اڭىراقاي شايقاسى
XVIII عاسىردا قازاق حالقى جوڭعارلارمەن كەسكىلەسكەن سوعىس جۇرگىزەدى. «اقتابان شۇبىرىندى، القاكول سۇلاما» وقيعاسىنان كەيىن حاندار جاۋعا تويتارىس بەرۋدىڭ جالعىز جولى بىرىگۋ ەكەنىن تۇسىنگەن ەدى.
اڭىراقاي شايقاسى 1729 جىلى جازدا مامىر-ماۋسىم ايلارىندا وتكەن. شايقاس سولتۇستىگىندە بالقاش كولى، وڭتۇستىگىندە وتار دالاسى، باتىسىندا شۋ اڭعارى، شىعىسىندا كۇرتىگە دەيىنگى ارالىقتا بولعان.
اڭىراقاي شايقاسىنا ەكى جاقتان بىرنەشە مىڭداعان جاۋىنگەرلەر قاتىسادى. قاراكەرەي قابانباي، قانجىعالى بوگەنباي، شاقشاق جانىبەك، شاپىراشتى ناۋرىزباي باتىرلار، اقىن اقتامبەردى مەن ۇمبەتەي جىراۋلار سەكىلدى تۇلعالار تۋعان جەرى ءۇشىن ءبىر تۋ استىنا جينالادى. ءۇش ءجۇزدىڭ بىرىككەن اسكەرىنە ءابىلقايىر قولباسشىلىق ەتەدى.
بۇل شايقاس قازاقتارعا وڭايعا تۇسكەن جوق. سەبەبى، مىقتى ءارى شىنىققان جوڭعارلاردى جاۋىزدىعىمەن، قولباسشىلىق دارىنىمەن تانىمال قونتايشى قالدەن سەرەن باستاپ كىرگەن ەدى. دەگەنمەن، قيان-كەسكى ۇرىستا قازاقتار ولاردى ءبىرجولاتا تالقاندايدى. جوڭعارلار كەرى شەگىنۋگە ءماجبۇر بولادى.
اڭىراقاي شايقاسىنداعى جەڭىس – قازاق-جوڭعار سوعىسىنداعى شەشۋشى وقيعا. ول قازاق جەرىن ازات ەتۋدىڭ باستاماسى بولدى. جالپى قازاقتاردىڭ جاۋعا قارسى بىرىگۋى ولاردىڭ كۇشتى قارسىلاسىن جەڭۋىنە جول اشتى.
You Might Also Like
-
قازاقستان بالالار زورلىق-زومبىلىعىنىڭ الدىن الۋ تاجىريبەسىن تاراتۋدا دونور ەلگە اينالدى. بۇل پىكىردى بۇگىن ورتالىق ازيا ەلدەرىنىڭ جابىق مەكەمەلەرىندەگى بالالارعا قاتىستى زورلىق-زومبىلىقتى بولدىرماۋ...
-
ۇلتتىق اكادەميالىق كىتاپحانا سيرەك كەزدەسەتىن كىتاپتار مەن قولجازبالاردىڭ ىشىنەن ەڭ قۇندىلارىن جۇرت نازارىنا شىعاردى. ق ر ۇلتتىق اكادەميالىق كىتاپحانا قۇندىلىقتارىمەن رەسەي، گرۋزيا، ازەربايجان...
