InfoHub Logo

امەريكا پسيحياترلىق قاۋىمداستىعى (اپق) رەسمي تۇردە كوپشىلىك سەزىپ جۇرگەن نارسەنىڭ: ءوزىن-وزى ۇنەمى سۋرەتكە تۇسىرە بەرۋدىڭ (سەلفيلەتە بەرۋدى) پسيحيكالىق اقاۋ ەكەنىن راستادى.

مۇنداي اقاۋ «سەلفيتيس» (selfitis) دەپ اتالادى. ول ءوزىن-وزى وبسەسسيۆتى-كومپۋلسيۆتى سۋرەتكە تۇسىرە بەرۋگە جانە وز-وزىنە دەگەن قۇرمەتتىڭ ازدىعىن، جاقىندىقتاعى كەمشىل تۇستاردىڭ ورنىن تولتىرۋ ءۇشىن سۋرەتتەرىن الەۋمەتتىك مەدياعا سالۋعا دەگەن ەرەكشە قۇشتارلىقپەن انىقتالادى.

امەريكا پسيحياترلىق قاۋىمداستىعىنىڭ شەشىمىنە سايكەس بۇل وزگەرىستىڭ ءۇش دەڭگەيى بولادى:

– شەكتىك سەلفيتيس: كۇنىنە كەم دەگەندە ءۇش رەت ءوزىن-وزى سۋرەتكە ءتۇسىرۋ، ءبىراق سۋرەتتى الەۋمەتتىك جەلىگە جىبەرمەۋ.

– اسقىنعان سەلفيتيس: كۇنىنە كەم دەگەندە ءوزىن-وزى ءۇش رەت سۋرەتكە ءتۇسىرىپ، ءار سۋرەتتى الەۋمەتتىك جەلىلەرگە سالۋ.

– سوزىلمالى سەلفيتيس: تاۋلىك بويى ءوزىن-وزى سۋرەتكە تۇسىرۋگە دەگەن ەرەكشە قۇشتارلىق جانە بارلىق سۋرەتتەردى الەۋمەتتىك مەدياعا كۇنىنە التى رەتتەن ارتىق سالۋ.

سونىمەن قاتار، جاقىندا عانا عالىمداردىڭ سپورتزالدا نەمەسە تاڭعى جۇگىرىس كەزىندە تۇسكەن سۋرەتتەردى الەۋمەتتىك جەلىگە سالۋ وتە اۋىر پسيحيكالىق سىرقات – تۇلعالىق قاسيەتتەردىڭ نارسيسستىك بۇزىلۋىنىڭ بەلگىسى ەكەنىن مويىنداعاندارى بەلگىلى بولدى.

دەرەككوزى: 'Selfitis’ - the obsessive need to post selfies - is a genuine mental disorder، say psychologists

---