الماتىدا ستۋدەنتتەر جەر قويناۋىن پايدالانۋ سالاسىنداعى ءوز جوبالارىن ۇسىنىپ جاتىر
الماتى. قازاقپارات- بۇگىن الماتىدا ق. ساتبايەۆ اتىنداعى قازۇتزۋ بازاسىندا وتكەن «TechGarden's Smart Industry STARTUP DAY» بايقاۋى بارىسىندا وعان قاتىسۋشىلار جەر قويناۋىن پايدالانۋشىلاردىڭ الدىنا قويىلعان تەحنولوگيالىق مىندەتتەردى شەشۋ بويىنشا وزدەرىنىڭ يننوۆاسيالىق جوبالارىن ۇسىندى.
«بۇگىنگى ءىس-شارانىڭ ماقساتى - ەلىمىزدە يننوۆاسيالىق قىزمەتتى دامىتۋ ءۇشىن جەر قويناۋىن پايدالانۋشىلار مەن ءتيىستى عىلىمي-زەرتتەۋ ينستيتۋتتارىنا وسىنداي ديالوگ الاڭىن ۇسىنۋ.
بۇل جەردە كومپانيالاردىڭ جىلدىق جيىنتىق تابىسىنىڭ 1 پايىزى ارقىلى قارجىلاندىرۋعا ۇمىتكەر جوبالار جيناقتالدى»، - دەدى ءوز سوزىندە «Almaty Tech Garden» يننوۆاسيالىق تەحنولوگيالار پاركى» اۆتونوميالىق كلاستەرلىك قورىنىڭ ديرەكتورى سانجار كەتتەبەكوۆ.
ۇمىتكەرلەردىڭ سوڭعى ءبىر اي بويى www.techgarden.kz سايتىنىڭ on-line قىزمەتى ارقىلى بايقاۋعا قاتىسۋعا ءوتىنىم بەرۋگە مۇمكىندىگى بولدى.
كەن ءوندىرۋشى كومپانيالاردىڭ الدىندا تۇرعان ناقتى تەحنولوگيالىق مىندەتتەردى شەشۋگە باعىتتالعان ۇزدىك سەگىز جوبانىڭ يەسى قازىلار القاسىنىڭ الدىندا ءوز جوباسىن قورعاۋعا مۇمكىندىك الدى. ەگەر لايىقتى قورعاپ شىقسا، وندا ولار الداعى ۋاقىتتا اتالعان كومپانيالاردىڭ مەردىگەرى رەتىندە ءوز شەشىمدەرىن جۇزەگە اسىرا الادى.
س. كەتتەبەكوۆتىڭ ايتۋىنشا، «Smart Industry STARTUP DAY» - جاڭادان باستاپ كەلە جاتقان جاس ستارتاپەرلەر عانا ەمەس، جەر قويناۋىن پايدالانۋشى كومپانيالار ءۇشىن دە ماڭىزدى بايقاۋ. بۇل كومپانيالار جاڭا جوبالاردىڭ شەشىمەرى ارقىلى ءوز ءوندىرىسىنىڭ تيىمدىلىگىن ارتتىرا الادى.
«ءبىز بۇل ستارتاپ جوبالارعا باستان اياق جەتەكشىلىك جاسايمىز. سوندىقتان، بايقاۋدىڭ ءبىر جۇلدەسى رەتىندە Almaty Tech Garden پاركىندە ستارتاپ-جوبانى جەتىلدىرۋ بويىنشا ءۇش ايلىق باعدارلاما قاراستىرىلعان»، - دەدى ول.
اۆتور: ايبوتا جاپپاربەرگەن
You Might Also Like
-
قازاقستان رەسپۋبليكاسى الماتى وبلىسى
-
كوكتەمدە، جالپى قاي كەزدە دە جەمىس-جيدەك جەۋ وتە پايدالى. الايدا ولاردى تازالاۋ دا ءبىراز ۋاقىت پەن كۇش الادى. بۇگىن دارۋمەننىڭ قاينار كوزدەرىن تەز ءارى ءقاۋىپسىز ارشۋدىڭ بىرنەشە ءتاسىلىن قاراستىرايىق.
