الدىنا كەلتىرىپتى
ءبىر كەدەي اڭشى ارىز ايتىپ، بولىسقا كەلسە، بولىس «قولىم تيمەيدى، كەيىن ءبىر كەلەرسىڭ»، — دەپ ەسىگىنەن دە قاراتپاپتى.
ارادا بىرنەشە كۇن وتەدى. ءبىر كۇنى بولىس اۋلىنىڭ جىلقىسىنا قاسقىر شاۋىپ، قانجوسا عىپ كەتىپتى. اۋىل ادامدارى كوپ يت ەرتىپ قاسقىرلاردىڭ ىزىنە تۇسكەنمەن قورقاۋلار ماڭايلاتپاي سىتىلا بەرىپتى.
سول كەزدە قۋعىنشىلارعا الگى اڭشى شال كەلىپ كيلىگەدى. ونىڭ اققاسقا دەگەن دۇنيەدە جوق جۇيرىك، ءارى جۇرەكتى، قارۋلى تازىسى بار ەكەن. اققاسقا جىلقىعا شاپقان ءۇش ءبورىنىڭ ۇشەۋىن بىردەي جايراتىپ تاستايدى.
ءۇش قاسقىردى بىردەن الىپ، اتى شىققان ءيتتى ءوز قولىنا تۇسىرمەككە كەدەي شالدىڭ ۇيىنە بولىس كەلەدى.
— اسسالاۋماعالەيكوم!
شال بولىستى كورە تۇرىپ، باسىن دا كوتەرمەيدى. تەك بوساعادا جاتقان اققاسقا يتىنە:
— ءاي، اققاسقا، تۇرەگەل، بولىسەكەڭنىڭ سالەمىن ال. بۇل ماعان ەمەس، ساعان بەرىلگەن سالەم، — دەپتى.
You Might Also Like
-
ەرتەدە ءاشىم دەگەن ءبىر كىسى اۋىلناي سايلانىپتى. ءاشىم اۋىلناي بولىسىمەن، تىلگە ەرىپ، قاتەلەسە بەرىپتى. پارا الىپتى. ءبىر كۇنى بازارعا كەلسە، بىرەۋ گازەت وقىپ تۇرادى. تىڭداپ باقسا: ءوزى تۋرالى فەلەتون ...
-
ەرتەدە قوتىر قوجا دەگەن مولدا ءدىن، شاريعات جايىن سىلقىتىپ سوعاتىن مولدا بولىپتى. جازدىڭ ءبىر كۇنىندە قوتىر قوجانى اۋىلداسى قوناققا شاقىرىپتى. ادامدار كوپ جينالعان ەكەن. مولدا ءتور الدىندا وتىرىپ الىپ...
