الماتىلىق وقۋشى جاڭبىردى جاساندى جولمەن جاۋعىزاتىن تەحنولوگيا ويلاپ تاپتى
استانادا جاس يننوۆاتورلاردىڭ حالىقارالىق عىلىمي فورۋمى ءوتتى.
ادىلەت مينيسترلىگى ۇلتتىق زياتكەرلىك مەنشىك ينستيتۋتى الاڭىندا وتكەن جاس ونەرتاپقىشتاردىڭ VI مەكتەبى اياسىنداعى حالىقارالىق فورۋم قازاقستانداعى عىلىم قىزمەتكەرلەرى كۇنىنە جانە حالىقارالىق زياتكەرلىك مەنشىك كۇنىنە ورايلاستىرىلعان.
فورۋمدى قۇتتىقتاۋ سوزىمەن اشقان ادىلەت ۆيسە-مينيسترى بوتاگوز جاقسەلەكوۆا ۆەدومستۆو جۇزەگە اسىراتىن مەملەكەتتىك ساياساتتىڭ ماڭىزدىلىعىن، زەرتتەۋشىلەر مەن يننوۆاتورلاردىڭ ءوز يدەيالارى مەن يننوۆاسيالارىن ساقتاۋعا مۇمكىندىك بەرەتىن، زاڭسىز پايدالانۋدان قورعاۋدى قامتاماسىز ەتەتىن، نەگىزگى كاتاليزاتور – زياتكەرلىك مەنشىك ءرولىن اتاپ ءوتتى.
قازاقستان مەن قىرعىزستاننىڭ جاس عالىمدارى ءوز جوبالارىن تانىستىردى: «سيفرلىق رەسۋرستار مەن باعدارلاما قۇرۋ»، «يتتەردىڭ ءسۇت بەزى وبىرىنىڭ پاتوگيستولوگيالىق دياگنوستيكاسى»، «تاۋ جاعدايىندا تۋننەل قازۋعا ارنالعان بۇرعىلاۋ ستانوكتارى» جانە ت.ب.، سودان كەيىن بارلىق قاتىسۋشىلار تالقىلاۋعا بەلسەندى قاتىسىپ، سپيكەرلەرگە سۇراقتار قويدى.
كەيىنگى ءۇش جىل «نانوسپۋتنيك» جوباسىمەن اينالىسىپ كەلگەن الماتى قالاسى گيمنازياسىنىڭ 10-سىنىپ وقۋشىسى شولپان امانگەلدى جينالعانداردىڭ ەرەكشە قىزىعۋشىلىعىن تۋدىردى. جاس ونەرتاپقىشتىڭ ايتۋىنشا، «نانوسپۋتنيك وزون قاباتىنىڭ كۇيىن زەرتتەيدى، جەر ماڭايىنداعى كەڭىستىكتىڭ استرونوميالىق قوزعالىستارى جەر سىلكىنىسىن بولجاي الادى، سونىمەن قاتار قۇرعاق كليماتتى ايماقتار ءۇشىن ماڭىزدى بولاتىنى – اۋداندارعا جاساندى جاڭبىر شاقىرۋىنا ىقپال ەتە الادى».
ءتۇرلى حالىقارالىق عىلىمي كونكۋرستاردىڭ جەڭىمپازدارى اتانعان تالانتتى وقۋشىلارعا جاس ونەرتاپقىش مەكتەبى العاش رەت عىلىمي فورۋم فورماتىندا ءوتىپ وتىر.
«عىلىمداعى بالالار» جوباسىنىڭ قاتىسۋشىلارى ءوز تاجىريبەلەرىمەن ءبولىسىپ، باسقا وقۋشىلاردىڭ جاڭا جەتىستىكتەرىنە شابىت بەردى.
ءىس-شارانى QAZPATENT جانە «International Center of Scientific Collaborations» جم بىرلەسىپ ۇيىمداستىردى.
You Might Also Like
-
يمام بۇحاري (810-870) — حاديس عالىمدارىنىڭ ەڭ ۇستەمى جانە اۋليە. قۇران كارىمنەن كەيىنگى ەڭ قۇندى كىتاپ سانالاتىن «ساحيح بۇحاري» (جامي ۋس-ساحيح) اتتى ءماشحۇر حاديس كىتابىن جازعان ۇل...
-
ەلباسىنىڭ قازاقستان حالقىنا 2005 جىلعى جولداۋىندا قازاقستان بۇگىن ەۋروپا مەن ازيا اراسىنداعى كوممۋنيكاسيالار لەگىنىڭ تۇيىسكەن جەرىندە تۇر، ءبىزدىڭ مىندەت-وسىناۋ بىرەگەي جاعدايىمىزدى ءوز ەلىمىز بەن حا...
