InfoHub Logo

بەدەلدى «The Best School» امەريكالىق ۇيىمى ءال-فارابي اتىنداعى قازۇۋ-دى قازاقستاننىڭ ۇزدىك جوعارى وقۋ ورنى دەپ اتادى، دەپ ۋنيۆەرسيتەتتىڭ باسپا ءسوز قىزمەتى حابارلايدى.

«The Best School» ءبىلىم بەرۋ ماسەلەلەرىمەن اينالىسادى جانە ستۋدەنت جاستارعا ءبىلىم بەرۋ باعدارلامالارىن، وقۋ مەن جوعارى وقۋ ورنىنىڭ گەوگرافيالىق ورنىن دۇرىس تاڭداۋعا كومەكتەسەدى.

جىل سايىن اتالمىش ۇيىمنىڭ تاۋەلسىز باعالاۋى نەگىزىندە ءار ەلدە ۇزدىك جوو اڭىقتالادى. مىسالى، اقش-تا - گارۆارد ۋنيۆەرسيتەتى، ۇلىبريتانيادا - كەمبريدج، كانادادا - تورونتو، رەسەيدە - م. لومونوسوۆ اتىنداعى ممۋ، قىتايدا - سينحۋا، جاپونيادا - توكيو، وڭتۇستىك كورەيادا - سەۋل ۇلتتىق ۋنيۆەرسيتەتى، تۋركيادا - ىستامبۇل ۋنيۆەرسيتەتى، ساۋد ارابياسىندا - كينگ ابدۋلازيس ۋنيۆەرسيتەتى بار.

اتاپ ءوتۋ قاجەت، «The Best School» ۇسىنعان جوعارى وقۋ ورىندارىنىڭ رەيتينگى شەتەلدىك ستۋدەنتتەر مەن اتا-انالار ءۇشىن الەم بويىنشا ۇزدىك ۋنيۆەرسيتەتتى تاڭداۋدا جول كورسەتۋشى بولىپ تابىلادى.

رەيتينگكە ەنۋدىڭ باستى تالابى - ەڭ الدىمەن، ءبىلىم بەرۋ ساپاسى. سونىمەن قاتار جوعارى وقۋ ورنىنىڭ عىلىمي-زەرتتەۋ قىزمەتى، ءبىلىم بەرۋ باعدارلامارىنىڭ ساپاسى، اكادەميالىق بەدەل، عىلىمي جەتىستىكتەر، تۇلەكتەردىڭ تابىستىلىعى، ينفراقۇرىلىمدىق دامۋ دەڭگەيى جانە تاعى باسقا كورسەتكىشتەر ەسەپكە الىنادى.

ءال-فارابي اتىنداعى قازۇۋ-دىڭ حالىقارالىق رەيتينگتەردەگى كوشباسشىلىق ورىندارى - ۋنيۆەرسيتەت ۇجىمىنىڭ ءبىلىم بەرۋ مەن عىلىمي-زەرتتەۋ قىزمەتىن ينتەرناسيوناليزاسيالاۋ جانە حالىقارالىق باسەكەگە قابىلەتتىلىكتى ارتتىرۋداعى جۇيەلى جۇمىسىنىڭ جەمىسى.

---