اڭشىنىڭ زارى
اڭشىلىقتى كاسىپ قىلعان ەكى اعايىندى جىگىت الدەبىر سەبەپپەن ەلدەن كەتىپ، ءبىر تاۋدىڭ شاتقالىن مەكەندەيدى. كۇندەردىڭ ءبىر كۇنىندە ەكەۋى ەكى قىرقادا اڭ اۋلاپ جۇرگەندە، اعاسى ءبىر قۇلان اتىپ الادى. اتىپ العان قۇلاننىڭ ەتىن قاپقا سالىپ، تەرىسىن كۇنگە دەگدىتىپ وتىرعاندا اسپاندى اياق استىنان بۇلت تورلاپ، قالىڭ نوسەر بۇرشاق قۇيىپ كەتەدى. اڭشى قۇلان تەرىسىن تاستىڭ ءبىر قۋىسىنا كۇركەلەپ، سونى پانالاۋعا ءماجبۇر
بولادى. مىنە، وسى ءبىر شاقتا، ءبىر قىرقاعا شىعا كەلگەن ءىنىسىنىڭ كوز ۇشىندا قۇلان كوسىلىپ جاتقانداي بولادى. ويلانباستان ساداق تارتقان ءىنىسى، قۇلاندى باۋىزداپ الا قويايىن دەپ كەلسە، ءولىپ جاتقان ءوزىنىڭ اعاسى بولىپ شىعادى. اعاسىن كەلمەسكە جونەلتكەن بەيباق اۋىر قايعىعا دۋشار بولىپ، ەڭىرەپ ءجۇرىپ، اعاسىن ارقالاپ قوسىنا قايتادى. بىردەن قوسقا اكەلۋگە باتىلى بارماي، سۇيەكتى جاقىن ءبىر جەرگە جايعاستىرىپ، اعاسى نىڭ
قوسىنا كەلەدى. الدىنان شىققان جەڭگەسى قاينىسىن قاننەن-قاپەرسىز قارسى الادى. «كەشىكتىڭدەر عوي، اعاڭ قايدا؟» دەگەن سۇراققا، قاينىسى ايتارعا جاۋاپ تاپپاي، جوق سىلتاۋ ايتىپ قوسىنا كىرەدى. سول كەزدە كەرەگەدە تۇرعان قوڭىر دومبىرا قولىنا ءتۇسىپ، ءبىر مۇڭدى كۇي شەرتەدى. سەزىمتال جەڭگەسى: «ويپىرىم-اي! مىنا كۇيىڭ بۇرىن-سوڭدى ەستىلمەگەن زار عوي! سەن نە سۇمدىقتى باستاپ وتىرسىڭ! وسى، اعاڭنان ايىرىلىپ قالىپ وتىرعاننان ساۋمىسىڭ؟» — دەپتى. سوندا اڭشىنىڭ قولىنان دومبىرا ءتۇسىپ كەتكەن ەكەن دەپ اڭىز قىلادى.
You Might Also Like
-
Bilim-all.kz جانە Bilimland.kz سايتتارى بىرلەسە ۇيىمداستىرىپ وتىرعان ەسسە جانە ولەڭ-جىر بايقاۋىنىڭ تاعى ءبىر ۇزدىك تۋىندىسى انىقتالدى. «ءتىلىم مەنىڭ» اتتى ولەڭىنىڭ اۆتورى – جاس قالا...
-
ۇلى جۇزدە تايلاق دەگەن كىسى ءوتىپتى. تايلاق باتىر اسقان سىبىزعىشى ادام بولىپتى. تايلاق باتىر «ايراۋىقتىڭ اششى كۇيىن» ءوزىنىڭ شەكەر مەن باراق دەيتىن ەكى ۇلىنا ارناپ شىعارعان دەسەدى.
