InfoHub Logo

قازاقستان بالالار زورلىق-زومبىلىعىنىڭ الدىن الۋ تاجىريبەسىن تاراتۋدا دونور ەلگە اينالدى. بۇل پىكىردى بۇگىن ورتالىق ازيا ەلدەرىنىڭ جابىق مەكەمەلەرىندەگى بالالارعا قاتىستى زورلىق-زومبىلىقتى بولدىرماۋ سيمپوزيۋمىندا تىلشىلەرگە سۇحبات بەرگەن قازاقستانداعى ادام قۇقىقتارى جونىندەگى ۋاكىل اسقار شاكىروۆ ءمالىم ەتتى.

«بىزدەردى بالالار ءسۋيسيدى وقيعالارىنىڭ ورىن الۋى، وقۋ مەكەمەلەرىندە بالالارعا جاسالاتىن زورلىق فاكتىلەرى الاڭداتادى. بۇل تۇرعىدا قازاقستان، ياعني ءبىزدىڭ مەملەكەتتىك قۇقىق قورعاۋ ۇيىمدارىمىز جۇيەلى جۇمىستار جۇرگىزۋدە. سوڭعى جىلدارى بىزدە ءبىرقاتار بىرلەسكەن جوبا جۇزەگە اسىرىلدى. اتاپ ايتقاندا، يۋنيسەف-پەن وتباسىداعى، مەكتەپتەگى جانە قوعامداعى بالالار پروبلەماسىن ءۇش دەڭگەيلى زەرتتەۋ جۇرگىزىلدى. وسى ورايدا بۇعان دەيىن قازاقستان وزگە ەلدەردىڭ جوبالارىنا نازار اۋدارىپ كەلسە، وسى جوبا جۇزەگە اسىرىلعاننان كەيىن ءبىز اتالعان تاجىريبەمىزدى ءبولىسۋ تۇرعىسىندا دونورعا اينالدىق دەسەك تە بولادى»، - دەدى شاكىروۆ.

سونىمەن قاتار ول ارناي جۇرگىزىلگەن ساۋالناما مالىمەتتەرىن دە جاريا ەتتى. وعان سايكەس، جابىق مەكەمەلەردەگى پەداگوگتەردىڭ 40 پايىزى بالالارعا قاتىستى كۇش قولدانعانى انىقتالعان.

«مەكەمەلەردەگى بالالاردىڭ قۇقىقتارىن قورعاۋ ماسەلەسى بارىنشا وتكىر. ويتكەنى، قوعامنىڭ ايرىقشا نازارىن تالاپ ەتەدى. جوعارىدا اتاپ وتكەن جوبالار بارىسىندا ءبىز بۇل ماسەلەنى زەردەلەدىك. ەكى جىل بۇرىن اتالعان مەكەمەلەردە قانداي با ءبىر پروبلەمالار تۋرالى ماسەلە كوتەرىلمەگەن دە ەدى. دەگەنمەن، ساۋالناما  اتالعان مەكەمەلەردىڭ سۇرالعان قىزمەتكەرلەرىنىڭ 40 پايىزى تاربيەلىك شارا رەتىندە بالالارعا قول جۇمساعانى بەلگىلى بولدى»، - دەدى وكىل.

ونىڭ سوزىنە قاراعاندا، ساۋالناما كوپدەڭگەيلى جوبا اياسىندا ءۇش جىل بويى جۇرگىزىلگەن.

---