InfoHub Logo

الما (ەرتەگى)
ءبىلىم بەرۋ سالاسى: كوممۋنيكاسيا
ۇيىمداستىرعان وقۋ قىزمەتى: سويلەۋدى دامىتۋ
ماقساتى: بالالاردى ەرتەگىنىڭ مازمۇنىن دۇرىس ءتۇسىنىپ، سۇراققا جاۋاپ بەرۋگە ۇيرەتۋ. ەرتەگى كەيىپكەرلەرىنىڭ ىشكى كۇيى مەن ءىس - ارەكەتىن ساحنادا ويناي وتىرىپ، بەينەلەي بىلۋگە داعدىلاندىرۋ، قىزىعۋشىلىق ارەكەتىن قابىلەتتەرىن وياتۋ. وزدەرىنىڭ تيەسىلى رولدەرىنە ەنىپ، ونى ىسكەرلىكپەن، ۇلكەن شىعارماشىلىقپەن ورىنداۋعا تاربيەلەۋ.
سوزدىك جۇمىس: جابايى.
ءادىس - تاسىلدەرى: سۇراق - جاۋاپ، اڭگىمەلەۋ، تىڭداۋ.
كورنەكىلىگى: الما اعاشى، قويان، قارعا، كىرپى، ايۋ سۋرەتتەرى.
پوليلينگۆيزم: كىرپى - ەجيك - hedgehog
قارعا - ۆورونا - crow
قويان - زاياس - hare
ايۋ - مەدۆەد - bear
سەزىمدەرىن وياتۋ

شاتتىق شەڭبەر
ال، بالالار، قاراڭىز،
تاڭعاجايىپ بار اڭىز.
ەرتەگىلەر ەلىنە،
قىدىرىپ بىرگە بارامىز.
نۋ ورمانعا ەنەمىز،
اسەم گۇلدەر تەرەمىز.
كوڭىلدى بوپ ءارقاشان.
تاتۋ بولىپ كەلەمىز.

- ءقازىر جىلدىڭ قاي مەزگىلى؟
- كۇز مەزگىلى نەشە ايدان تۇرادى؟
- كۇز مەزگىلىندە قانداي جەمىستەر پىسەدى؟
ديداكتيكالىق ويىن:
«ءدامىن تاپ»
ويىن شارتى: جەمىستەردى كەسىپ الدىن الا دايىندايدى. بالالاردىڭ كوزدەرى جۇمۋلى، ورتاعا كەزەكپەن شىعادى، جەمىستەردىڭ ءدامىن تاتىپ، قانداي جەمىس ەكەنىن تابۋى كەرەك.
- ەندى بالالار، مەن سەندەرگە جۇمباق جاسىرام، سەندەر جاۋابىن تاۋىپ كورىڭدەرشى؟

ۇيىمداستىرۋ، ىزدەستىرۋ
مۇرنى بەينە تۇيمە،
ءۇستى تولعان ينە(كىرپى)

ءتۇرى كومىرگە ۇقسايدى،
قالبالاقتاپ ۇشادى (قارعا)

قىستا ۇيىقتايدى،
جازدا قىدىرادى. (ايۋ)

قالقيىپ ۇزىن قۇلاعى،
ەلەڭدەپ قورقىپ تۇرادى (قويان)

جارايسىڭدار بالالار،«الما» ەرتەگىسىنىڭ كەيىپكەرلەرى.

ەرتەگىنى بالالارعا وقىپ، اڭگىمەلەپ بەرۋ.

- جىلدىڭ قاي مەزگىلى ەدى؟
- جابايى الما قايدا قالدى؟
- المانى كىم كوردى؟
- قويان قارعاعا نە دەدى؟
- قارعا نە ىستەدى؟
- كىرپى نەنى الىپ كەتتى؟
- ۇشەۋى قايدا باردى؟
- ايۋ نە دەپ جاۋاپ بەردى؟
- قانداي ماقال ايتتى؟

ەرتەگىنى ساحنالاۋ

ءان:«دوس بولايىق ءبارىمىز»
تىنىشتىق ءساتى: ءۇنتاسپادان سايراعان قۇستاردىڭ، جەل تەربەپ سىبدىرلاعان اعاش جاپىراقتارىنىڭ، سىلدىراپ اققان سۋدىڭ، سۋسىلداعان قۇمنىڭ، ۋىلدەگەن جەلدىڭ داۋسى ەستىلەدى.
- قانە، ءبارىمىز ءبىر ساتكە كوزىمىزدى جۇمايىق. تابيعات اياسىندا سەرۋەندەپ ءجۇرمىز دەپ ويلايىق. تازا اۋا، اشىق اسپان، قۇستار قالىقتاپ ۇشىپ ءجۇر. الىستان سۋدىڭ سىلدىراعان سىلدىرى ەستىلەدى. تەرەڭ تىنىس الايىق. كوزىمىزدى اشايىق.
سەرگىتۋ ءساتى:
الما باققا بارايىق،
الما تەرىپ الايىق.
ەڭ ۇلكەنىن المانىڭ
انامىزعا سىيلايىڭ!
(قيمىلمەن كورسەتەدى).

قورىتىندى:
سۇراقتارعا جاۋاپ الۋ:
- ەگەر المانى سەن تاۋىپ الساڭ، نە ىستەر ەدىڭ؟
- بىرگە ءبولىسىپ جەگەن دۇرىس پا؟
- الما قايدا وسەدى؟
- دوستار ءبىر - بىرىنە قانداي بولۋ كەرەك؟
- بۇگىنگى وقۋ قىزمەت ۇناسا الدارىنداعى سمايليكتى كوتەرۋ

كۇتىلەتىن ناتيجە:
جاسايدى: بالالاردى ەرتەگىنىڭ مازمۇنىن دۇرىس ءتۇسىنىپ، سۇراققا جاۋاپ بەرۋگە ۇيرەتۋ.
تۇسىنەدى: ەرتەگى كەيىپكەرلەرىنىڭ ىشكى كۇيى مەن ءىس - ارەكەتىن ساحنالاۋدى.
قولدانادى: ويىندى قىزىعۋشىلىقپەن وينايدى.

جامبىل وبلىسى، بايزاق اۋدانى،
تۇيمەكەنت ورتا مەكتەبىنىڭ
مەكتەپالدى دايارلىق توبىنىڭ ءمۇعالىمى
مولدانبايەۆا الفيا داۋلەتوۆنا