قازاقستان رەسپۋبليكاسىنىڭ ءبىلىم جانە عىلىم ءمينيسترى اۋىستى
قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ جارلىعىمەن ەلىمىزدىڭ ءبىلىم جانە عىلىم ءمينيسترى اۋىستى، - دەپ حابارلايدى Tengrinews.kz ءتىلشىسى اقورداعا سىلتەمە جاساپ.
"ەرلان كەنجەعالي ۇلى ساعادييەۆ قازاقستان رەسپۋبليكاسىنىڭ ءبىلىم جانە عىلىم ءمينيسترى بولىپ تاعايىندالسىن"، - دەلىنگەن جارلىقتا. ايتا كەتەيىك، وسىعان دەيىن بۇل قىزمەتتە اسلان ءسارىنجىپوۆ بولعان ەدى.
ەرلان كەنجەعالي ۇلى ساعادييەۆ 1966 جىلى 29 قىركۇيەكتە دۇنيەگە كەلگەن. 1990 جىلى "ەكونوميكا" ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان، بىلىكتىلىگى ەكونوميست. 1993 جىلى ميننەسوتا شتاتىنىڭ ۋنيۆەرسيتەتىن ءبىتىردى، اقش-تىڭ ميننەاپوليس قالاسىندا قولدانبالى ەكونوميكا دەپارتامەنتىنىڭ عىلىم ماگيسترى عىلىمي دارەجەسى بار.
ەڭبەك جولىن 1990 جىلى سىرتقى ىستەر مينيسترلىگىنىڭ قولدانبالى ەكونوميكا دەپارتامەنتىنىڭ حالىقارالىق ەكونوميكالىق قاتىناستاردى دامىتۋ جونىندەگى ەكىنشى حاتشىسى لاۋازىمىنان باستاعان. دۇنيەجۇزىلىك بانكىنىڭ اۋىل شارۋاشىلىعى دەپارتامەنتىنىڭ احۋالىن تالداۋ جونىندەگى اسسيستەنتى، شىعىس ەۋروپا، تمد ەلدەرىنىڭ كۋراتورى بولعان (اقش، ۆاشينگتون قالاسى). 2003 جىلدان باستاپ 2009 جىلعا دەيىن "جاڭا تەحنولوگيالار. قازاقستان" اق-نىڭ ديرەكتورلار كەڭەسىنىڭ ءتوراعاسى بولدى، باس ديرەكتوردىڭ لاۋازىمىن اتقارعان. 2012-2013 جىلدارى قازاقستان رەسپۋبليكاسى پرەمەر-مينيسترىنىڭ كەڭەسشىسى قىزمەتىن اتقارعان. 2014 جىلدىڭ اقپان ايىنان تامىز ايىنا دەيىن قازاقستان رەسپۋبليكاسىنىڭ يندۋستريا جانە جاڭا تەحنولوگيالار ۆيسە-مينيسترى بولدى.
You Might Also Like
-
كوزتارتارلىق سۋرەتتى ءتۇسىرۋ ءۇشىن جۇرەك جۇتقان مىنا ءبىر تۋريست روجدەستۆو ارالىندا دەمالىپ جاتىپ، 4 كەلى بولاتىن 90 سانتيمەترلىك كوكوس شايانىن (پالما ۇرىسى) ۇستاپ الدى. بۇل شايان قىسقىشىمەن كوكوس جاڭع...
-
يسپانيانىڭ تەڭىزدەردى زەرتتەۋ ۋنيۆەرسيتەتىنىڭ وكەانولوگتارى قىزىق جاڭالىق اشتى. تەڭىزدىڭ ەڭ تۇبىنەن، بالەار ارالدارىنىڭ جانىنان الەمدەگى ەڭ الىپ وسىمدىك تابىلعان.
