امەريكاندىق پسيحوپات
امەريكاندىق پسيحوپات ءفيلمى تريللەر ەلەمەنتتەرى بار فيلوسوفيالىق دراما. فيلم امەريكاندىق جازۋشى برەت يستون ەلليستىڭ 1991 جىلى جارىق كورگەن «امەريكاندىق پسيحوپات» رومانىنا نەگىزدەلىپ 2000 جىلى ءتۇسىرىلىپ، كورەرمەنگە جول تارتتى. فيلم رەجيسسەرى كانادالىق رەجيسسەر جانە كينوسىنشى مەرري حەررون.
فيلم بىزگە ۋولل ستريتتا «ءومىر سۇرەتىن» پاتريك بەيتمەن اتتى كەيىپكەر جايلى باياندايدى. پاتريكتىڭ ومىرىنە ءفيلمنىڭ باسىندا قىزىعا دا قىزعانا دا قاراۋعا بولادى. سەبەبى، پاتريك باي. بانكتاعى شوتىندا قوماقتى اقشاسى بار، ءوزىنىڭ دەنە بىتىمىنە كۇتىنىپ قارايتىن كەيىپكەر ارقىلى اۆتورلار بۇل فيلمدە تۇتىنۋشى قوعامدى سىنعا الاتىنى ءسوزسىز.
فيلمدە پاتريكتىڭ ەكى جاعى كورسەتىلگەن. ءبىرىنشىسى – بارلىعىمىزعا بەلگىلى باي «اق ءناسىلدى» كەڭسە قىزمەتكەرىنىڭ وبرازى. ەكىنشىسى – پسيحيكاسىندا اۋىتقۋ بار، ءوز قوعامىن جەك كورەتىن قىلمىسكەر. پاتريك ءسان قۋىپ، مەيرامحانالاردى ارالاپ ءجۇرىپ، ءومىردى سەزىنۋدى ۇمىتىپ قالعان ادام دەپ ساناساق بولادى. قوعام الدىندا ءمىنسىز كورىنەتىن وبراز جاساپ العان پاتريك ادامداردى ءولتىرۋ ارقىلى بەلگىلى ءبىر ەموسيا العىسى كەلەدى. ءبىراق ءبىر قىزىعى پاتريكتىڭ جاساعان قىلمىستارى اينالاسىنداعىلارعا مۇلدەم قىزىقسىز جانە بايقالمايدى دا. بۇل تۇتىنۋشى قوعامنىڭ كارتيناسى. پاتريكتىڭ قاسىنداعىلار دا ءدال ءوزى سەكىلدى كيىم مەن ۇيدەگى جيھازداردىڭ قاي برەندكە تيەسىلى ەكەنىن جاتتاۋمەن ومىرلەرىن وتكىزۋدە. پاتريك ءوزىنىڭ بويىنداعى ەكى تۇلعانىڭ اراسىنداعى شەكارانى ءفيلمنىڭ سوڭىنا قاراي جوعالتادى. كاسىپكەر پاتريك پەن قىلمىسكەر پاتريك ءبىر ادامعا اينالىپ، پاتريك جولدا كەزدەسكەن ادامنىڭ ءبارىن ءولتىرىپ، ەسىنەن اداسادى.
ءفيلمنىڭ ماقساتى نەدە؟ فيلم بىزگە ادامداردىڭ كيەتىن بەتپەردەسى جايلى ايتپاق. ادامدار ءوزىنىڭ كىم ەكەنىن جاسىرادى. جاسىرا كەلە وزدەرىنىڭ كىم ەكەندەرىن وزدەرى ۇمىتادى. بۇل قازىرگى قوعام مەن زاماننىڭ بەينەسى. ادامداردىڭ بىر-بىرىنە دەگەن نەمقۇرايلىلىعى مەن قىزىعۋشىلىق تانىتپاۋىنىڭ كورىنىسى فيلمدە سۋرەتتەلگەن.
ءفيلمدى ءوزىنىڭ شەبەرلىگىمەن ارلەگەن كريستيان بەيل ءرولدى جوعارى دەڭگەيدە الىپ شىقتى. كريستيان بەيلدىڭ ەموسيالارى ارقىلى پاتريكتىڭ ىشىندە نە بولىپ جاتقانىن ءتۇسىنۋ اسا قاتتى كەدەرگى تۋدىرمايدى.
بۇل فيلم ءوز كورەرمەنىن ءار بۋىننان تابادى. ءفيلمدى تاماشالاعاننان كەيىن بارلىق كورەرمەن «نەگە؟» دەگەن سۇراق قوياتىنى انىق. ءار كورەرمەن پاتريكقا قاراپ ءوزىنىڭ كيەتىن بەتپەردەسى جايلى ويلانادى دەگەن سەنىمدەمىن.
ءال فارابي اتىنداعى قازۇۋ كينو&مەديا ماماندىعىنىڭ 1 كۋرس ستۋدەنتى ەلۋباي عايزات
You Might Also Like
-
XX عاسىردىڭ 1937-1938 جىلدارداعى ستاليندىك جۇيەنىڭ "ۇلكەن تەررور" اتتى ساياسي قۋعىن-سۇرگىنى قازاق دالاسىن قانعا بوكتىرىپ، قانشاما جازىقسىز حالىقتى اتتى، تەمىر تور...
-
باس پروديۋسەرى – ءاليا نازاربايەۆا. ءفيلمدى مادەنيەت جانە سپورت مينيسترلىگىنىڭ تاپسىرىسىمەن «قازاقفيلم» كينوستۋدياسى مەن Sataifilm كومپانياسى ءتۇسىردى. رەجيسسەر اقان ساتا...
