InfoHub Logo

قازالى اۋدانىنداعى №25 مەكتەپكە ۇزاق جىلدار باسشىلىق جاساعان قازاقستان رەسپۋبليكاسى ءبىلىم بەرۋ ءىسىنىڭ ۇزدىگى الماس تەمىرباي ۇلى جۋىردا عانا 63 جاسقا تولىپ، قۇرمەتتى دەمالىسىنا شىققان ەدى. مەكتەپ اكىمشىلىگىنىڭ ۇسىنىسىمەن وسى ءىس-شارانىڭ سەنارييىنە بايلانىستى جۇمىستاردى جازىپ وتىرعاندا، وسى ءبىر شاعىن ەستەلىك تە ءتىل ۇشىنا ورالىپ تۇردى.

قىزىلوردانىڭ وقۋ ورنىنان ادەبيەتتىڭ مۇعالىمدىگى ماماندىعى بويىنشا ءبىتىرىپ كەلگەن بۇعان مەكتەپتىڭ ديرەكتورى: "كەل، جۇمىسقا الايىن"، - دەدى. مۇنىسى جاعدايعا قاراعانى، تۇسىنىستىك تانىتقانى، ۇيدەن اپاسىنىڭ جانىنان شىعىپ تۇرسىن دەگەنى، دۇنيەدەن وزىپ كەتكەن كوكەسىنە دەگەن قۇرمەتى. ايتپەسە مەكتەپ سول ساتتە ءدال وسى ماماندىقتىڭ يەسىنە تىم ءزارۋ بولىپ تۇرعان جوق ەدى. مۇنى ەستىگەن اپاسى: "بۇل بالا دا كورگەندىگىن ىستەپ وتىرعان بالا عوي"، - دەدى.

ءبىراق ماسەلەنى مەكتەپتىڭ ديرەكتورى شەشپەيتىن بولىپ شىقتى. ماسەلەنى اۋداندىق ءبىلىم ءبولىمى شەشەدى ەكەن. ال اۋداندىق ءبىلىم ءبولىمى مۇنى مامانى تاپشى شالعاي اۋىلدارعا جىبەرىپ جاتتى. وسىلاي اۋداندىق ءبىلىم ءبولىمى مەن اۋىلدىڭ اراسىن تامىزدىڭ ون بەسىنەن قىركۇيەكتىڭ باسىنا دەيىن جول قىلىپ ءجۇرىپتى.

ءبىر كۇنى اۋداندىق ءبىلىم بولىمىنەن مەكتەپتىڭ ديرەكتورىن كورىپ قالدى.

- سەنى اۋىلعا جىبەرگەن جوق پا؟ - دەدى مەكتەپتىڭ ديرەكتورى بۇعان.

- جوق، جىبەرگەن جوق.

- باستىققا مەن كىرىپ ايتىپ كورەيىن بە؟

- ايتىپ كورىڭىز.

"ءسوزىڭدى بىرەۋ سويلەسە..." دەگەن بار عوي. بولماسا مەكتەپتىڭ ديرەكتورى دا تۋعانى ەمەس، تۋىسقانى ەمەس، رۋلاسى ەمەس.

وسى مەكتەپتىڭ ديرەكتورىن دا جۇرت "بۇل دا ءبىر قاسقىر جىگىت قوي" دەيتىن. سول "قاسقىر جىگىتىڭىز" سوندا كادىمگىدەي قوبالجىپ تۇردى. ديرەكتوردىڭ بويى ۇزىن جىگىت ەكەندىگىن ەندى عانا بايقاعانداي بولىپتى. زاۆرايونو-نىڭ قابىلداۋ بولمەسىندەگى تۇرعان ايناعا تىزەسىن ءسال-پال بۇگىپ قارادى. سالالى ساۋساقتارىمەن شاشىن تاراعىشتادى. سونان سوڭ تاراعىن سۋىردى. سوسىن حاتشى قىزعا قاراپ گۇر ەتتى:

- قالاي، ءبارى دۇرىس پا؟

حاتشى قىز جىميدى:

- دۇرىس، اعاي.

ديرەكتور ءدال سول ساتتە نە سۋدىڭ تەرەڭىنە سۇڭگىگەلى تۇرعان، نە قالىڭ ءورتتىڭ قۇشاعىنا كىرىپ كەتكەلى تۇرعان ادام سەكىلدى ەدى. زاۆرايونو-نىڭ كابينەتىنىڭ جىمداسىپ جابىلعان ەسىگى سۋىق قاباق تانىتىپ، سىزدانىپ تۇردى. ديرەكتور سول ەسىكتى اشتى دا، ىشكە سۇڭگىپ كەتتى. سىرتتا تىلەۋىن تىلەپ بۇل قالدى. ءبىراق ديرەكتوردىڭ ىلە-شالا اتىپ شىققانى:

- ويباي، مىنا كىسى دەگەن بەت قاراتپاي وتىر عوي!

"ماعان ەشكىم ەشكىمنىڭ شارۋاسىمەن كىرمەسىن! نۇكتە!" بۇل - زاۆرايونو-نىڭ ايتقانى.

شارۋاسى بىتپەي قالسا دا، مەكتەپ ديرەكتورىنىڭ ءوزى ءۇشىن باستىقتىڭ الدىنا كىرىپ جاتقاندىعىنا سول جولى رازى بولىپ تۇرىپتى. قاتاڭ مىنەزدى باسشىنىڭ قاباعىنان ءوزى سەسكەنىپ تۇرسا دا، جاس ماماندى وزىنە سۇراپ العىسى كەلىپ جۇرگەن ارەكەتى كوز الدىنا كەلسە، ءالى كۇنگى جىلى جىميادى.

