداۋ كورسەتۋ.
ساباقتىڭ مىندەتى:
 5 - سىنىپ وقۋشىسىنىڭ جاڭا الەۋمەتتىك ستاتۋسى تۋرالى تۇسىنىگىن دامىتۋ؛
 ءوزىنىڭ مۇمكىندىكتەرىنە جانە جەتىستىكتەرگە ۇمتىلۋعا دەگەن دۇرىس قاتىناس قالىپتاستىرۋ؛
 باسقالارمەن تاتۋ ءومىر ءسۇرۋدىڭ قاجەتتىلىگىن جانە ءوزارا تۇسىنىستىكتىڭ ماڭىزدى ەكەندىگىن ءتۇسىندىرۋ؛
قاجەتتى قۇرالدار: داپتەر، قالام، كارانداش، جۇمساق ويىنشىق نەمەسە دوپ.

جۇمىس جوسپارى:
1. تانىسۋ. «ءوزىڭدى ماقتا!» جاتتىعۋى.
2. جاتتىعۋ «ورنىمىزدى اۋىستىرامىز».
3. توپتىق ەرەجە قابىلداۋ.
4. «وي قوزعاۋ». «سويلەمدى جالعاستىر» جاتتىعۋى.
5. «مەن كىممىن؟ مەن قاندايمىن؟» جاتتىعۋى.
6. جاتتىعۋ «مەن ءۇشىن نە ماڭىزدى؟».
7. «دوس ىزدەيمىن» جاتتىعۋى.
8. كەرى بايلانىس. قورىتىندىلاۋ.
9. ۇيگە تاپسىرما.

1. تانىسۋ. «ءوزىڭدى ماقتا!» جاتتىعۋى.
ءقازىر بىزدەر بالالار، شەڭبەرگە تۇرامىز. سىزدەرمەن وتە قىزىقتى جاتتىعۋ ورىندايمىز. اتاۋى دا ەرەكشە – «ءوزىڭدى ماقتا!». ءوزىمىزدى ماقتاۋعا بىزگە سيقىرلى دوپ كومەكتەسەدى. ءاربىر وقۋشى قولىنا سيقىرلى دوپتى العاننان كەيىن ءوزىن ماقتاۋى كەرەك. سىزدەردەن ۇيالماۋلارىڭىزدى سۇرايمىن. ەندەشە، ويىندى وزىمنەن باستايىن. «مەن ءوزىمدى اقىلدىمىن جانە مەيىرىمدىمىن دەپ ماقتاعىم كەلەدى، سەبەبى مەن ءارقاشان ءوزىمنىڭ وقۋشىلارىما جانە ولاردىڭ اتا - انالارىنا، سونىمەن بىرگە باسقا دا ادامدارعا كومەكتەسەمىن». وسىلاي دوپتى كەلەسى ادامعا بەرەدى. بۇل جاتتىعۋ وقۋشىلاردا وزىنە دەگەن سەنىمدىلىكتى جانە باتىلدىقتى دامىتادى.

2. جاتتىعۋ. «ورنىمىزدى اۋىستىرامىز».
بۇل ويىن كىشكەنە قيمىلداۋعا، كوڭىل - كۇيدى كوتەرۋگە، سونىمەن قاتار ءبىر - ءبىرى تۋرالى قوسىمشا اقپارات الۋعا مۇمكىندىك بەرەدى. ءبىر ورىندىق الىنىپ تاستالادى دا، جۇرگىزۋشى بوساعان ورىنعا وتىرىپ الۋ ءۇشىن كەلەسىدەي تاپسىرما بەرەدى: «كىمنىڭ دوستارى كوپ، المۇرتتى جاقسى كورەتىندەر، وقۋدى جاقسى كورەتىندەر، دومبىرا تارتا الاتىندار، بالمۇزداقتى جاقسى كورەتىندەر، اتا - اناسىنا كومەكتەسەتىندەر جانە ت. ب. ورىندارىن اۋىستىرسىن».

