ءان ساباعى
ءان ساباعىن اسىعا كۇتپەيتىن بالا كەمدە-كەم شىعار. ماتەماتيكا، ورىس ءتىلى، قازاق تىلىنەن شارشاعاندا ءان ايتىپ سەرگيدى. ءان ساباعىنىڭ ءمۇعالىمى ايگۇل دە بالاجان. جاس تا بولسا، بالانى باۋىرىنا تارتقاسىن ولار دا جاقسى كورىپ، ءوزىمسىنىپ العان. ىشكى پىكىرلەرىن دە جاسىرمايدى. ساباق كەستەسىندە ءان ساباعى بەيسەنبى كۇنى 4ء-شى ساباق. وقۋشىلارعا اپايى تابالدىرىقتى اتتاعاننان سىنىپ بولمەسىنە نۇر قۇيىلعانداي اسەر ەتەدى. ءوزى كۇنگەي بەتكە ورنالاسقان. تابيعاتتىڭ شۋاعى مەن جاقسى ادامنىڭ پەيىلى ءبىر نۇكتەگە توقايلاسقاسىن، بولمەگە جىلىلىقتان باسقا نە كەلسىن؟!
ايگۇلدى جاڭا ساباقتى باستاماس بۇرىن نوتالاردى ەكى-ۇش وقۋشىدان سۇراپ، ەستە جاڭعىرتاتىن بۇرىننان ادەتى. دو-رە-مي-فا-سول-ليا-سي. وسى نوتا جاناتقا قونباي قويدى. وتكەن ساباقتا دو-رە-سىن دۇرىس ايتىپ، مي-عا كەلگەندە ۇمىتىپ قالدى.
ءوزى دە ابدەن قينالدى. بولماعاسىن «باستىڭ ىشىندەگى شە؟» دەپ بارلىق وقۋشىنى كۇلدىرگەنى بار.
ول وقۋ جىلىنىڭ جاڭا باستالگان كەزى ەدى. ءقازىر ءبارىن بىلەدى. سوندا دا بولسا قىڭىر سوزگە بالانىڭ اۋەس بولاتىن ادەتى ەمەس پە؟ سونىڭ ىشىندە قيقار قابىلان ۇمىتپاي، جاناتتى كورسە ءوز باسىن ءوزى شۇقىپ تۇرا قالادى. ول – مي دەگەن بەلگىسى.
جاڭا ساباق قازاقستاننىڭ گيمنىنىڭ ءانىن ۇيرەنۋدەن باستالادى. ءسوزىن وتكەن ساباقتا داپتەرلەرىنە جازدىردى. ايگۇل اپاي بايانمەن قوسىلىپ ەكى رەت ايتىپ شىققاسىن ۇشىنشىسىنە ءبارى تۇگەل قوسىلدى.
التىن كۇن اسپانى،
التىن ءدان دالاسى.
دۋماندى باستاعان
ەلىمە قاراشى...
داۋىستارىندا ەرەكشە ەكپىن بار. ول — پەرىشتە پەرزەنتتەردىڭ ەلىنە، وتانىنا، تۋعان جەرگە دەگەن ادالدىعىنىڭ ايعاعى.
You Might Also Like
-
قازاق دالاسىنىڭ ءار قيىرىنان كەلگەن وڭشەڭ ساڭلاق، كىل جۇيرىك ەمىلدەگى تاسوتكەلگە جەتكەندە شىرق ءيىرىلدى. ات جىبەرۋگە كەلىسىلگەن مارە وسى تۇس بولاتىن. تۇرىقتىسى مەن شوقتىقتىسى، سيداڭى مەن جاتاعانى بار...
