الماتى وبلىسىندا مەكتەپ فورماسىن تىگۋ بويىنشا جەڭىل ونەركاسىپ كلاستەرىن قۇرۋ ۇسىنىلۋدا
بۇل ۇسىنىس جەرگىلىكتى ۇلەسكە مونيتورينگ جۇرگىزۋ جانە وتاندىق تاۋار وندىرۋشىلەردى قولداۋ بويىنشا كوميسسيانىڭ مىندەتتى مەكتەپ كيىمىن ەنگىزۋ ماسەلەلەرىنە ارنالعان كەزەكتى وتىرىسىندا ايتىلدى.
كاسىپكەرلەر پالاتاسى جۇرگىزگەن مونيتورينگ قورىتىندىلارى بويىنشا، سوڭعى ەكى جىلدا 734 مەكتەپتىڭ ىشىندە 684ء-ى ءبىرىڭعاي مەكتەپ فورماسىن ەنگىزدى. بيىلعى وقۋ جىلىندا ولارعا تاعى 30 مەكتەپ قوسىلعان. مىندەتتى مەكتەپ فورماسىمەن بارلىعى 306 مىڭنان استام وقۋشى قامتىلدى.
«2014-2015 جىلدارى مەكتەپ كيىمىنىڭ باعاسى 5000-نان 12000 تەڭگەگە دەيىن قۇراعان. 2015-2016 جىلدارى - 9000-11500 تەڭگە اراسىندا بولدى. اتا-انالاردىڭ پىكىرىنشە، نەگىزگى پروبلەما ماتانىڭ ساپاسى مەن تۇسىنە قاتىستى بولىپ وتىر، سەبەبى ءبىرىنشى جۋعاننان كەيىن مەكتەپ فورماسى باستاپقى ءتۇرىن جوعالتىپ وتىرادى»، - دەپ اتاپ ءوتتى اكپ كاسىپكەرلەردىڭ قۇقىعىن قورعاۋ جانە اكىمشىلىك كەدەرگىلەردى تومەندەتۋ ءبولىمىنىڭ ساراپشىسى ايدار قاجىمۇقان.
وسى سەبەپپەن كوپتەگەن وقۋ مەكەمەلەرى مەكتەپ كيىمىنە تاپسىرىستى «اجار»، «GLASMAN»، «سىمبات» سياقتى ءىرى تىگىن فابريكالارىنا بەرەدى، سەبەبى شاعىن بيزنەستىڭ بۇكىل مەكتەپ ءۇشىن كيىم تىگۋگە تەحنولوگيالىق مۇمكىندىكتەرى جەتكىلىكسىز. وسىعان بايلانىستى، الماتى وبلىستىق كاسىپكەرلەر پالاتاسىنىڭ ديرەكتورى ءلاززات شىڭعىسبايەۆانىڭ پىكىرىنشە، وبلىس وندىرىستىك كلاستەردى قۇرۋعا مۇقتاج بولىپ وتىر.
You Might Also Like
-
قىزىلوردا قالاسى تاسبوگەت كەنتى وقۋشىلار مەن جاسوسپرىىمدەر ءۇيى "قۋىرشاق تەاترى" ۇيىرمەسى اسقار ماقسات ەرلان ۇلى جەتەكشىسى: ابيلوۆا باقىتگۇل
-
«كىشىشىعان ورتا مەكتەبى مەكتەپكە دەيىنگى شاعىن ورتالىعىمەن» كوممۋنالدىق مەملەكەتتىك مەكەمەسىنىڭ 5 "ءا" سىنىپ وقۋشىسى: تاباراك جۇراعات جەتەكشىسى: اجينۋروۆا اينۇر قايمباي قىزى
