InfoHub Logo

پاۆلودار وبلىسى لەبياجى اۋدانى ايتەي اۋىلى
لەنين جالپى نەگىزگى ءبىلىم بەرۋ مەكتەبىنىڭ
2-سىنىپ وقۋشىسى ەربولاتوۆ ەرمۇرات
جەتەكشىسى: اۋباشيەۆا بايان ەگەۋوۆنا

وتان – وتتان دا ىستىق

مەن ءوزىمنىڭ قازاقستان جەرىندە تۋعانىما قۋانامىن. مەنىڭ  وتانىم – قازاقستان دەپ ماقتانامىن سەبەبى، مەنىڭ ەلىمە، مەنىڭ جەرىمە جەتەتىن ەل دە جوق، جەر دە جوق دەپ ويلايمىن.

مەنىڭ قازاقستانىم پايدالى قازبالارعا باي ەل، ءبىز ونى دۇنيەتانۋ پانىنەن وقىپ،ءبىلىپ جاتىرمىز. ادامنىڭ ومىرىنە قاجەتتى كەرەكتى زاتتاردىڭ ءبارى ءبىزدىڭ قازاقستاندا بار. سوندىقتان ءبىز ءوزىمىزدىڭ جەرىمىزدەگى بايلىعىمىزدى ءومىر بويى ساقتاۋىمىز كەرەك دەپ ويلايمىن. ونى ىسىراپ جاساپ، توگىپ شاشپاي كەرسىنشە ۇنەمدەۋ كەرەك.

قازاقستاننىڭ تابيعاتى قانداي اسەم! ءبىزدىڭ جەرىمىزدىڭ تابيعاتى كورسەڭ كوز تويمايتىن جەرلەرى بار. مەن ناعاشى اپكەممەن بىرگە ەرىپ الماتى قالاسىنا باردىم. قالانىڭ اسەم جەرلەرىن كورىپ تاماشالادىم.الاتاۋ بوكتەرىندە ورنالاسقان مەدەۋ مۇز ايدىنىنا باردىم. مۇز ايدىنىنا بارىپ كونكي تەپتىك. مۇز ايدىنى وتە كەرەمەت ەكەن. ماشينامەن تاۋعا شىعىپ كەلە جاتقاندا قۇلاعىم ءبىتىپ كەتتى.ماعان الماتى قالاسى وتە ۇنادى. سول جەردە مەن تاۋدى ءبىرىنشى رەت كوردىم.

ءبىزدىڭ  اۋىلدان 45 كم جەردە شارباقتى دەگەن جەر بار سول جەردە قاربىز القابى بار ەكەن. وعان مەن ءوزىمنىڭ اعاممەن بىرگە ەرىپ باردىم. ءوسىپ جاتقان قاربىزداردى كوردىم، قاربىز تەلەگەي-تەڭىز بولىپ جاتىر. بۇل جەردە جىلدا كاربىز فەستيۆالى وتەدى، وعان بارلىق جاقتان ادامدار كەلىپ تاماشالايدى. فەستيۆال وتە قىزىقتى وتەدى، قاربىزداردان جاسالعان ءتۇرلى اشەكەيلەردى كورۋگە بولادى.

ءبىزدىڭ جەرىمىزدىڭ ۇشان-تەڭىز ەكەنىنە كوزىم جەتتى. بىلتىر مەن ناعاشى اپكەممەن ەلىمىزدىڭ ەلورداسى استانا قالاسىنا بارىپ، ەكسپو كورمەسىن تاماشالاپ قايتتىم. استانادا مەن ءبىر ۇلكەن ەرتەگىلەر ەلىنە كىرىپ كەتكەندەي بولدىم، العان اسەرىمدى مەن كوپكە دەيىن ۇمىتا الماي كوز الدىمدا ەلەستەپ تۇردى. مەن ءوز وتانىمنىڭ گۇلدەنىپ، كوركەيىپ جاتقانىنا كوزىم جەتتى. الداعى ۋاقىتتا بۇدان ارتىق گۇلدەنىپ، كوركەيە بەرسىن، وتانىمىز تىنىش، ەلىمىز امان بولسىن، بۇكىل الەمدە تەك قانا بەيبىتشىلىك بولسىن دەپ تىلەيمىن.

---