3. توپتىق ەرەجە قابىلداۋ.
جۇرگىزۋشى تانىستىقتان كەيىن توپتىق ەرەجە قابىلداۋدى ۇسىنادى، ەگەر قاتىسۋشىلار ەرەجەمەن كەلىسكەن بولسا قولدارىن شاپالاقتايدى، ەگەر كەلىسپەسە – اياقتارىمەن جەردى تىسىرلاتادى.
 اشىق اڭگىمەلەسۋ
 بەلسەندى بولۋ جانە ازىلدەسە ءبىلۋ
 باعالاماۋ
 ءسوزدى بولمەۋ
 كوپ قاتىناسۋ

4. «وي قوزعاۋ». «سويلەمدى جالعاستىر» جاتتىعۋى.
وقۋشىلارعا سويلەمدى جالعاستىرۋ تاپسىرىلادى. جازباشا ورىنداۋ كەرەك.
«باستاۋىش مەكتەپتە ماعان بارىنەن دە ەستە قالعانى...»
«5 - سىنىپتا مەن (مەنىڭ).... كەلەدى».
وقۋشىلارعا 5 - سىنىپقا كەلگەندە ولاردىڭ ومىرىندە قانداي وزگەرىستەردىڭ، جاڭالىقتاردىڭ بولعاندىعى تۋرالى اڭگىمەلەۋ ۇسىنىلادى.
• 5 - سىنىپتا قانداي قيىندىقتار بولدى؟
• كەلىسپەۋشىلىكتەر تۋىنداعان ساتتەر بولدى ما؟
• قانداي قىزىقتى وقيعالار بولدى؟

5. «مەن كىممىن؟ مەن قاندايمىن؟» جاتتىعۋى.
وقۋشىلارعا سويلەمدى جالعاستىرۋ تاپسىرىلادى. جازباشا ورىنداۋ كەرەك.
 «مەنىڭ ويىمشا، مەن...».
 «باسقالار مەنى... ويلايدى».
 «مەن... بولعىم كەلەدى».
ءاربىر سويلەمگە 5 - 6 سوزدەن جازۋعا بولادى.
سوزدەر ءتىزىمى:
ۇقىپتى، بەلسەندى، قوناقجاي، ءتارتىپتى، ءبىلىمدى، جاۋاپتى، ەڭبەكقور، كەشىرىمدى، تازا، شىدامدى، باتىل، سەنىمدى، قاراپايىم، مادەنيەتتى، قامقور، مەيىرىمدى، سابىرلى، جىلى ءجۇزدى، ادال، سىپايى، بىلىمگە قۇشتار، كەڭپەيىل،... ت. ب.
وقۋشىلاردىڭ جاۋاپتارى تىڭدالادى. وقۋشىلاردىڭ كوپشىلىگىنە ورتاق، سايكەس كەلگەندەرى سانالادى.

6. جاتتىعۋ «مەن ءۇشىن نە ماڭىزدى؟»
بالالار اتا - انالارىمەن بىرگە دەمالىستى ەلسىز ارالدا وتكىزۋگە كوپ ۋاقىتقا كەتىپ بارا جاتىرمىز دەپ ويلاۋى كەرەك. اتا - انالارى بالالارىنا وزدەرىمەن بىرگە چەمودان جانە وندا سالاتىن وزدەرىنە ەڭ ماڭىزدى دەگەن تەك ءۇش نارسەنى عانا الۋعا رۇقسات بەرەدى. ءسىز نە الىپ كەتەر ەدىڭىز؟ سول نارسەلەردى قاعازعا جازىڭىزدار. ءارى قاراي بالالار ءتىزىمدى وقىپ جانە وسى ءۇش نارسەنى نە ءۇشىن تاڭداپ العاندىقتارىن اڭگىمەلەپ بەرۋى كەرەك.
پەداگوگ - پسيحولوگ: بوكۋشيەۆا ا. ن.
الاقاي، مەن 5 - سىنىپتا وقيمىن! جۇكتەۋ