“فرانسۋز حابارشىسى” ءفيلمى
«فرانسۋز حابارشىسى» ۋەس اندەرسون 2021 جىلى تۇسىرگەن كومەديا جانرىنداعى فيلم. اتالمىش رەجيسسەر سوڭعى تۋىندىسىندا بۇقارالىق اقپارات قۇرالدارىنىڭ جۇمىس ەرەكشەلىكتەرىن سارالايدى. فيلم «New york times» جۋرنالىنىڭ كوركەم ەستەتيكاسىمەن شابىتتانعان.
تۋىندى 3 وقيعانى قامتيدى. ءبىرىنشى وقيعا تۇرمەدەگى شيزويد سۋرەتشى ءومىرىن كورسەتەدى. باستى كەيىپكەر باي، اۋقاتتى وتباسىدان شىققانىمەن، ءومىرىنىڭ ءجاسوسپىرىم كەزەڭىندە جالعىزدىق جولىن تاڭدايدى. سەبەبى ول ءوز ومىرلىك جولى مەن پرينسيپتەرىنە ادال بولۋعا ۇمتىلادى. ءبىر كۇنى موزەس بۇزاقىلاردىڭ ءالسىز جانعا ءتيىسىپ جاتقانىن كورىپ، ولاردى اسا قاتتى قاتىگەزدىكپەن ولتىرەدى. ول پسيحوپات، ال ونداي ادامداردىڭ ونەرى سانالارىنا سايكەس ەرەكشە بولادى. ونىڭ سۋرەتتەرى ءبىر ونەرتانۋشى ارقاسىندا بۇكىل الەمدى تامساندىرادى. موزەس روزەنتالەر ماڭگىلىككە بوستاندىقسىز، تۇتقىندالعان گەنييگە اينالادى.
ەكىنشى وقيعا فرانسياداعى جاستار ريەۆوليۋسياسىن سارالايدى. جاستار ۇلكەندەردىڭ بارلىعىن تىيىم سالۋلارىمەن ابدەن تويدى، ولار ناعىز بوستاندىقتى قالايدى. سوندىقتان بەلسەندى ستۋدەنتتەر بەيبىت شەرۋلەر جاساپ، مانيفەست ايتىپ، باسشىلىققا قارسى شىعادى. وسى وقيعا ءجاسوسپىرىم مەن ۇلكەندەر ءبىر-بىرىن جەك كورسە، ءبىر ورتاق كەلىسىمگە كەلمەسە، سوڭىندا ۇلكەن اپات بولاتىنىن كورسەتەدى. بۇل سوعىس ەشتەڭە الىپ كەلمەيدى. سوندىقتان ەكى ۇرپاق ءبىر-بىرىن تىڭداپ ۇيرەنۋ كەرەك! سوندا عانا حالىقتى مازالايتىن ماسەلەلەردى شەشۋگە جول تابىلادى.
ءۇشىنشى وقيعا ميگرانت اسپازدىڭ ومىرىنە شولۋ جاسايدى. وقيعا شيەلەنىسى - اسپاز جۇمىس اتقاراتىن تۇلعانىڭ بالاسىنىڭ ۇرلانۋى. بالانى ساقتاپ قالۋ ءۇشىن لەيتەنانت ءولىم مەن ءومىر اراسىندا ومىرگە ارەڭ ىلىگەدى. ول ويانعاندا، ءوزىن باسقا ەلدە ەشقاشان تۇلعا رەتىندە سەزىنبەگەنىن ايتادى. ءوز ەلىڭنەن كەتىپ، جوعالتقانىڭدا ماڭگىلىك ىزدەيسىڭ. ءبىراق ءوزىڭنىڭ كىشكەنتاي كەڭىستىگىڭنەن شىقپاساڭ، جاڭا زاتتاردى قالاي زەرتتەيسىڭ؟ ميگرانتتىڭ جۇرەگى ءارقاشان جالعىزدىق سەزىنەدى، ءبىراق ول ءوز جولىن قۋالاعان سوڭ، ۇلكەن بەلەستەردى الەمنىڭ بارلىق جەرلەرىنەن ىزدەۋى مىندەت.
قورىتىندىلاي كەلسەك، ءفيلمنىڭ سترۋكتۋراسى وتە شاشىراڭقى، اركىمگە ۇناۋى مۇمكىن ەمەس. ءبىراق ەرەكشە سەزىمدەردى ىزدەپ جۇرگەن ادامدارعا وسى تۋىندى ۇنايدى دەگەن سەنىمدەمىن.
تولەپبەرگەن ايھانىم
You Might Also Like
-
1934 جىلى ەلىمىزدىڭ ەڭ وزىق ۋنيۆەرسيتەتى-ال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى قالاندى. بۇگىنگى تاڭدا ءبىزدىڭ ۋنيۆەرسيتەتتە شامامەن 25000 ستۋدەنت وقيدى. ون التى فاكۋلتەتتەن تۇرات...
-
1934 جىلى ەلىمىزدىڭ ەڭ وزىق ۋنيۆەرسيتەتى-ال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى قالاندى. بۇگىنگى تاڭدا ءبىزدىڭ ۋنيۆەرسيتەتتە شامامەن 25000 ستۋدەنت وقيدى. ون التى فاكۋلتەتتەن تۇرات...
