InfoHub Logo

3 - سىنىپ
ساباقتىڭ تاقىرىبى: ءان. ءانشى. كومپوزيتور.
ساباقتىڭ ماقساتى: وقۋشىلاردى ونەر الەمىنە جەتەلەۋ، ونەرپازدىققا باۋلۋ، اسەمدىك الەمىنىڭ ىسكەرلىلىگىن بويىنا ءسىڭىرۋ. ءان، ءانشى، كومپوزيتور تەرميندەرىنىڭ انىقتاماسىن ءتۇسىندىرۋ.
ساباقتىڭ مىندەتى: ءتۇرلى مۋزىكالىق تاپسىرمالار ارقىلى وقۋشىنىڭ شىعارماشىلىق بەلسەندىلىگىن وياتۋ جانە ەستە ساقتاۋ قاسيەتى مەن ىرعاقتىق سەزىمدەرىن دامىتۋ. ءان سالۋ شەبەرلىگىنە ۇيرەتۋ.
بىلىمدىلىگى: وقۋشىلاردىڭ مۋزىكالىق ءبىلىمىن ارتتىرۋ، ءان تۋرالى تۇسىنىگىن كەڭەيتۋ.
تاربيەلىگى: وقۋشىلاردى ءان ارقىلى اسەمدىككە، ادەمىلىككە، ءاندى تازا، نازىك ورىنداۋعا تاربيەلەۋ.
دامىتۋشىلىعى: وقۋشىلاردىڭ وي - ءورىسىن، ءان ارقىلى ەسكە ساقتاۋ قابىلەتى جانە ءان ورىنداۋ شەبەرلىگىن دامىتۋ.
ساباقتىڭ ءتۇرى: جاڭا ساباق
كورنەكىلىگى: بالاپاندار، كومپوزيتوردىڭ سۋرەتى، مۋزىكالىق اسپاپ
ساباقتىڭ بارىسى:

ۇيىمداستىرۋ ءبولىمى:
پسيحولوگيالىق ترەنينگ:
«جۇرەكتەن جۇرەككە» دەگەن جىلى لەبىزدەرمەن «بالاپانعا» تىلەك سوزدەرىن ايتۋ.
ءۇي تاپسىرماسىن تەكسەرۋ.
ءوزى جاقسى كورەتىن مىسىق، كۇشىك ت. ب جانۋارلاردىڭ سۋرەتىن سالىپ كەلۋ. سالعان سۋرەتتەرىنە قاتىستى ولەڭ شۋماقتار وقىپ بەرۋ.
(جاۋاپ بەرگەن وقۋشىلار بالاپان سۋرەتتەرى تاراتىلادى)

جاڭا ساباق.
بۇگىن ءان، ءانشى، كومپوزيتور تۋرالى ايتامىز. ءان - مۋزىكا مەن ءسوزدىڭ بىرلىگى عانا ەمەس، ءان ايتۋ ارقىلى ورىنداۋشى ءوز سەزىمىن بىلدىرە الادى. ءاننىڭ مازمۇنىن اشا وتىرىپ، شەبەر ورىنداۋشىلىق قابىلەتىمەن تىڭدارمانعا ءاننىڭ ايتار ويىن جەتكىزە الادى. قازىرگى زاماننىڭ قانداي انشىلەرى ۇنايدى؟ قانداي اندەرىن بىلەسىڭدەر؟ (سۇراقتارعا جاۋاپ الىپ، بىلەتىن ءانىن ورىنداتۋ)
ءاندى ورىندايتىن، سول ءاننىڭ اۋەنى مەن سوزىندەگى نەگىزگى ويىن تىڭداۋشىلارعا جەتكىزە بىلەتىن ونەر ادامىن ءانشى دەيدى. اقىن ءاننىڭ ءسوزىن جازسا، اۋەنىن كومپوزيتور جازادى. ەكەۋدىڭ ۇندەستىگىن ءانشى ورىنداپ جەتكىزە بىلەدى. ءان ءتۇرلى تاقىرىپتا جازىلدى.
ءان
باتىرلىق، ەرلىك
مەكتەپ، ءبىلىم
تاريحي وقيعا
تۋعان جەر، ەل، وتان
رامىزدەر تۋرالى
اتا - انا تۋرالى
تابيعات تۋرالى
بالالىق شاق تۋرالى