بىردە وسى جولداردىڭ اۆتورى مەكتەپتىڭ ديرەكتورىمەن بىرگە سول كەزدەگى 102ء-نى باسقارىپ وتىرعان شىنتاس ءجادي ۇلىنىڭ كابينەتىندە وتىرعاندا، شاكەڭ بۇعان: "ءبىز، بەرگى بەتتىڭ ديرەكتورلارى، الماستى "بەرگى بەتتىڭ زاۆرايونوسى" دەپ ايتامىز" دەگەنى بار-دى جانىندا وتىرعان قۇرداسىنا كوز قيىعىن ءبىر تاستاپ قويىپ، قالجىڭ قاشىرتا سويلەپ. سول "بەرگى بەتتىڭ زاۆرايونوسى" دەگەن بەيرەسمي اتاعى بار ديرەكتور 63 جاسقا تولىپ، قۇرمەتتى دەمالىسىنا شىعىپ جاتىر ەكەن. وسى مەرەيتوي ساتىندە ۇستازدارى، ۇجىمى، شاكىرتتەرىنىڭ اتا-انالارى: "ۇزاق جىل باسقارىپ وتىرعان مەكتەبىڭىزدىڭ ءنومىرى 25 ەكەن، ەندەشە، قۇرمەتتى دەمالىسىڭىزدا دا 25-تەگى جىگىتتەي بولىپ جۇرە بەرىڭىز!" دەگەن تىلەك ايتادى.

وقۋ جىلى تابىسپەنەن وتسە دەپ،
جەتىستىكتەر الدان ۇزدىك جەتسە دەپ.
جينالىستى باسقاراتىن ديرەكتور،
ۇستاز ءۇشىن ونىڭ اتى - پەدسوۆەت.

جينالىپ ۇستاز، كەلسە ۋاقىت ىڭعايعا،
دەمەيدى، راس، جاپقىش قايدا، گۇل قايدا.
باستالسىن با، دەپ سۇرايتىن، پەدسوۆەت،
باستالماسىن دەيتىن كىم بار مۇندايدا.

ءاي، سونان سوڭ جايىپ تاستاپ قاناتىن،
ۇستازدارىن قاداپ-قاداپ الاتىن.
كەمشىلىكتەر نەگە ىلەسىپ ءجۇر ءالى،
نەگە جۇمىس بولماي جاتىر بولاتىن؟!

ءتارتىپ كەرەك، جارات، مەيلى، جاراتپا،
نەگە وقۋشى قاتىسپاي ءجۇر ساباققا.
اتا-انادان سۇرادىڭ با سول جايلى،
سونى بۇگىن شەش، ەرتەڭگە قاراتپا.

سەندىرىپ ايت، سوزدەرىڭە سەنبەسە،
كوندىرىپ ايت، ايتقانىڭا كونبەسە.
بولماسا ەرتەڭ شاقىرىپ كەل وزىمە،
وزدەرىڭنىڭ ءالىڭ ەگەر كەلمەسە.

دەيدى ۇجىمعا: بولمايدى ودان باعاڭ كەم،
ءومىر دەگەن ءوتۋ ەمەس الاڭمەن.
جۇمىس ىستەي ءبىلۋ كەرەك ءارقاشان،
ءتىل تابىسا ءبىلۋ كەرەك اداممەن.

سىزىلسا دا جەتىستىكتەر سىزىعى،
دەي المايمىز بار مەكتەپتەن ءبىز ۇلى.
دەگەن ساتتە تىم-تىرىس بوپ ۇجىمى،
تەك شىبىننىڭ ەستىلەتىن ىزىڭى.

مەكتەبى ءۇشىن شاكىرتى ۇلكەن ءۇمىت-تى،
وسى جولدا ۇستاز سوعان بىرىكتى.
سول ۇستازدىڭ، مىنە، بۇگىن باسشىسى
63ء-تىڭ اسقارىنا شىعىپتى.

وتكەن ىستە جەتىستىكتەر بار ەكەن،
"ۇزدىك" دەگەن سوعان بەرگەن باعا ەكەن.
تەمىربايەۆ دەسە ونى رەسمي،
بولعان تالاي سىيلاسقانعا "الەكەڭ".

شاكىرتتەردىڭ ءبىلىم جول عوي ارمانى،
ال ءبىلىمنىڭ كوپ بىلگەنگە سالماعى.
ءار ۇستازدى دەسە ەگەر جاۋىنگەر،
ءار ديرەكتور وندا ونىڭ ساردارى.

ءار شاكىرتتىڭ بولسا ومىردە تالابى،
مەكتەپ سونىڭ ەڭ العاشقى قادامى.
63ء-تىڭ ءدال بۇگىنگى تويى دا
مەكتەبىنىڭ تويى دا ەكەن باعالى.

ۇشىرىپ ساپ تالاي ۇل مەن قىزىڭدى،
31 جىل باسقارىپتى ۇجىمدى.
63ء-تىڭ اسقارىنا شىعىپتى،
ارتقا تاستاپ سونشا كوكتەم، كۇزىڭدى.

ءوتسىن دەپ توي شاتتىقتى انگە بولەتە،
دەيدى ۇجىمى كەلسىن ب ا ق پەن بەرەكە.
دەيدى تاعى: "63-تەگى تويىڭىز
جالعاستىعىن تابا بەرسىن، الەكە!"
 

---