InfoHub Logo

Amazon-نىڭ نەگىزىن قالاۋشى جانە باس ديرەكتورى دجەفف بەزوس الەمنىڭ ەڭ باي ادامى اتاندى.

امەريكالىق CNN ارناسى دجەفف بەزوستى ادامزات تاريحىنداعى ەڭ باي ادام دەپ اتادى. Bloomberg قۇرعان ميللياردەرلەر رەيتينگى بويىنشا دجەفف بەزوستىتىڭ 2018 جىلىنىڭ 9 قاڭتار كۇنگى جاعدايى 105 ميلليارد دوللارعا باعالانعان.

الەمنىڭ ەڭ باي ادامى اتانعان دجەفف بەزوس دەگەن كىم؟

دجەفف بەزوس 12 قاڭتار 1964 جىلى اقش-تىڭ نيۋ-مەكسيكو شتاتىنىڭ البۋكەركە قالاسىندا دۇنيەگە كەلگەن. دجەفف 4 جاستا بولعاندا اناسى كۋبالىق يمميگرانت ميگەل بەزوسقا تۇرمىسقا شىعادى. وگەي اكەسى بالانى اسىراپ الادى.

ءجاسوسپىرىم كەزىندە ول ءبىر جاز بويى McDonald’s-تا جۇمىس ىستەيدى، بۇدان كەيىن قۇربىسىمەن Dream Institute اتتى 10 كۇندىك بالالار لاگەرىن قۇرادى.

1986 جىلى پرينستون ۋنيۆەرسيتەتىن ءتامامداعان سوڭ بەزوس Intel مەن Bell Labs ۇسىنىستارىنان باس تارتىپ، Fitel اتتى ستارتاپقا جۇمىسقا تۇرادى. كەيىن D. E. Shaw حەدج-قورعا قىزمەتكە اۋىسىپ، ءتورت جىل ىشىندە ۆيسە-پرەزيدەنت لاۋازىمىنا دەيىن وسەدى.

1994 جىلى جىلدىق بونۋستى كۇتپەستەن ول D. E. Shaw-دەن كەتۋدى ۇيعارادى. ينتەرنەت ارقىلى ساۋدا جاساۋ تابىستى بولىپ جاتقانىن ەستىگەن ول، سيەتلدەگى ءوز گاراجىندا كىتاپ ساتۋ بويىنشا ونلاين-پلاتفورماسىن ىسكە قوسۋعا بەل بۋادى.

Amazon.com سايتى 16 شىلدە 1995 جىلى ىسكە قوسىلادى. كليەنتتەرىمەن كەزدەسۋلەردى بولاشاق ميللياردەر جەرگىلىكتى Barnes & Noble كىتاپ دۇكەنىندە جۇرگىزگەن. 16 مامىر 1997 جىلى Amazon كومپانياسى بيرجاعا شىعادى. ودان بەرى كومپانيا تاۋارلار مەن قىزمەتتەردىڭ كەڭ اۋقىمىن ۇسىناتىن ۇلكەن كورپوراسياعا اينالدى.

كاسىپكەرلىك قىزمەت

ءجاسوسپىرىم كەزىندە بەزوس ادامزاتتىڭ بولاشاعى باسقا پلانەتالارمەن بايلانىستى بولادى دەپ ەسەپتەيدى، سول سەبەپتى عارىشتىق سالادا كاسىپكەر بولۋعا ۇمتىلادى. تابىستى كاسىبى وعان ارمانىن ورىنداۋعا مۇمكىندىك بەردى. نەگىزگى كاسىبىن باسقارۋدان تىس ۋاقىتتا ول عارىشتىق تۋريزمگە باعىتتالعان Blue Origin اۋەعارىشتىق كومپانياسىن دامىتۋ بويىنشا جۇمىس ىستەيدى.

كومپانيا 2001 جىلى نەگىزىن قالادى، الايدا العاشقى تاپسىرىس بەرۋشى Eutelsat فرانسيالىق سەرىكتىك وپەراتورمەن سەرىكتەردى ۇشىرۋعا كەلىسىمگە وتىرعاننان كەيىن، 2017 جىلدىڭ ناۋرىزىندا عانا پايدا بولدى. بەزوس Blue Origin-گە از دەگەندە $500 ملن قۇيدى. بيزنەسمەننىڭ سوزىنشە، Blue Originء-دى Amazon اكسيالارىن جىل سايىن $1 ملرد-قا ساتۋ ارقىلى قارجىلاندىرادى.

بەزوستىڭ جاقىن اراداعى جوسپارىندا تۋريستەردى عارىشقا اتتاندىرۋ. بۇل ماقساتتاردا التى جولاۋشىنى جەر بەتىنەن 100 شاقىرىمنان استام بيىكتىككە كوتەرە الاتىن New Shepard التى كورابلى قۇراستىرىلادى. ونىڭ ايتۋى بويىنشا، بۇل سالماقسىزدىقتى سەزىنۋگە جانە پلانەتانى عارىشتان كورۋگە جەتكىلىكتى.

گازەت باسپاسىن ساتىپ الۋ

2013 جىلى بەزوس $250 ملن-عا The Washington Post گازەتىنىڭ باسپاسىن ساتىپ الادى. گازەتتەن وزگە، كاسىپكەرگە washingtonpost.com سايتى، Express، The Gazette، Southern Maryland، Fairfax County Times، El Tiempo Latino مەن Greater Washington Publishing گازەتتەرى وتەدى.

كينوعا ءتۇسۋ

بەزوس «ستارترەك: شەكسىزدىك» ءفيلمىنىڭ ءبىر كورىنىسىندە گالاكتيكانىڭ تۇبىنەن كەلگەن وزگە عالامشارلىق بولىپ ەپيزودتىق رول سومداعان.

قايىرىمدىلىق قىزمەت

42 ملن دوللار قارجىسى مەن تەحاستاعى جەرىنىڭ جارتىسىن The Long Now ساعاتىنىڭ قۇرىلىسىنا بەرگەن. بۇل جەراستى ساعاتى 10 مىڭ جىل بويى جۇمىس ىستەۋگە ەسەپتەلگەن. The New York Times باق-تىڭ اشىق مالىمەتتەرى مەن حابارلامالارىنا سۇيەنە وتىرىپ، بەزوستىڭ جالپى قايىرىمدىلىق ماقساتىندا $100 ملن. قۇرتقانىن ايتادى.

وتباسى جاعدايى

1993 جىلى ول D. E. Shaw عىلىمي قىزمەتكەرى ماككەنزي تاتتلعا ۇيلەنەدى، قازىردە ول جازۋشى بولىپ قىزمەت اتقارادى.

---