مۋزىكا تىڭداۋ: ا. قورازبايەۆ ءانشى - كومپوزيتور. كوپتەگەن اندەردىڭ اۆتورى. قازاقتىڭ ۇلتتىق دومبىراسىن انگە قوسقان ءانشى - كومپوزيتور. «اگۋگاي دومبىرا» ءانىن مەن دومبىرا اسپابىمەن ورىنداپ بەرەيىن. سەندەر مۇقيات زەيىن قويىپ تىڭداڭدار.
- ءان قالاي ورىندالدى؟
- ءان نە تۋرالى جازىلعان؟
- ءاندى قانداي اسپاپتىڭ سۇيەمەلدەۋىمەن ورىندادىم؟
سەرگىتۋ ءساتى:
«ءان»، «ءانشى»، «كومپوزيتور» ويىنى. بالالارعا «ءان»، «ءانشى»، «كومپوزيتور» دەگەن ايدار تاعىلادى. «ءان» بولعان وقۋشى «ءانشى» بولعان وقۋشىمەن قوسىلىپ ءان سالادى. سول ورىندالعان ءاننىڭ كومپوزيتورىن «كومپوزيتور» بولعان وقۋشى ايتادى. ويىندى 4 - 5 رەت قايتالاتىپ ويناتۋ.
داۋىسقا جاتتىعۋ.
«ءانشى بالاپان» ءانىنىڭ قايىرماسىنا داۋىس جاتتىعۋىن جاساتۋ. مي - يا، مي - يا، ليا، ليا، ليا، ليا، ليا - دىبىستارىن قولدانۋ.
تىنىس الۋ جاتتىعۋلارىن جاساتۋ، دەمدى ۇزاق جانە ۇنەمدەۋ ۇيرەتىلەدى.
ءان ۇيرەنۋ:
م. وماروۆتىڭ «ءانشى بالاپان» ءانى - قاۋىمعا كەڭ تاراعان اندەرىنىڭ ءبىرى. ءان بالاردى بىلىمگە، ونەرگە، عىلىمعا شاقىرىپ ءۇن تاستايدى. اۋەنى دە، ءسوزى دە ەستىگەن قۇلاققا جاعىمدى، ءسوزى جەڭىل، ەسكە ساقتاۋعا وڭاي ءان.
ءاندى الدىمەن ورىنداپ، تىڭداتۋ.
(ءاندى شۋماعى مەن قايىرماسىن ۇيرەتىپ، اسپاپقا قوسىلىپ ورىنداتۋ)
شىعارماشىلىق جۇمىس
ءاننىڭ قايىرماسىنا وزىمىزشە مۋزىكا شىعارىپ كورەلىك.
(بالالار ءارقايسىسى وزىنشە ءان شىعارادى، ءاندى ءاننىڭ قايىرماسىنىڭ سوزىنە سالىپ ورىندايدى. ءسويتىپ شىعارماشىلىعىن كورسەتەدى)

ساباقتى قورىتىندىلاۋ
«اداسقان بالاپاندار» ديداكتيكالىق ويىنى. ساباقتىڭ قورىتىندىلاۋ بولىمىندە سىنىپقا تاۋىق كەلەدى. بالاپاندار ەنەسىنەن اداسىپ، تابا الماي قالادى. بالالار تاۋىققا كومەكتەسىپ سۇراققا جاۋاپ بىرەۋى كەرەك. ءاربىر دۇرىس جاۋاپ جوعالعان بالاپانداردى تابا الادى.
1. ءان دەگەن نە؟
2. ءانشى دەگەن كىم؟
3. ءانشى - كومپوزيتور دەپ كىمدى ايتادى؟
4. قانداي ءانشى - كومپوزيتورلاردى بىلەسىڭدەر؟
5. ءوزىڭ ۇناتاتىن ءبىر ءاندى ورىندا.
6. حورمەن «ءانشى بالاپان» ءانىن ورىنداڭدار.
ۇيگە تاپسىرماسى:
وزدەرىنە تانىس ءانشى - كومپوزيتورلاردىڭ اندەرىن ۇيرەنىپ كەلۋ تاپسىرماسى بەرىلەدى. م. وماروۆتىڭ «ءانشى بالاپان» ءانىن جاتقا، ءاندى ناقىشىنا كەلتىرە ورىنداپ كەلۋ.