InfoHub Logo

X-43A دەپ اتالاتىن گيپەردىبىستىق ۇشاق الەمدەگى ەڭ جىلدام ۇشاق سانالادى. X-43A اپپاراتى تاياۋدا جاڭا رەكورد ورناتتى – ساعاتىنا 11230 شاقىرىم جىلدامدىق، وسىلايشا دىبىستىڭ جىلدامدىعىنان 9،6 ەسە اسىپ تۇسكەن.

سالىستىرىپ كورىڭىز: رەاكتيۆ جويعىش ۇشاقتارى دىبىس جىلدامدىعىمەن پارا-پار نەمەسە ودان ەكى ەسە قاتتى جىلدامدىقپەن ۇشا الادى.

X-43A اپپاراتىنىڭ قاناتتارىنىڭ ۇزىندىعى 1،5 مەتر، ۇزىندىعى 3،6 مەتر. وعان ورناتىلعان scramjet (Supersonic Combustion Ramjet) قوزعالتقىشى دىبىستان جۇيرىك جاناتىن سىناق قوزعالتقىشى. ونىڭ ەرەكشەلىگى ۇيكەلىسپەيتىن دەتالدارىنىڭ بولماۋىندا، ال وتىن رەتىندە سۋتەك پەن وتتەكتىڭ قوسپاسى قولدانىلادى. وتتەك ارنايى باكتارعا جينالمايدى، قورشاعان ورتاداعى اتموسفەرادان الادى، مۇنىڭ ارقاسىندا اپپاراتتىڭ سالماعىن ايتارلىقتاي ازايتادى. ال پايدالانىلعان گازىندا زياندى قالدىق جوق، ول تەك سۋ بۋى سەكىلدى.

بۇل جوبانى جاساعان NASA عارىش اگەنتتىگىنە گيننەستىڭ رەكوردتار كىتابىن شىعاراتىن Guinness World Records-تان سەرتيفيكات بەرىلدى، بۇل سەرتيفيكات اپپاراتتىڭ الەمدە ەڭ جىلدام ەكەنىن راستايدى. 

X-43A ۇشاعىن قۇراستىرۋدىڭ ماقساتى – تۋربورەاكتيۆ قوزعالتقىشتاردىڭ گيپەردىبىستىق بالاماسىن سىناقتان وتكىزۋ. عالىمداردىڭ پىكىرىنشە، گيپەردىبىستىق ۇشاقتار الەمنىڭ كەز كەلگەن نۇكتەسىنە 3-4 ساعاتتا جەتەتەتىن مۇمكىندىگى بار.

---