ايراۋىقتىڭ اششى كۇيى
ۇلى جۇزدە تايلاق دەگەن كىسى ءوتىپتى. تايلاق باتىر اسقان سىبىزعىشى ادام بولىپتى. تايلاق باتىر «ايراۋىقتىڭ اششى كۇيىن» ءوزىنىڭ شەكەر مەن باراق دەيتىن ەكى ۇلىنا ارناپ شىعارعان دەسەدى.
تايلاق باتىر سەكسەنگە كەلىپ ابدەن قارتايعان كەزىندە جىلقىسىن جاۋ شاۋىپ كەتەدى. شەكەر مەن باراق اتتى ەكى بالاسى قارت اكەسىن ۇيدە قالدىرىپ، جاۋ سوڭىنان قۋادى. سول جولدا شەكەرگە وق ءتيىپ، قازا تابادى. باراق جىلقىدان ايرىلىپ، جارالى قايتقاندا ءۇي سىرتىندا توبەدە وتىرىپ، كۇنى بۇرىن وسى وقيعانى، جانى سەزىپ، كۇڭىرەنىپ تارتقان كۇيى ەكەن. بۇل كۇيدى جينالعان ەلى-جۇرتىنا تارتۋ ارقىلى ۇيدە وتىرعان كەلىنىنە ەستىرتەدى. سوندا ۇيدە وتىرعان كەلىنى: «اكەم تارتار كۇي ەمەس، ءوزىم ەستىر كۇي ەمەس، ساقتا قۇداي، ساقتاي گور!» — دەپ ۇيدەن شىعا الماي وتىرىپ قالادى دەپ اڭىز قىلادى.
You Might Also Like
-
اڭشىلىقتى كاسىپ قىلعان ەكى اعايىندى جىگىت الدەبىر سەبەپپەن ەلدەن كەتىپ، ءبىر تاۋدىڭ شاتقالىن مەكەندەيدى. كۇندەردىڭ ءبىر كۇنىندە ەكەۋى ەكى قىرقادا اڭ اۋلاپ جۇرگەندە، اعاسى ءبىر قۇلان اتىپ الادى. اتىپ ا...
-
ەرتەدە ءبىر سۇلۋ قىز بەن كۇيشى جىگىت بىر-بىرىنە عاشىق بولىپتى. كۇندەردىڭ كۇنىندە جىگىت الىس ساپارعا اتتانادى. امان-ەسەن ورالىپ، قىزدىڭ اۋىلىنا كەلسە، ول وسىدان ءسال بۇرىن قايتىس بولعان ەكەن. ەل-جۇرتى...
