InfoHub Logo

ءوزىنىڭ ساپالىق دەڭگەيىن ارتتىرا تۇسكەن بۇل ءداستۇرلى فورۋم – الەمنىڭ دىني-ەكونوميكالىق-ساياسي ماسەلەلەرى ۋشىعىپ تۇرعان ۋاقىتتا مادەنيەتتەر مەن وركەنيەتتەر اراسىن جالعاپ، ولاردىڭ ءتىل تابىسۋىنا، بىر-بىرىمەن ى­­مىراعا كەلىپ، ىنتىماقتاستىعىن كۇ­شەيتۋگە باعىتتالعان شارا. 2003 جىلدان بەرى استانا تورىندە ءار ءۇش جىل سايىن شاقىرىلىپ، وسى ارالىقتا كونفەسسياارالىق كە­لىسىمدەردى نىعايتىپ، الۋان ءتۇر­ءلى ءدىني قاۋىمداستىقتاردىڭ قا­رىم-قاتىناسى جاڭا دەڭگەيگە كو­تە­­رىلۋىنە ىقپالىن تيگىزگەن سەزد ءوزى­ءنىڭ ءدىنارالىق ديالوگتاعى ورنىن قالىپ­تاستىرا ءبىلدى. ىرگەسى بەرىك قالانعان وسى شارانىڭ بىتىمگەرشىلىك رولىنە دەگەن سەنىم ءار فورۋم سايىن ارتىپ كەلەدى.

ءوز كەزەگىندە، الەمدىك جانە ءداستۇرلى دىندەر ليدەرلەرى سەزىنىڭ ەڭ ماڭىزدى مىندەتتەرى - ءدىنارالىق جانە كونفەسسياارالىق ديالوگ داستۇرلەرىن نىعايتۋ، ءدىني بىرلەستىكتەر اراسىنداعى ءوزارا تۇسىنىستىكتى تەرەڭدەتۋ، زاماناۋي قوعامدا تولەرانتتىلىق پەن ءوزارا قۇرمەت مادەنيەتىن دامىتۋ.

ءبىرىنشى سەزدىڭ قورىتىندى قۇجاتىندا قازاقستانعا جوعارى مارتەبە – الەمدىك جانە ءداستۇرلى دىندەر ليدەرلەرىنىڭ ەكىنشى سەزىن قازاقستان رەسپۋبليكاسىنىڭ استاناسى استانا قالاسىندا ۇيىمداستىرۋ جانە وتكىزۋ مىندەتى جۇكتەلدى.  سونداي-اق وسى شەشىمنىڭ اياسىندا دىندەر ديالوگىنىڭ تۇراقتى جۇمىس ىستەيتىن حالىقارالىق كونفەسسياارالىق ينستيتۋتى – الەمدىك جانە ءداستۇرلى دىندەر ليدەرلەرى سەزىنىڭ حاتشىلىعىن قۇرۋعا جانە كەلىسىلگەن شەشىمدەر قابىلداۋعا قاتىستى بارلىق اسپەكتىلەردى ازىرلەۋ تاپسىرىلدى.

تاۋەلسىز قازاقستاننىڭ تاريحى ءدىنارالىق قاتىناستارى مەن ءدىن سالاسىندا، قازىرگى زامانعى قوعامدىق قاتىناستاردى دامىتۋ مەن نىعايتۋدا ءارقاشان نەگىزگى پوزيسيالاردىڭ بىرىنە يە. تاۋەلسىزدىك العان قىسقا مەرزىمدە قازاقستان وسى باعىتتا ايتارلىقتاي تابىسقا قول جەتكىزدى، بۇل رەتتە ادام، ونىڭ ءومىرى، قۇقىقتارى مەن بوستاندىقتارى ەڭ قىمبات قازىناسى بولىپ تابىلاتىن تولەرانتتى، دەموكراتيالىق، زايىرلى قوعامدى قالىپتاستىردى. ءدىن سالاسى قازىرگى زامانعى قوعامدىق قاتىناستار ينستيتۋتى رەتىندە تولەرانتتى جانە بەيبىت قوعام قالىپتاستىرۋدا ۇلكەن ءرول اتقاراتىنىن اتاپ وتكەن ءجون. 19 جىل بويى الەمدىك جانە ءداستۇرلى دىندەر ليدەرلەرىنىڭ سەزى ءوزىن بىتىمگە كەلەتىن ديالوگ الاڭى رەتىندە تانىتتى، ول جەردە تەك الەمدىك كونفەسسيالاردىڭ وكىلدەرى عانا ەمەس، سونىمەن قاتار كورنەكتى ساياسي قايراتكەرلەر، بەدەلدى حالىقارالىق ۇيىمدار مەن عىلىمي-ساراپشىلىق قوعامداستىقتىڭ وكىلدەرى دە كەلىسسوزدەر ۇستەلىندە باس قوسادى. بۇنداي شارالار الەمدە بولىپ جاتقان ءارتۇرلى       گەوساياسي جاعدايلار اياسىندا دا جان-جاقتان جينالعان قوعامدىق ينستيتۋتتار اراسىندا ءوزارا بايلانىس ورناتۋلارى ءۇشىن قاجەت.
كەش بارىسىندا الەم جۇلدىزى ديماش قۇدايبەرگەن كورەرمەندەرگە تۇجىرىمداماسى ادامزات قوعامىنداعى ءوزارا سىيلاستىق پەن كەلىسىم پرينسيپتەرى ساقتالعان جاعدايدا عانا قول جەتكىزۋگە بولاتىن الەمدىك ۇيلەسىمدىلىك يدەياسىنا نەگىزدەلگەن سينگلدى ۇسىندى. سونداي-اق، انگە ءدىني جانە رۋحاني قۇندىلىقتار ادامدار اراسىنداعى جالپىعا ورتاق بەيبىتشىلىك پەن كەلىسىمگە جەتۋدىڭ ەڭ ماڭىزدى باعدارى ەكەنى ارقاۋ بولعان.

جاكسىلىكبايەۆا ايشولپان كاناتحانوۆنا ”ءدىنتانۋ”ماماندىعىنىڭ 3كۋرس ستۋدەنتتى

ءال-فارابي اتىنداعى قازاق ۇلتتىق ۋنيۆەرسيتەتى

عىلىمي جەتەكشىسى : كۋدەرينا ا. ن.

---